|
منتدى قصــائد الأعضــاء |
الذهاب إلى الصفحة... |
|
أدوات الموضوع | انواع عرض الموضوع |
02-24-2010, 01:20 AM | #1 |
تاريخ التسجيل: Sep 2009
المشاركات: 75
معدل تقييم المستوى: 181 |
نوف أعرست يا سعود ***************
آخر ما كتبت اتمنى ان تحوز على رضاكم [poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] يا سعود انا البارح من الشوق غنيت = لعيون غرون عود حالي برنّه [/poem]غنيت بالقيفان بيت ورا بيت = واليا انقضى بيتن ختمته بونّه كني كسير طاح بين النعاتيت = في غارتن سرد السهوم طرحنّه يمناه مع رجليه راحن فتافيت = والخيل من ضرب قبلاه تركنّه أوشك عليه الليل لا حي لا ميت = ما غير بعيونه على دربهنّه وآلا كما عودٍ لحاله تحليت = عمره ورا السبعين قد طافهنّه عنده عيالٍ طاولو به هل الصيت = خمسة قرومن عاش معهم بجنّه فيهم من الصطوه شجاعة طواغيت = وفيهم كرم ما يلحقونه بمنّه بابه مشرع ما لطم قاصد البيت = ومن جاء واله مطلوب ما خاب ظنّه يلقون ضيف العود بأهلا وحييت= وفيهم من الرحمه لبوهم محنّه صيته وصل لديار صنعا وتكريت = طيب العيال أرقاه لجبالهنّه حاله مع عياله ولو قلت خليت = حالة زعيمن دولته مطمئنّه وفي ساعتن ما تحتمل قول يا ليت= ماتو عياله والليال فجعنّه راحو بحادث وإختلط دمهم زيت = وأجسامهم صلب الحديد دخلنّه جاهم وهاله منظرن يلْحِق الميت = وإختل عقله والجنون ركبنّه يجمع عمايمهم من الأرض والسيت = ويضمهن للصدر ويشمهنّه يذكر فعول اهل المواجيب والصيت =ويذكر معاورهم وحيله وسنّه ويجهش بصوتٍ فتت الكبد تفتيت = صوتٍ من أقصى الجاش حزنه يدنّه ما له ورا الونات غير التناهيت = يطفي لهيب الجوف بإلحاقهنّه حالي كما حاله ليا أقبلت وأقفيت=مما سمعته كيف صدري يكنّه مماسمعته فار دمي وفزيت = فزة قريص انياب دابٍ كلنّه دابٍ عطاه السم من بعد تثبيت = لين الظلوع العوج وصل بهنّه اوحيت لي علمٍ وياليت ما اوحيت =لا عادت الأيام وجروحهنّه ماظنتي تبرا بمره و حلتيت = ولا اظن حتى الطب بي فيدهنّه يا وقت في جرح الضماير تماديت = جددتهن يا وقت وادميتهنّه لقيت في الأيام ميله وصديت = لا جيت بفتح باب عز قفلنّه هزيت بيبان السعاده وطقيت = لين افترت يمناي من طقهنّه وناديت يالأقدار ناديت ناديت= اما اسعدن للحي والا اقتلنّه اما حياه اقول فيها تهنيت = ولا تروح الروح واقول سنّه في ما مضى يا سعود في الصدر كنيت = حبٍ بقلبي والظلوع كتمنّه ليش اقتل الإحساس ما دام حبيت= وليش اجحد الأحداث ما اعدهنّه يا ما على رجم المحبين عديت = وبينت فيه اسرار واخفيتهنّه اخفيتهن عن كل مخلوق ما ابديت = وسندتهن للنود واظهرتهنّه من دون لايدري بشر ويش قاسيت =مواجعن يا اخوك ما احصيتهنّه هذا بلاي الي عن الناس خفّيت = صابر عليه سنين قلبي يعنّه والا ورى حالي كما عود كبريت = واخلاقي الشرسه وشيبٍ دعنّه واليوم راح الي عشقت وتمنيت = الي ظلوعي بالغرام احتونّه أمس اعرست ياسعود في قصر مرليت = والحلم ظاع وخاب ظنن نظنّه مماحصل يوم امس لوعه تكوّيت = بأصياخ نارن في الخفوق وسمنّه ونيت منهن غصب لا طوع واغشيت =وشلون بصبر والخفوق انجظنّه حاولت اكابر وانتهظت وتعزويت = لكن حزن اعضاي قد شلهنّه عزيتهن في الحال وشفاي عضيت = وفي موقف التشجيع حطمتهنّه ومن جرب الي صار ماقال زليت =يدرك مدى الصدمات وآثارهنّه يعذر ليا مني من الشوق غنيت =ويقول ماقصرت في وصفهنّه وفي الأبله الزراي مايوم لديت = ولا طوّل الأشناب تفتيلهنّه نوف اعرست يا سعود وش عاد بقيت = مير اتصل في زوجها اليوم هنّه ويا سعود كانني بعدها توفيت = هذا القدر يا سعود والموت سنّه أخوكم
يوسف العضياني
__________________
اللهم اني أسئلك ان تقبض روحي
وانا ساجد لك |
02-24-2010, 01:40 AM | #2 |
تاريخ التسجيل: Nov 2008
المشاركات: 7,355
معدل تقييم المستوى: 340 |
رد: نوف أعرست يا سعود ***************
يوسف العضياني
احترقت بنار الفراق واحرقتنا معك بهالقصيده الله يعين اللي يقراء قصيدتك والا يوسف العضياني حاله في خطر الله يلهمه الصبر والسلوان انا لله وانا إليه راجعووووووووووون معوض خير في محبوبتك نوف الف الف صح السانك والله العظيم ان هالقصيدة هزتني كثير لكن يايوسف اذا الوضع له دبره ابشر بسعدك لويصير اللي يصير وتقبل مروري ولك تحياتي
__________________
I thank those who work for me this signature Is not necessary to know who I am
|
02-24-2010, 02:48 AM | #3 |
تاريخ التسجيل: Sep 2009
المشاركات: 75
معدل تقييم المستوى: 181 |
رد: نوف أعرست يا سعود ***************
صح بدنك
والله يبيض وجهك يا معيض بن عرفج والوضع ما عاد له دبره الا من عند الله سبحانه وتعالى الله يعوض بخير بيض الله وجهك يا كفو واعتبر فزعتك وصلت ولا هي غريبه عليكم الفزعه مليار شكر لك
__________________
اللهم اني أسئلك ان تقبض روحي
وانا ساجد لك |
02-24-2010, 11:58 PM | #4 |
تاريخ التسجيل: Aug 2009
المشاركات: 5,076
معدل تقييم المستوى: 283 |
رد: نوف أعرست يا سعود ***************
صح لسانك آخوي يوسف وقصيده محزنه أعانك الله الله يعوضك حوريه بالجنه بآذنه
__________________
فديت روحك يابعد روح مغليك=غالي ولاجلك كل (سلطان) غالي
يحفظك ربي وادعي انه يخليك=ياقرة عيوني ويارأس مالي |
02-25-2010, 04:27 AM | #5 |
تاريخ التسجيل: Sep 2007
المشاركات: 8,400
معدل تقييم المستوى: 373 |
رد: نوف أعرست يا سعود ***************
اخوي يوسف
صح لسانك على هذه التحفه والله يصبرك على ما بلاك والله يوفقها ويوفقك ويعوضك خير يا عصابة راسي
__________________
|
02-25-2010, 10:46 AM | #6 |
تاريخ التسجيل: Jul 2008
المشاركات: 139
معدل تقييم المستوى: 196 |
رد: نوف أعرست يا سعود ***************
نوف اعرست يا سعود وش عاد بقيتمير اتصل في زوجهـا اليـوم هنّـه ويا سعـود كاننـي بعدهـا توفيـتهذا القدر يا سعـود والمـوت سنّـه الاخ العزيزالشاعر المبدع/ يوسف العضياني //// هذا هو الشعر من شاعر شامخ مثل الشاعر القدير / يوسف العضياني قصيده من ذهب ليس غريب هذا الابداع على الشاعر المبدع/ يوسف العضياني صح لسانك ملايين ولايسدون ونلحق لك اللي تذكره شد رحال // تروي ضما كبدك وترجع قنوعي امتعتنا شعر تسلم ويسلم منطوقك لك مني اجل التحايا يالغالي |
02-25-2010, 08:52 PM | #7 |
تاريخ التسجيل: Sep 2009
المشاركات: 75
معدل تقييم المستوى: 181 |
رد: نوف أعرست يا سعود ***************
اقتباس:
المشاركة الأصلية كتبت بواسطة ابوسلطان صح لسانك آخوي يوسف وقصيده محزنه أعانك الله الله يعوضك حوريه بالجنه بآذنه صح بدنك وسلم راسك الله يجزاك خير اشكرك كل الشكر على مرورك الكريم طال عمرك احترامي
__________________
اللهم اني أسئلك ان تقبض روحي
وانا ساجد لك |
03-06-2010, 03:16 PM | #8 |
تاريخ التسجيل: Apr 2006
الدولة: دار أبــــــو مـتعــب
المشاركات: 23,436
معدل تقييم المستوى: 690 |
رد: نوف أعرست يا سعود ***************
[align=center] صح لسانك اخوي يوسف
بالفعل قصيده مؤثره وان شاء الله الله يعوضك بخير منها ويبدل الله حزنك فرح قريبا ليس بعيد من كل قلبي اتمنى لك التوفيق و السعاده دمت بخير [/align]
__________________
|
03-07-2010, 12:03 AM | #9 |
تاريخ التسجيل: Jun 2008
المشاركات: 823
معدل تقييم المستوى: 211 |
رد: نوف أعرست يا سعود ***************
يــوسف العضياني ابدعت صح لسااانك جعل الفرح يعزف على دربك الحـان وعينك بعد فرقاه ماتبكـي حسـوف __________________ |
03-07-2010, 01:43 PM | #10 |
تاريخ التسجيل: Sep 2009
المشاركات: 75
معدل تقييم المستوى: 181 |
رد: نوف أعرست يا سعود ***************
اقتباس:
المشاركة الأصلية كتبت بواسطة سامي التويجري اخوي يوسف صح لسانك على هذه التحفه والله يصبرك على ما بلاك والله يوفقها ويوفقك ويعوضك خير يا عصابة راسي صح بدنك وجزاك الله خير وبيض الله وجهك يالكفو اسعدني مرورك وشرفني كل التحايا لك يا بعد راسي
__________________
اللهم اني أسئلك ان تقبض روحي
وانا ساجد لك |
الذين يشاهدون محتوى الموضوع الآن : 1 ( الأعضاء 0 والزوار 1) | |
انواع عرض الموضوع |
العرض العادي |
الانتقال إلى العرض المتطور |
الانتقال إلى العرض الشجري |
|
|