يانفس سجي
مساء الفل والورد فترة كان واحد مع أبو وليد سارين مع خط بري فهالواحد قلبة خضر مولي وهويان وقعد يهيجن على أبو وليد ويسمعه ويقول :
يانفس سجي وأدلهي لاتحرين = ماعاد باقي شي يسوى الندامة أدري غلاها طاغين بالشرايين = ومافيك عرقٍ مايضخ بغرامه أم العيون اللي تضيع ملايين = من حسن حظي صرت غاية مرامة ياليت خلي من دناياي الادنين = لوكنت في لندن وهو بالمنامه مار البلا أنه من هكالربع الأقصين = لوهو بجنبي تقل فوق الغمامه كانت وكانت وأنتهت قصة أثنين = شربوا قراح الحب وخلو حرامه كنه كسوف الشمس بين الصلاتين = ماعدت أميز ضوها من ضلامه ودعت حبٍ في خيالي له سنين = ودعت وصل اللي براني هيامه رد علية أبو وليد بهذه الرائعة وأتضح أن قلبة خضر أكثر من خوية : (فلان ) لاتشكي ترا لي زمانين = والقلب ينزف مثل جرح الحجامة جرح الحجامه ينتهي بعد يومين = لا كِن جرحي ثابتن تقل شامة رسماً على صفح الجبل بين ضلعين = من عهد قوم شعيب بأسفل تهامه أحبها ياذيب حب المساجين = للعفو من شيخٍ تعلى الزعامة وأحبها ياذيب حب الشجيعين = للنصر في يومن تطاير عسامة وأحبها ياذيب حب الكريمين = للطيب والعزة وحب الشهامه وأحبها ياذيب حب البخيلين = للمال والدنيا وطرش الجهامة كني رضيعن ذوقوة الأمرين = متولعن بأمه بحزة فطامة رقد بحضن أمه وبين الذراعين = وصحى ماغير فراشها والعمامة أمه تحت صم الصخر فوقها الطين = ولفوا جدايلها على متر خامه والورع ببكاه أزعج اللي معزين = وان قيل وش تبغى يقول ابي مامه عند جارة أمه شينتن طبعها شين = ملعونتن بالخبث فيها قرامه قامت بدال الكف تعطية كفين = من رهبته منها تراجف عظامه متسلطة مثل اليهود بفلسطين = وهي تكرهه كرة اليهود لأساامة ان حضر ابوه تبين الحسن لحسين=والموت ان غاب الابو في دوامه وفجأة طلعت لهم أرنب وراحوا يرددونها وشطفوا الحب وما كملو القصيدة حتى تاريخه هذا اللي ذاكرة وناسي بعض البيوت العذر والسموحه |
رد: يانفس سجي
الله الله صح لسان الشاعرين
الله لا يحرمنا من الروعة والابداع http://center.jeddahbikers.com/uploa...2889159911.gif |
رد: يانفس سجي
|
رد: يانفس سجي
صح لسانك ولسان الشاعر ابو وليد
|
رد: يانفس سجي
تسلموووووووووون أخواني
حفيد الأسدين وأبوتركي وأبوسلطان منورين متصفحي الله لايحرمنا هالأطلاله |
رد: يانفس سجي
صح الله ألسنتهم على هذه المجاراة الرائعه وشكل أبو وليد ينتظر بس أحد يحرك مشاعره و*19 كلي أمل كل الشكر على نقل هذه المجاراة تقبل تحياتي وتقديري |
رد: يانفس سجي
هلابك كلي امل
وانا كلي امل ان لاتغيب عنا ترى مشتاقين لك بالحيل يازلمه ههههههههههه وانت انا خابر عندك ارشيف ونبي مجارات ياشيخ لاتقراء علي لو تكرمت تحياتي وتقديري لك |
رد: يانفس سجي
كل الشكر والتقدير لك أختي بنت أبوها
وتسلم روحك يابو وليد وبالنسبة لمجاراة رائعتك ((دكتور لاتقراء علي لو تكرمت )) حرام أني ناسيها لكن الجايات أكثر أنشالله والله ماودنا نغيب لكن الدنيا تخبرها ((دلو طين ودلو ماء)) |
رد: يانفس سجي
صح السنتكم كلي أمل وابو وليد قصيده رائعه ومجاره رائعه دمتم بود واحترام |
رد: يانفس سجي
صحة السنتكم جميع
|
رد: يانفس سجي
اخوووووووووي كلي امل
طلعت لكم ارنب واين انتم راايحين اعترف يالغالي هههههههههههههههههههههه الله لا يهينكم على هالمجاره الجميله لكم كل الود والتقدير |
رد: يانفس سجي
هذي عرضة الارنب
صح السنتكم جميع ويعطيكم العافية |
رد: يانفس سجي
ههههههههه
صح الله السنتكم كلي امل رائع ماكتبت تسلم يمينك |
رد: يانفس سجي
[align=center] صح الله ألسنتكم
على هذه المجاراة الرائعه لاتحرمونا من روائعكم ياشعراءنا الكرام دمتم وسلمتم للويلان [/align] |
رد: يانفس سجي
نايف العنزي
ويلان سلطان النومسي ويلان الريم شرفني مروركم العطر لاعدمتكم |
رد: يانفس سجي
صح السنتكم جميعاً
امتعتونا بارك الله فيكم مشكور ااخوي كلي امل الله يعطيك العافية |
رد: يانفس سجي
الله الله قصيدة رائعة ورد رائع اعجبني البيت اللي يقول
جرح الحجامه ينتهي بعد يومين = لا كِن جرحي ثابتن تقل شامة |
رد: يانفس سجي
سلم الله قلمكم ويمينكم
|
رد: يانفس سجي
كل عام وانتم بخير طرح مثير
|
الساعة الآن 05:20 PM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.