المجموعهالاولى
-
1-هل لنا ان نعرف من هو معيض بن عريفج؟
ج-انا معيـض بن عوض بن عريفج ياحساس-- من ساس وائل محزمي سيفي من الجعافرة
ياوخـيـتي الاسم واضـح عاد مـافـيـه التباس--ومن لابة(ن)تسلم لهم حتى الجنون الكافرة
وانا انتمائي وايلي والفرع يرجــع للأســاس--دمي يحركني لربعي لاسمعت الصافرة
انظر امام وفـــــوق ومـانزلــت للاقــدام راس--رجل(ن)بدمه كبريائه من نعومةاظافرة
وماني بشاعر داهيه ماراكتب الشعر بحساس -- بسيط جداً والصفاة المرضيه لي وافرة
2-كم عمرك يامعيض؟
ج-عمري قبل فتره تعدى الثلاثين--وماني بعيد اقرب الاربعيني
باقي ثلاث سنين والااربع سنين -- وياخيتي طالبك لاتحرجيني
3-لو افترضنا ان هناك طاقة للحزن كيف تصف لنا طاقتك؟
ج-بركان قرب ينفجروان انفجر شراًشرير-- حتى الغلاف الجوي يولع من اهوال الحمم
احطها بين الضلوع العوج بالبحر الغزير--واضحك وانا ضحكي مزور ميه بيمه قسم
واحيان اقول الدمع ماهو بس للطفل الصغير--حتى الكبير احيان يلجاء للدموع وينسجم
ومهما كبر من شي فأنالله هو الفرد الكبير--هو الذي علمك يالانسان تكتب بالقلم
ومادمت عارف البقاءلله والموت المصير --حط الزعل ياسائلي بين الثراء وبين القدم
4-عندما تتضايق ماهوا اقرب مكان تلجاء له وتحس فيه بالراحه؟
,,,,,
ج-على طول الجاء يم اقرب بيوت الله __ واسجد سجود اللي قصاصه بعد ساعه
ولاخاب من يؤمن بربه الياناجاه-----ولاحط حظي للمقادير شماعه
واقول يالله خارج العبد من بلواه ----انت الكريم اللي لك الامروالطاعه
5-مدري حقيقت علم والاتحلمت=خلي لقاني بالمنام ولقيته
عقب الغياب الي ذبحني وهايمت=جاني وانا قبل ماجي احتريته
ابيات من قصيدتك 0ياشيخ لاتقراء علي لوتكرمت
1-هل معيض عاش قصة حب حقيقيه ام ان هذه القصيدة نسجت منخيال؟
ج-اي والله ان اسبابها من معاناه --من واحدن بين المعاليق بيته
الله يصبرني الياما اتناساه---والاغلاه ابطي وانامانسيته
الصاحب اللي يوم يطرون طرياه--- يفز قلبي له لو اني كميته
وادخل بغيبوبة خياله وذكراه----ويمر كل اليوم بي ماصحيته
2-ماذافعل الفراق بمعيض؟
....
ج-الفراااااق الموت والموت باسباب الفراق---اشهد انه اكبر عقوبتن صابةمعيض
كل شي يطاق وفراق خلي مايطاق --- واتظاهر بالسعاده وانا كلي مريض
احسد اطفل ان لقيته مع الالعاب راق ---ثم اقول انا اشهدانك بهالدنياء حضيض
6-في ظل الضروف السياسيةالراهنة وضعف المسلمين وهيمنة الغرب ماذا تقول للمسلمين؟
ج-ان كان تبغون النصر والعز ياهاالمسلمين -- صلو صلاة الفجر مثل الجمعه بكثر العدد
والياتمسكتوا بدين الحق مانتم نادمين---ثم اوقفو وقفت رجل واحد بأخلاص وجهد
وتجهزوا بالعده اللي تردع اللي ضالمين---ثم ابشرو يامسلمين الله في خير وسعد
اما كذا الوضع مزري من يسار ومن يمين---الياصحى واحد ثلاثين الف من غيره رقد