ترا الحياه البسيطه مابعدها حياه

ترا الحياه البسيطه مابعدها حياه
ياطيبها في تقلبها وحالاتها

ايام نمشي بطر وايام نمشي حفاه
مانختلف بستقامتها وميلاتها

ولانطلب الا الله اللي كلنا في رجاه
ونفوسنا حسب منهجها وعاداتها

مانختلف في كرمنا فقر والا غناه
وكفوفنا بالمكارم عند مداتها

ماعشت عيش الامير ولارفاه القضاه
ضاري لبقعاء وحالتها وصكاتها

صبر ابدوي صارع الدنيا بكل اتجاه
عنده مناعه على الدنيا ورداتها

ياحبني للشمال وطيب نسمة هواه
تاخذ خفوق المتيم مع مهباتها

والا ترا القلب يلعب مثل غصن الفلاه
ياخذ تجاه الهبايب و استدارتها

وحنا على خير مادمنا نقيم الصلاه
ويالله عسى تدفع الحسنات سياتها

مساعد مزعل العنزي

ياحبني للشمال وطيب نسمة هواه
،،،،،،،،،،،،،،،،، تاخذ خفوق المتيم مع مهباتها

صح لسانك ، نعم يا حبنا للشمال ولأهله
دائماً تأتي بالدرر الثمينة ...

مع وافر التقدير ،،

مساعد العنزي والله انك ابدعت وصح لسانك بلا حدود /

تحياتي لمقام سموكم الكريم :

نص راقي وثمين جداً

صح بوحك

بارك الله بكم وشكرا