المشاركة الأصلية كتبت بواسطة مساعدمزعل اليمني

غياب الشمس ذكرني غيابا ماقويت انساه
يودعها خيوط من الشفق في وقت مغربها
ويرسم في جبين الليل طاب الليل في ممساه
على ضو النجوم الساهره واللي يراقبها
وعلى دمع الحزين اللي دهاه من الزمان وجاه
وكتبه الوقت جمله في زمن جهال تعربها
الا ياكبر صبره بالزمان وياكبر بلواه
على ضيم الليالي والليالي من يحاسبها
سبح بحر الخيال اللي هواه ولاقواه وتاه
على ذكرى زمان الوقت شرقها وغربها
زمان ايامنا الحلوه مع الحلوين يامحلاه
الا يامطيب اياما مضت بالعمر مطيبها
مشاعر مالها كم ومثيل ولا لها منهاه
على من عاشها في ماضي الايام يكتبها
تداعبني هواجيسي على طيبة هواه وماه
وعلى لعبه بسيطه مع صغار السن تلعبها
وانا ادري تمشي الدنيا بلا رغبه ولامشهاه
ولا من كان هو بالامس بعدها وقربها
حنين اللي مضى بالخافق اللي مانسي ذكراه
الا ياليت ساعات الزمن تعكس عقاربها

مساعد مزعل العنزي