[frame="7 80"]
هتان ...
مطر عمري عقب الجفاف
ابتسامة شفاي
دفاي بعد سنين من البرد
العضو المشاغب بالويلان بالمستقبل هههه
كتبت هالقصيده المتناثرة الاوزان ......لااغلى مااملك .مولودي الاول (هتان ) العمر الحالي 12 يوم وكم ساعه اسأل الله ان يحفظه...
كتبت مجموعة اوزان بقصيده وحده و*2الولاده خربطت القريحه هههههههههههه
استهلت فرحتي عقب التعب والهم ولاّ
يوم هتان الغلا في دنيتي اقبل وهلاّ
جيته مثل المطر لامن روى اليابس وبلاّ
مرحبا يااغلى هديه جت من المولى عطيه
وصارت الدنيا على وجهه وبقدومه نديه
من عقب هاك السهر وهاك الليالي السرمديه
هتان ياصوت المطر لامن همل واروى اليباس
ياصورتن شبه القمر واطهر بشر بين الاناس
انت القمر وانت المطر وانته بدنياي الاساس
اختلفنا من يحبك فينا اكثر
واتفقنا انك الاغلى والاكبر
احتواك القلب واحساسي تنثر
صوبك احساسي ورى احساسي تبعثر
جيت والدنيا بدت وابتديت احس بالدنيا معاك
ياعساني ماافقدك وياعسى عمري فداك
وياعسى ضحكة ابوك بمولدك
ماتفارق شفته يارب انا اللي في رجاك
ابوك ياهتان شمعه في حياتي ماتغيــــــب
وشلون ابنسى من وقف جنبي وكان اقرب قريب
كان الاهل والجرح في قربه يطيــــــــــــب
وكان الدوا لامن ضناني الهم وعيوني صبيب
ياجعل ماافقد من غدا لجروح قلبي هو طبيب
ابيات نسجتها واتقنت نسجتها
ودي اعبر عن اللي غاص بااعماقي
اغوص بحر الشعر وادور اعذبها
واكتب ودمع الفرح يبلل احداقي
مبروك لدنيتي بقدوم فرحتها
ومبروك ياشوفتن تستاهل اشواقي
هتان ياروعة الدنيا وضحكتها
مبروك ياضحكتن تستاهل اعناقي
نطرت شوفتك وعيوني تمنتها
يااغلى هديه لقلبي من وهب والي
[/frame]