منتديات الويلان - اهلا بكم في مدونتي

الطير لاكسرت جنحانه يطير؟
هذا السؤال الي يدوج بالخفا
ماهمني مابعد هذا وش يصير
الي حصل في صفحه الماضي كفا
مابين خوف الله وتأنيب الظمير
ماخاب اي شخصن لوجه الله عفا
انا السفير الي يدورله سفير
وانا الوفي الي زمانه ماوفا
شفت الزمن لبسني الثوب الحرير
وثوبه يبنجني لطعنات القفا
ماعاد ابي ثوبه وابي ثوب الفقير
الي احس بلبسته ستر ودفا
اسهل مابالدنيا برستيج الامير
بس المصيبه لو بعد ناره طفا
من عاش وقته لايجار ولايجير
محدن بداريبه مشى والا لفا
والكلمه الي حدها حد الشطير
لاقال شخصن تحسب حسابه افااااااا
ياااكبرها كبرااااااه في عين الكبير
وياصغرها للي بمرجلته هفا
الحمل ماشاله سوى ظهر البعير
الي تبين في مواطيه الحفا
البارحه تقريب في حزة عصير
كنه خفوقي قطن في دار السفا
طرا علي الحب الاول والاخير
الي معلقني على جسر الجفا
وش هو سبب هالصد والدنيا بخير
ليته مأكد صددته والا نفا
ماني بناقص هم تكفااااا يالعشير
جفنك ينام وجفن غيري ماغفا
ابك انت غير وغير اي والله غير
لوهو صفا جوي بدونك ماصفا
لاكن خذ الشرهه وانا اخبرك كبير
ماهي تجيني منك يالغالي افااااا