|
عطيني 500 ريال واعلمك زوجك متزوج عليك وإلا لا
ليس إفلاس فكري وإنما إنشغال ذهني يضطرنا للركود القسري واللجوء لمثل هذه المشاركة تدور القصة حول مديرة مدرسة عزباء غابت عن المدرسة يومين ولما عادت لمدرستها قابلنها المدرسات سلامات وينك يامديرة ؟ قالت لهن باركولي تزوجت. قالن مبروك يامديرة ولكن منهو زوجك ؟. قالت لهن بصراحة زوجي هو زوج إحداكن. المدرسات تكفين علميننا أي وحدة منا ؟ قالت المديرة والله ما أعلمكن . المهم لزمن عليها فقالت لهن أنا منيب متكلمة اللي تبي تعرف هل هو زوجها وإلا لا تجيب بكرا معها خمسمية ريال وإذا جت توقع تحط الخمسمية على الطاوله واللي آخذ خمسميتها فهي مهو زوجها واللي أخلي خمسميتها على الطاولة ولا آخذها فهو زوجها عيب علي اتزوج زوجها وآخذ بعد منها خمسمية ريال . وافقن المدرسات على الطريقة:confused: . ويوم جاء بكرا وكل وحدة مزهبه معها الدراهم. جت الأوله والثانية والثالثة والرابعة حتى العاشرة والمديرة تاخذ الدراهم . يوم جت المدرسة ال 11 :eek: وبدت المديره تأفف المهم حطت الدراهم على الطاولة وقالت لها تكفين خذيها يالمديرة قالت المديرة اعذريني قالت المدرسة كانها قليلة حطيت ألف بدال الخمسمية قالت المديرة أووووووووووووه معليش أثرك أنتي جواهر والله اني آسفه غلطت يوم تنفست المدرسة وقالت الحمد لله يعني بتاخذين الفلوس المهم اخذتها المديرة ... ودخلن بقية المدرسات حتى ال 23 والمديرة تلعب باعصاب كل وحده وفي النهاية تاخذ الخمسمية . المهم بقي مدرسة وحدة فقط ماجت يوم اتصلن عليها المدرسات هاه وينك يا استاذه قالت والله اني تعبانه وماني جايه . قالت المدرسة الغايبة : هاه من صار زوجها اللي متزوج المديرة ؟ قالن لين الحين مابين شي والمديرة عيت تاخذ الفلوس لين نحضر كل المدرسات ( يلعبن عليها بس يبونها تجي عشان يتطمنون إنها هي لأنه مابقى إلا هي ) وقالن المدرسات لازم تجين تكفين . المهم جت تسحب رجليها بالقوة ويوم جت تدخل المدرسات كل وحده مبسوطة انها مهي هي وبدن يسمن على المدرسة ال 24 عشان ماتنصدم . دخلت المدرسة الأخيرة غرفة المديرة وحطن باقي المدرسات ايديهن على قلوبهن وحطت المدرسة الخمسمية على الطاولة وضفتها المديرة . يوم طلعت لقنها عايدية وماصار شي وفلوسها أخذتها المديرة . قالن يابنات فيه وحده منكن ماخذت المديرة دراهمها ؟ قالن لا والله كلنا اخذت دراهمنا . ودخلن المدرسات على المديرة وقالن اخذتي الفلوس من كل المدرسات تلعبين علينا منهو زوجك ؟ قالت المديرة المهم الدراهم ( 12000 ريال ) ماراح ترجع وأنا والله لا تزوجت ولا شي لين الحين عزوبية ووالله كنت مريضة هاليومين . ولكني اطلبككن قبل شهر تدفعن على مية ريال نصلح المصلى ولا وحدة منكن دفعت قلت والله لأدفعكن 500 ريال نصلح المصلى ونشتري مصاحف وقف للمسجد . قالن المدرسات بردها الله بالعافيه فداك الدراهم ولو تبين زود عطيناك هو صدق بس رجالنا ماتزوجوا علينا:) هذه القصة منقولة وعادة لاأحب النقل لكن هذه القصة أعجبتني جدا وأحببت أن تشاركوني الاستمتاع بها |
رد: عطيني 500 ريال واعلمك زوجك متزوج عليك وإلا لا
[align=center]تسلم أخوي غدير الموت
بس أعتقد أن الموضوع مكرر أرجوا ملاحظة ذلك كل الشكر لك أخوي تقبل تحياتي [/align] |
رد: عطيني 500 ريال واعلمك زوجك متزوج عليك وإلا لا
بنت أبوها
مادريت والله وأعتذر من صاحب الموضوع الأصلي وبإمكانك وأنتي مشرفة عامة حذف الموضوع لأنه لايشكل لي أهمية بقدر ماأردت إسعادكم فيه فنحن في طور الشحن اسمحوا لنا جهلنا بمواضيع المنتدى |
رد: عطيني 500 ريال واعلمك زوجك متزوج عليك وإلا لا
[align=center]عادي أخوي
الموضوع ماراح يحذف لسبب واحد لأنك جديد على المنتدى وحياك الله أخوي لكن أرجوا ملاحظة ذلك مستقبلاً تحياتي لك ولسعة صدرك [/align] |
رد: عطيني 500 ريال واعلمك زوجك متزوج عليك وإلا لا
الله يجبر بخاطرك يابنت أبوها
كما ذكرت أنا لاأحبذ المشاركة في المواضيع المنقولة لكن هذه المشاركة شدتني فعلا فنسيت مبدأي وعموما تحصل في أحسن المنتديات خصوصا لمثلي واحد متحمس وأول مشاركة يطيح على خشته ماأحد يسمي عليه يالله راح أعوضكم بمشاركة من إعدادي |
رد: عطيني 500 ريال واعلمك زوجك متزوج عليك وإلا لا
اقتباس:
حلوه يطيح على خشته [/align] |
رد: عطيني 500 ريال واعلمك زوجك متزوج عليك وإلا لا
[align=center]كل الشكر لكـ أخوي غدير الموت
والله يعطيكـ ألف عافيه ياالغالي تقبل مرووري وتقديري[/align] |
رد: عطيني 500 ريال واعلمك زوجك متزوج عليك وإلا لا
الأخت بنت أبوها
إن شاء الله عوضنا في مشاركتنا المتواضعة الثانية |
رد: عطيني 500 ريال واعلمك زوجك متزوج عليك وإلا لا
مشعل النايف
أنت لك من اسمك نصيب فأنت شعلة المنتدى بارك الله فيك وبمرورك الذي ينبت الورد |
رد: عطيني 500 ريال واعلمك زوجك متزوج عليك وإلا لا
غدير الموت
يعطيك العافية على المشاركة الجميله حتى ولوكانت منقوله " الاعتراف بالحق فضيلة" فعلاً تواجدك يسعدنا جداً مشكور أخوي ........... |
| الساعة الآن 10:11 AM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.