[poem=font="simplified arabic,6,white,bold,italic" bkcolor="black" bkimage="" border="ridge,4,black" type=1 line=0 align=center use=sp num="0,black""]
على وجه التراب تراب حيوبـي طفـل مولـود =علـى الدنيـا قـدم ماسجلـو تاريـخ ميـلاده

على الدنيا طلعت انسان عادي واليـال السـود =تسجل كل يوم يمر من عمـري الميعاده

ضنيت بوقـت قاسـي والحيـاه متعبـه ونكـود =مطاليـب الحـيـاة اتـعـب الـرجـال وولاده

نسوي مـا يسوونـه اهلنـا مـا عليهـم زود =ونشقى مثلهم واحنـا صغـار وروسنـا قـاده

على حفظ الفروض الخمس وصوناركوع سجود =وعلى نهج الحبيب المصطفى علم الفتـى فـاده

وعلى يامرحبا بالـي لفونـا درسونـا جـدود =وعلى الشبه وحمس البن ودق الهيـل وقنـاده

وعلى الشيمه وحشمت جارنامايطلـع المنقـود =وعلى عهد الخوي نوفـي وفانـا عالـي مـاده

تعلمناعلوم المرجلـه والطيـب ياهـل الجـود =وطبقناالـدروس اللـي تعلمنـا مـن الـسـاده

سرحنا فاالمجاهيـم الاصيلـه والعمـر محـدود =ورقدنا وسطها والعمـر سبـع سنيـن مـازاده

مشينافـي هواهـا ماكسرنـا خاطـر المفـرود =ودخلنـا للعـراق وربعـت فـي شـط بغـداده

سفرنافي هواهـا عـام كامـل والله المعبـود =فصول العـام كلـه والجمـل جنفـان بشـداده

تحديناالزمـان المرواصحـاب المعيـز رقـود =وعرفناارض الجزيره بالبكـار السـود شـداده

ميه وستين شهر ورحلتي مع غاليـات العـود =مجاهيـم البكـار مقيمـات الرجـل وبــلاده

تغربت بهواهن ليـن صـوت للجهـاد جنـود =ولبيت الندى جندي شهيـد ان مـات بجهـاده

تركت اللي تحت ماطى قدمهـا جنـة الموعـود =وهي تنـزل مدامعهـا تقـول الحـرب منقـاده

تقول مسهل امرك جعل ترجـع طيبـن وتعـود =وعسى جيش العدو يخذل وتعمى عين من قـاده

وادعت الـذي جعلـه بجنـات النعيـم خلـود =ابوي اللـي قبـل عامين عنـي راح مقعـاده

توكنـا علـى الله واتكلناواشـقـر الـبـارود =لبسنا محزمـه والاسـم جـا مكتـوب بقـلاده

لبسنـا كفاننافـي ساحـة القتـال والـوقـود =لهبها مشتعـل وقـت الهجـوم النـار وقـاده

هزمناجيش من خان الجـوار بقـاده ال سعـود =واسرنا منه عشـرالاف جنـدي تـم تعـداد ه

نصرنا الله وعاد الحق لاهل وانتهـى الحشـود =نصرنا الله وعـاد القايـد الماسـؤل وافـراده

وصدمناعقب ذاك الحرب صدمه والنظام بنـود =صويب الحرب من ضيع حقوق اصيب من صاده

غدينافـي مراحـل والمراحـل ماعليهـا كـود =دليل اسم الصويب اللي صوابـه ظيـع ارقـاده

عطيتك حب واصدق حب وين الحب والوجـود =حشا ماعاد اعرف اشلون احب بصدق ياغـاده

لقيت من الخلايـق ناس نصابه وناس جلود=وناس تخاف ناس وناس عند الناس كداده
ولقيت من الخلايق ناس تبكي فالمساجد زود=وهي ماتنكر المنكر تغط النور وزياده
سؤالي وين ماحاولت اقوله مايجي مردود =عشر وربع سنين وعالمي مجهول ياقاده

نمل من الصبر والجرح يتعب والتعـب مشـدود =على حدب الضلوع العوج شلت الحمل وعتـاده

على الله كل شي موحدينه والامل موجود=عسى ؟ ؟ يذوق ماذقناه وزياده

مساكين الخلايق من تراب الـى تـراب تعـود =على وجه التراب تحـل خلـق وخلـق شـداده[/poem]

__________________