اهداء للعزوه الوايليه .

اعتذر عن التقصير والغياب الدائم

ويعلم الله ان للظروف احكام وانا ممتن للأخ / رمضان العنزي أبو وايل لوقفاته مع الويلان بجميع المحافل بدون قصور بالجميع .


قصيده مهداه للعزوه الوايليه








[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من وين اببدا والسكوت احيان يوزن له ذهب=وبعض الهروج الناقصه تحسب على من قالها
ماجيت ابخلق لي عذر راهي وادور لي سبـب=وأنا بظل العـزوه اللـي مااندفـق فنجالهـا
عزوة بني وايل عريب الجـد كسّـاب اللقـب=يوم ان عصمان الشوارب تفتخـر باافعالهـا
حنـا فعايلنـا بـراس الطايلـه مثـل اللهب=وإلا كما برق المـزون ليـا هطـل همالهـا
حنا سنام المجد والطولات وأشـراف النسـب=ودام الكرامـه أمنـا تبشـر بطيـب عيالهـا
حنا مثل صف الوحوش الغايره وقت الغضـب=نفزع ليا من صاحت العذرى وطشـت شالهـا
حنا ليا دار الصحيح نعد مـن روس العـرب=من قبل دور الجاهليـه وأختـلاف احوالهـا
حنا بني وايل نعقـد الـراي ونفـك النشـب=والمعضله لامن قـوت نقـدر نفـل حبالهـا
حنا غذانـا مـن ورى دم البطولـه مكتسـب=واليا ارتكينا للحمـول الكايـده .. نشتالهـا
حنا علوم اجدادنـا عجـزت تدونـه الكتـب=ولو تنقله روس الرواه تشيب مـن أهوالهـا
حنا نهر وافي رغم شـح المـوارد مانضـب=حتى لو ان الارض تردم مـن عليـه رمالهـا
حنا بفعـل المرجلـه ندفـع فواتيـر التعـب=يوم الرخوم بهاالزمن قامـت تـدس اموالهـا
حنا رجـال العلـم والاخـلاق ورجـال الأدب=انسيّـر اثقـال الامـور بدقهـا واجلالـهـا
تشهد علينا الخيل والبيداء والسيـف الحـدب=وتشهد لنا شبه الجزيره باارضهـا وجبالهـا
يوم الحروب الثايره والـدم واصـل للركـب=كم من جموع ٍ هايله راحـت تجـر أذيالهـا
ودام العروق بشجرة الويلان ..ياعز الطلـب=فالحمـد لله مانعيـش إلا بـبـراد ظلالـهـا
وكل القبايل علمها مذكـور ويثيـر العجـب=والناس من عند الولي تجزا بقـدر أعمالهـا
تدري متى احس السكوت احيان يوزن له ذهب=لاجيب ابذكر ميزة الويلان واحصـي افعالهـا [/poem]