منتديات الويلان - فج الخلا لاضاق صدرك علاجه

منتديات الويلان (http://www.al-welan.com/vb/index.php)

- منتدى الشعر المنقول (http://www.al-welan.com/vb/forumdisplay.php?f=42)

- - فج الخلا لاضاق صدرك علاجه (http://www.al-welan.com/vb/showthread.php?t=27817)

فج الخلا لاضاق صدرك علاجه

دار الهواء فـوق الشجـر بإندراجـه

وانا هجوسي تتبعـه كـل مـاراج

القلـب نسمـات العليـل ابتهـاجـه

والفكر خلتـه الدواكيـك مسهـاج

فجٍ الخلا لاضـاق صـدرك علاجـه

يغنيك عن بعض المجالس والازعاج

سحابـة البـارح قفتهـا عجـاجـه

يلعب بها صلف الهواء مثل الامواج

هبـت هبـوب مدوريـن اللجاجـه

يفرح بزلة صاحبـه كـل هـراج

من غير سبـه عاقـدٍٍ لـك حجاجـه

لو إن ماله مع هل الطيب مـدراج

اثر العـوج دايـم يحـب العواجـه

لو ينعدل يرجـع لساسـه وينعـاج

مايستـوي طعـم القـراح وهماجـه

ولا يستوي نقع الصفا مثـل هـداج

الله ولا منـة محـسّـب خـراجـه

شين اللغا ومن البطر لابـسٍٍ تـاج

والله مايذبـحـك يـاكـود حـاجـه

لاصار في وجهك حيا وانت محتاج

بالعسـر يسـر وللهمـوم انفراجـه

يجيلها من والي العـرش مخـراج

ارفـع يدينـك للسمـا ثـم نـاجـه

يظهرك لو دونك شرابيك واسيـاج