رجلٍ عريب الساس / بقلمي

طيب الرجل يحس وتاجٍ على الراس
والا الردي قله ملايين كوبه

رجلٍ ينومس من يجيله تنوماس
ورجلٍ حسوفه فيه تفصيل ثوبه

رجلٍ تشوفه كنه الطير قرناس
ورجلٍ كنه ذيك الرحول الركوبه

رجلٍ عريب الساس مبداه من ساس
ورجلٍ ردي الساس مامن خصوبه

رجلٍ ترى بنته يخطبونها الناس
ورجلٍ ترى بنته ماهي مخطوبه

رجلٍ على ماقيل تلقى به احساس
ورجلٍ عديم احساس يشبه لطوبه

رجلٍ على ربعه ذعاذيع نسناس
ورجلٍ على ربعه تصافق هبوبه

رجلٍ ماعمره ماشين درب الانجاس
ورجلٍ على درب النجاسه دروبه

رجلٍ عندك اغلا من اللُّول والماس
ورجلٍ عليه النفس ماهي رغوبه

رجلٍ على ماقيل مامثله اجناس
ورجلٍ على نفسه وغيره عقوبه

ومشكور ياقافٍ هندسته تهنداس
فيه المعاني تتجه للصعوبه

واختم كلامي عقب دقَّات الاجراس
والبحر لاجيته تحس الرطوبه

نايف الشويب السليمي

الله الله

صح لسانك اخي نايف السليمي

وصح لسانك على النص الفاخر

ابدعت يعطيك العافية

المشاركة الأصلية كتبت بواسطة رياح الوفاء

الله الله

صح لسانك اخي نايف السليمي

وصح لسانك على النص الفاخر

ابدعت يعطيك العافية

صح بدنك ولاهنت /

تحياتي لمقام سموكم الكريم :

صح لسانك اخي الكريم
نص رائع ربي يعطيك العافيه
دمت بخير

المشاركة الأصلية كتبت بواسطة ريم الفلا

صح لسانك اخي الكريم
نص رائع ربي يعطيك العافيه
دمت بخير

ريم الفلا / صح بدنك مليون ولاهنتي /

تحياتي لمقام سموك الكريم :

صح لسانك على جزالة ابياتك