رد: شارك بحكمه او ببيت شعر
من طاح .. من عينك ومن فيه ماطـاح
ذي طيبتك .. واليوم .. تدفع ثمنها
حتى لو انك كنت .. صاحي .. ولمـــاح
أصحاب ( كيف الحال ) محدٍ .. ضمنها
صفو على جمر الحسـَد .. والعـفن .. فاح
ولمت عفون الخلق .. ريحة .. عـفنها
:
يالله دخيلك .. كلـها .. شالت .. رماح
حتى الوغـد قام .. يتخمش رسنها
:
مات الحيا والمرجله .. دمها .. ساح
كلٍ كشف .. عن سوء نيه .. دفنها
دامه .. زمن عقرب ، وحيه ، وتمسـاح
خل الأسود .. اتنام .. ماهــو زمنها
:
قالولي انطح .. صيحة الصوت .. بصياح
واعزل احرام السالفه .. عن كـفنها
:
قلت الخساره بالردي .. عندي ارباح
ومثلي .. يعلي هامته .. ماطـمنها
ترسي جبال طويق لا هــبت ارياح
وانا من اول .. ماخذ الراي .. منها
:
اقولها وانا .. مروّق .. ومـرتاح
شل الله .. لسان العـفون .. وبدنها
وهنا المجاره
وان قلت لــك كل الذ ي كان بي طاح
حتى الذي كانت عيوني ثمنــــــهـــا
مابقـــــين بـــي غـــير همي والاتراح
خانت وباعت ياخلــــف مـــن حضنــها
وش لون تســـتأمن وها الكون ذبــاح
شوف الامانــــة واجـــد الي طعنـــها
غابت ســــواليف المحـــــبه والافراح
هذا الزمن ياصــــــــاح ماهو زمنهـــا
هـــــذا الزمن لاترتجــــــي منه ارباح
اصدق بـــــــشر كـــذاب لاتأتمــــنها
شــــوف الرذيله كيف تمشي وتجتاح
شوف الصداقه كيف خانــت وطنهــــا
شــــفني وتــقرا في عيوني الام لاح
شف كيف قلبي ها المأســــي دفنها
حتى صديقـــي صاحبي صدق ومزاح
قــــــفا ترك ها الروح وانساق عـنها
وسمـــع ترى كل الذي كان بي طاح
ذي طيبتي واليوم ادفـــــــع ثمنهــــا
|