منتديات الويلان

منتديات الويلان (http://www.al-welan.com/vb/index.php)
-   منتدى قصــائد الأعضــاء (http://www.al-welan.com/vb/forumdisplay.php?f=64)
-   -   حتى القمر لاطلع شد الرحيل وسرى (http://www.al-welan.com/vb/showthread.php?t=30772)

مساعدمزعل اليمني 08-25-2018 03:35 AM

حتى القمر لاطلع شد الرحيل وسرى
 
هبت هبوب الشمال وثم هبت جنوب
تصافق الريح بين وبين وين الذرى

تقلبات المزاج لمسرجات الدروب
هتان غيمه يصب ولايبل الثرى

مافيه حاجه على الدنيا وشي محسوب
حتى القمر لاطلع شد الرحيل وسرى

خضر البساتين تهدي وردها للهبوب
من بعد ماجف ماها من بعد ماجرى

ياطلت الصبح ياشمس الظهر يالغروب
وياعتمة الليل لاعتم وثم اسفرى

لو تسألين الحنايا عن حياة القلوب
كم انجرح قلب فيها كم جرحن برى

لو الروابع تسوق القلب مع كل صوب
من اللذي غاب لايذكر من اللي طرى

وين المطر فيك ياوجه السحاب الكذوب
اسرجت خيل الاماني والهقاوي ورى

فوق التجاعيد في وجه الليالي شحوب
تضارب السوم بين البيع والمشترى
مساعدالمزعل

فارس عنزة 08-25-2018 11:28 AM

رد: حتى القمر لاطلع شد الرحيل وسرى
 
لو تسألين الحنايا عن حياة القلوب
،،،،،،،،،،،،،،،،،،، كم انجرح قلب فيها كم جرحن برى


الشاعر مساعد المزعل

صــــــ لـسـانـك ـــــح

كلمات غاية في الجمال والإبداع


الساعة الآن 10:04 PM.

Powered by vBulletin® Version 3.8.8
Copyright ©2000 - 2024, vBulletin Solutions, Inc.