[ALIGN=CENTER][TABLETEXT="width:90%;background-color:black;"][CELL="filter:;"][ALIGN=center]


اعتذر عن قلت مشاركاتي وغيابي وهذا والله قصور مني ولكن العذر والسموحه منكم
متواضعه اتمنا ان تجد استحسانكم ورضاكم علي




[poem=font="Simplified Arabic,6,sandybrown,bold,normal" bkcolor="black" bkimage="" border="double,5,orange" type=2 line=0 align=center use=ex num="0,black""]
على الله يالقصيد اللي تهيض بالضمير وجال=على الله ربنا اللي مايخيب بالرجا عباده
على الله يالدروب اللي خذتنا بكثرة الترحال=وعلى الله يالخفوق اللي همومه صايره عاده
وعلى الله ياتعب قلبي من اللي بالخفا مازال=على الله يبري الخافق وعينن ترجي رقاده
زمان اول تحول والحمول اللي لفتنا ثقال=بلتنا بالضروف اللي طعمها مر بزياده
نصتني كنها صيفٍ بصحرا مابها مقيال=هبايبها سمومٍ تلتضي بالخد وقاده
ضمينا والضما يذبح كثير من الرجال رجال=وانا ربي عطاني من الصبر شومات وجلاده
ولكن الضروف اللي تمر وتبلي الرجال=تحكك لك معادن ناس قبل الوقت نشاده
عرفنا الطيب اللي لو تعنزنا عليه مامال=وعرفنا اللي بوقت الضيق صداده وجحاده
ولو كثرت صداقة هالبشر ماهي براس المال=بعضهم يضحك بوجهك وهم بالحيل حساده
ولو تجمعهم بمنخل خطير انك تبي تهتال=ياكثر اللي يبي يولي وكثر العرف مافاده
تعلمنا من الدنيا وعسى الله يحسن الاعمال=وعلى الله ياتعب قلبي من اللي صار معتاده
الا يالله يارب العباد تزين الاحوال=ويبقا ذكرنا طيب إلا من حان حصاده
[/poem]


اخوكم

برق الشمال

*
*
[/ALIGN][/CELL][/TABLETEXT][/ALIGN]

__________________