ليت لي من نسل وايل من يعرف ظروفي
 

[align=center]قصيدة للشاعر والراوي الكبير

فواز الغسلان البقعاوي

اعجبتني وحبيت انقلها وانشاء الله تعجبكم

[align=center]http://www.up07.com/up5/uploads/5c0d32071e.jpg[/align]
ليش تفرح ياغناتي يوم طال وقوفي // ويوم شفت الدمع لاجلك بالخفى ذرافي

اعترف لك في لهيبن يشتعل في جوفي \\ وان قلبك بالمحبه ماحلب لي صافي

شلت قلبي في عيونن داعجه وردوفي // وزولك اللي بالعذارى في جماله وافي

لك من لباس العذارى في حلاه صنوفي \\ تودع القلب المعنى بالحلا رجافي

عندلن بك عن خواتك بالوصايف نوفي // بس زينك من طبوعك يالغلا ينعافي

صرت مثل اللي طريحن والقدم مشنوفي \\ طاح من ناسن سلاحه بندقن وشلافي

في قيوضن حر ناره للحشاء ذايوفي // في صحاصيحن سروحه دوم ماتنشافي

حوله ذيابن فعوله بالعرب معروفي \\ من سمعها في هروجي صاح بي ياكافي

كيف تلعب في خفوقن صاحبه مكتوفي // لين صرت اطرد غرامك في قيوضه حافي

ليت لي من نسل وايل من يعرف ظروفي \\ لاجل اشوف الخيل تمشي بالرجال اسلافي

ماكرن فيه الحرار اللي تجيك صفوفي // والوجع برماح وايل يالعشير اضعافي

لانخيت اولاد وايل لاتسوق حلوفي \\ شلفهم هدت رجالن كان راسه جافي

مجدهم في نجد كله ظاهرن للشوفي // مثل ظلع طويق زامي فوق ماهو خافي

في جبال الطيب تنقش رسمها بحروفي \\ وهم علاج اللي زبنهم والطبيب الشافي

هم حرارن باللوازم بالمراجل توفي // اصغر الويلان طيرن ينزل المشرافي

اشقرن خلا الحباري دمها مغروفي \\ لاصفق صيده يشادي صفقة الخطافي

هم شموسن مايجيها في سماه كسوفي // وفي سباق الطيب وايل صعب ماتنطافي

ياسباعن بالملاقاء ينقلون حتوفي \\ واطرف الويلان رجلن بالفعول سنافي

يابحور الطيب كله ياغناة ضعوفي // ياسباعن بالملاقاء تاصل الاطرافي

من ظلم حظه بوايل كذبهم مكشوفي \\ ومن يناطح خيل وايل فاعرف انه هافي

المعادي جفن عينه بالقهر مطروفي // راجحن ميزان وايل والعداة خفافي

مامدحت فعول وايل ناقصن مصروفي \\ بس احب اللي كرمهم يارجال اصنافي

من سهر للضيف كنه بالسهر مكلوفي // مايساوي من لياله بالشتاوي غافي

مثل مشعان السرايا مايهاب جروفي \\ ومثل ابن مجلاد يقلط والعداة احلافي

او خلف ذيب الغداري لاوطاك جنوفي // او عقاب اللي خيوله بالعرب تنخافي

ومثل ساجر بالحرايب ساتر الغطروفي \\ لاضرب وجه المعادي غصب يعطي قافي

له شلافن بالمعادي ترتوي وسيوفي // وله قلوبن للمجاور بالشتاوي دافي

هم ربيع اللي يجيهم ضايقن ملهوفي \\ وكل ثوبن زان وايل بالمراجل ضافي

لبسهم ديباج عزه والردايا صوفي // وكم حريبن صار دمه سايرن وكافي

صعب اعد اجواد وايل لو مليت رفوفي \\ وكل شيخن له بربعه باللزم ميقافي


وياعنودي لو خفوقي عندكم مخطوفي // وايلي يسوى حلاتك واسكن الخصافي


وسلامتكم [/align]

رد: ليت لي من نسل وايل من يعرف ظروفي
 

[align=center]أخوي الحيداوي صح لسانك
ولسان الشاعر والراوي الكبير الغني عن التعريف فواز الغسلان البقعاوي
قصيدة جملية والله يعطيك الف عافية على نقلها ولاننسى مجهودك اتجاه منتداك
لك كل الود والاحترام والتقدير [/align]

رد: ليت لي من نسل وايل من يعرف ظروفي
 

[align=center]صح السان الراويه الغسلان البقعاوي

ولاعلى ربعه زود شمر السناااعيس

مشكور اخوي الحيدااااوي على النقل[/align]

رد: ليت لي من نسل وايل من يعرف ظروفي
 

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=ex num="0,black"]
لانخيت اولاد وايل لاتسوق حلوفي =شلفهم هدت رجالن كان راسه جافي

مجدهم في نجد كله ظاهرن للشوفي =مثل ظلع طويق زامي فوق ماهو خافي

في جبال الطيب تنقش رسمها بحروفي =وهم علاج اللي زبنهم والطبيب الشافي

هم حرارن باللوازم بالمراجل توفي = اصغر الويلان طيرن ينزل المشرافي [/poem]
[align=center]
صح لسانك ولسان شاعرها

تسلم ولاهنت اخوي الحيداوي

على القصيده واختيار موفق

تحياتي لك[/align]

رد: ليت لي من نسل وايل من يعرف ظروفي
 

رد: ليت لي من نسل وايل من يعرف ظروفي
 

رد: ليت لي من نسل وايل من يعرف ظروفي
 

رد: ليت لي من نسل وايل من يعرف ظروفي
 

رد: ليت لي من نسل وايل من يعرف ظروفي
 

[poem=font="Simplified Arabic,5,teal,normal,normal" bkcolor="transparent" bkimage="" border="solid,4,teal" type=2 line=0 align=center use=ex num="0,black"]
لانخيت اولاد وايل لاتسوق حلوفي =شلفهم هدت رجالن كان راسه جافي
[/poem]

[align=center]صح لسان الشاعر

تسلم يالحيداوي على نقل القصيدة الجزله[/align]

رد: ليت لي من نسل وايل من يعرف ظروفي