عشر النصايح / بقلمي

عشر النصايح / بقلمي

نصايـحـي كــان الجـمـيـع اقبـلـوهـا=يـالـيـتـهــم بـقـلـوبـهــم سـجــلــوهــا
اجـدادنـا طـيـب النـصـايـح شـروهــا=لاجات من شخصٍ به الخير والصـدق
الاولــه تـقـوى الـولـي عـالـم الغـيـب=مـع رحمتـه تنجـيـك حــر اللواهـيـب
فـي ماقـفٍ ماينفعـون الاصاحـيـب=الـكــل مـــن شـــدت الاهـــوال يـعــرق
والثانيه في حسن الاخلاق اوصيـك=قـدوتــك بـالاخــلاق نـبـيـك مـنـاديــك
دعــاك وهــذي سـنـتـه بـيــن ايـاديــك=رســـم لـــك الاســـلام وانـتــه تـطـبــق
والـثـالـثـه خــلــك شـجـيــعٍ مـكــافــح=عــلــى عــــدوك شــــد كــــل الـمـلامــح
وعلـى صديقـك خـل فـيـك التسـامـح=وفـي كــل امــورك يالسنـافـي تـرفـق
والـرابـعـه خـلــك عــنــوان الـرجـولــه=تـرى الرجـولـه ســاس كــل البطـولـه
ومـن طـاب كـل النـاس تـذكـر فعـولـه=بيـن الـرداء والطيـب يابـعـده الـفـرق
والخامسـه الضـيـف لاجــاك يالـقـرم=تــرى الـكـرم طـبـع الاجـاويــد يـاعــم
مــن جــودك المـاجـود للضـيـف قــدم=حسب حوالك وانت في حالـك ارفـق
والسـادسـه جـــارك حـــذاري تـآذيــه=لــــو شــفــت زلاتــــه لــــزومٍ تـراعـيــه
لابــــد مـالانـســان تـقــفــي لـيـالـيــه=مـلـعـونــةٍ دنــيـــاك هــــــذي تـــفـــرِّق
والسابـعـه وصـلـك عـمــوم الـقـرايـب=اولـهــم الـوالـديـن اغــــلا الـحـبـايـب
بالخـيـر والتـوفـيـق هـــم السـبـايـب=احـــذر رعـــاك الله لـوالـديـنـك تــعــق
والـثـامـنـه وطــنـــك عـــــزز جـنــابــه=اكـلــت مـــن خـيــره وتـسـكـن تــرابــه
خـلـك عـلــى مـاقـيـل ذيـــب الـذيـابـه=احـذر تخـون العهـد والديـن والـحـق
والتاسـعـه خـلــك بالـفـكـر صـاحــي=حكِّـم ضميـرك مـن جميـع النـواحـي
لاتنـزلـق مــع عـواصـيـف الـريـاحـي=بـامـر الـولـي لــك السـلامـه تـحـقـق
والعاشـره مـعـاً مـعـاً ضــد الارهــاب=لوكان من صوب الاقارب والاصحاب
لاتــقــرب الـحـيــه ولاتــقــرب الــــداب=فــي ظلـمـة الارهــاب حـــذرا تـوهَّــق
عشر الناصايح قلتهـا مـن ضميـري=فيها نصحت النفس ونصحت غيـري
مـتـوكـلٍ عــلــى الـعـظـيـم الـقـديــري=هـــذا الـــذي عـنــدي وربـــي يـوفــق

نايف الشويب السليمي