طلقها بعد عشرين عام ويأمر ابنه بعقوقها

تراك طالق مابقا عندي حلول الا الطلاق= عشرين عام بحب قلبن حي وانتي ميته
مالك حقوق وان تجنبك اولدي ماهوب عاق= مسلم يبا يطردك من دون اولده وبنيته
اسوق عمري لك واثر العمر يمك مايساق= عاشق ومتولع وحبك جوف صدري كيته
اجيك مع سد الذرى واجيك من تحت الرواق= مغرم بحبك من صبح وقتي وفي عصريته
كنا شباب من الجهل حتى على الغلطه سباق= مانسمع الناصح ومن جاء خوفتنا جيته
أمي بكت عندي وابوي كم اخذني بالمداق= لانني طايش مطيع اوامره ووصيته
يشوفني يوم اتزلق مع دروب الانزلاق=عرفتي اللي مايطيع ابوه وش ماريته
روحي بما خذتيه مني لاتردين الصداق= اللي يضحي جايزن يشتال سم اضحيته
ماعاد لك عندي عيال ولا جلال ولا دقاق=غلطه ثمنها غترة الرجال ياطاقيته
وليا نشد عنك احد لاقول قربك مايطاق=هذي الصحيح ان كان ماقيل الصحيح احتيته
تراك طالق ( يالزقاره ) واعرفي معنى الطلاق=قلبي ماهو مــــيت مثل القلوب الميته

وبالنهايه طلعت المطلقه السيجارة عساها مدت مقيط خخخخخخخخ