وإنْت ماغبْت عن عيني ذبحْني غـلاك
كيف لاصارت الفرقـى علينـا أكيـد
ويـن أودّي عيونـي لاتمنّـتْ لقـاك
لابكتْ شوق وإنْتي عن نظرْهـا بعيـد
ليت قلبي قدر لحظـهْ يصـد ونسـاك
وأحْترق فيك ثاني وأعْشقك من جديـد
أجمل العمر واسْنينـه عذابـي معـاك
وأصْدق الدمْع دمْعٍ من غرامـك يزيـد
لـوْ تـردّا نصيبـي ماتـردّا وفــاك
والله إنّك عزايـه فـي زمـانٍ عنيـد
هو بقى شيْ يسْوى همّي إلا رضـاك
ياغرامٍ بْوصفه حـار معْنـى القصيـد
إنْ رضتْ ناس وإلا مارضتْ من غلاك
غيْبتك ليل همْ وشوفتـك صبْـح عيـد