سجة مع الهاجوس ..!
سجـّه مـع الهاجـوس طبيعـةٍ لي طبيعـة بامـوت مـاجـزت عنـهـا اشكي على الخلاّق وأرفع لـه ايـدي لا كثـرت الأفـكـار يـفـك منـهـا أما الكرم قد فـاز بـه حاتـم الطـي حتى الفرس من شان ضيفـه طعنهـا خلوني أكرم في حياتـي وأنـا حـي ولا مت مـدري جثتـي مـن دفنهـا خلقت في الدنيا وأنـا مامعـي شـي وبروح منهـا مامعـي شـي منهـا لا بد ما نرحل عـن المـزح والغـي ونسكن بيـوت قبلنـا مـن سكنهـا مسكين ياللي تحسب الواجـد شـوي والعافيـه لـو تنشـري وش ثمنهـا ياجاهـل الدنيـا تراهـا كمـا الفـي ويا مخبل اللـي فـي حياتـه ومنهـا إن ناحرت لك قامـت تـروح وتجـي مثل الذلـول اللـي طويـل رسنهـا وإن دبـرت خلتـك طايـح و مرمـي وكـم واحـد لـه حاجـة ماضمنهـا النفس مثل الغصن عايش على الري ولولاه كل الناس عافت وطنها يا الله عسى الحسنات تقضي على السي لا قرّبـوا للنفـس ذرعـت كفنـهـا الشاعر / مبارك فايز السبيعي . ...... |
رد: سجة مع الهاجوس ..!
أبيات رائعة صح لسان الشاعر
ولاهنت اخوي فواز ابو خالد وصح نقلك وذوقك الجميل عساك على القوة |
رد: سجة مع الهاجوس ..!
الله يذكره بالخير الاخ مبارك فايز السبيعي
صاحب كرم وصاحب شعر لبق مشكور ابو خالد وبيض الله وجهك على نقل هذه القصيدة ولك تحياتي وتقديري |
رد: سجة مع الهاجوس ..!
أبيات رائعة صح لسان الشاعر
ولاهنت اخوي فواز ابو خالد وصح نقلك وذوقك الجميل |
رد: سجة مع الهاجوس ..!
الله يعطيك العافيه
على هالشيله صح نقلك وذوقك |
رد: سجة مع الهاجوس ..!
الله يعطيك العافيه
على القصيده صح نقلك وذوقك |
رد: سجة مع الهاجوس ..!
صح لسانك ولسان الشاعر تسلم أخوي أبو خالد على هذا الأختيار كل الشكر لك تقبل تحياتي وتقديري |
الساعة الآن 11:05 PM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.