تعــال .. نهيـجن ... ؟
 

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
جرب تهيجن ..

ياحمـود انـا عارضـي شــابي=طـرد الهـوى جـزت انـا منـه
يـا كــود وضــاح الانـيـابي=هــذاك مـنـي وانــا مـنــه
عسلـوجـة حـشـو الاثـيــابي=وردوف لـلـثــوب شـالـنــه
يـا مـا حـلا جـدع الاســلابي=واركـاي سـنـي عـلـى سـنـه
والزيـن لـو هــو ورا الـبـابي=لازم عـيـونــي يـراعـنــه
يــارب اغـفـر لـمـن تــابي=الـعـبـد مطـلـوبـه الـجـنـه

عـبــيــد الـرشــيــد



يا طيـر يـا اللـي تديـر الحـوم...مـا شفـت يـا طيـر ذبـاحـي
حبـه بقلـبـي رســا بـرسـوم...كنـه علـى خــف وجنـاحـي
مـا نـاب فـي حبـهـم ملـيـوم...الحـب يــا نــاس فضـاحـي

عبدالرحمن بن عضيب المسعري



البـارحـة دق بــي هـوجـاس...والقـلـب كـنـه عـلـى مـلـة
كنـه يقـلـب عـلـى محـمـاس...فـوحـه كـمـا فـايـح الـدلـة
مـن شوفتـي كامـل الأجـنـاس...يلعـب بسيـف الـهـوى سـلـه
بطنـه لبيـب كـمـا القـرطـاس...فتربـريـمـه الـــى حـلــه
ونهـودهـا بالحـشـا جـــلاسم...ثــل الفنـاجـيـل مقـتـلـة
ابــو ردوف كـمـا الأطـعـاس...غـــب الهمـالـيـل مبـتـلـة

عبد العزيز بن ناصر بن الشيخ


موتـر حمـر والرفـارف ســود...بسـتـان جـبــرة مداهـيـلـه
والـى ركـب بـه نعيـم الـعـود...مـا يلـبـس البـشـت والشيـلـه
ابــو خــدود جـنـاهـا ورود...يحفـيـه نـوشــه بمنـديـلـه

عبد العزيز بن ناصر بن الشيخ

يـا زيـن مـا تـرحـم المبـلـي...الـلــي بـحـبـك بـــلاه الله
ادعيـتـنـي سـايــح خـبــلي...فضحتـنـي عـنـد خـلــق الله
كـانـك شـفـي عـلـى قتـلـي...قــم اذبـحـن واسـتـعـن بالله
يـا راعــي المبـسـم القبـلـي...ذبحتـنـي قـبــل ذبـــح الله

عبد العزيز بن ناصر بن الشيخ



يـا ابـن جبـر طـالـت الـمـدة...وجـدي علـى شـوف خـلانـي
عسـى الحيـا مـا يجـي (خـده)...لـو ربـعـت كــل الاوطـانـي
والشيـخ مـا يـطـري الـشـده...روح يـجــي زود غـزوانــي
لــو ان كـــل عـلــى وده...ودي عـلـى بـنـت ظبـيـانـي

عبدالـعـزيـز الـعـسـكـر


يا اهل الركايب عراوي القلب منتله...هجوا هجيج ترى الدرهـام يحيينـي
يا داخل السوق ما شفت ابن جار الله...مـديـن ويتـعـرض للمزاييـنـي
وانا احسب انه مديـن مخلـص لله...واثر المغربل يختل الناس بالدينـي
ليته معي شاف راعي القذلة الهلـه...مابين سوق الخميس وسوق الاثنيني
عبدالـعـزيـز الـعـسـكـر


يـا الله يـا الله يــا لمطـلـوب...يـا واحـد مــا مـعـه ثـانـي
سخـر لنـا الجـادل الرعـبـوب...اللـي بـرى الـحـال واشقـانـي
الـردف منهـا يشـيـل الـثـوب...والنـهـد بالـوصـف رمـانــي

عبدالـعـزيـز الـعـسـكـر علـم لفـوا بـه مـديـد عـنـوز...بالعـون مــا جـابـه الخـيـر
مـن شافنـي قـال انـا منحـوز...وانــا نـحـازي هــو نـويـر
قبر الغضي ب (الحفـر) مـرزوز...يــا طــاه مــداد ومـعـيـر
يـا حيسفـا يـا غصيـن المـوز...يـا شمـعـة البـيـت والـديـر

عبدالمـحـسـن الـحـمــاد



افهـم جوابـي نـويـت اقــول...كان انـت عجـل علـى الروحـه
سلـم علـى لابــس المفـتـول...اللـي سبـى العـقـل بمـزوحـه
يـا عيـون حـر رثـع بالجـول...علـى ابـرق الريـش ذابـوحـه
مـا كـل زول يعـوض بــزول...و لا كــل الأزوال ممـلـوحـه
زول عـجـيـب وزول هـــول...وزول يكفـي مـنـه منضـوحـه
لـي صاحـب مـن ورا الشملـول...بينـي وبيـن الغضـي شـوحـه


اهلـي قطيـن عـلـى الشمـلـول...وانتـي تبـي تبـعـد الشـوحـه
طاوعـك قلبـك ماهـو معـقـول...تنسـيـن عـمـاش ومـزوحــه
روحـي وانـا ارز لـي مخيـول...واحـط زولـك عـلـى اللـوحـه
ومن قال لـي قلـت لـه مهبـول...ما القـى عـوض مثـل رجوحـه

عمـاش بـن قاعـد الأبــح



يا ذلولي مع رقـاق الحـزم شلـي...وانحري بي دار منبـوز الردايـف
انحري بي دار من هرجـه يسلـي...يبري الوجعان من غـب النكايـف
يا سعد يا خوي مـا عينتـوا اللـي...نهدها وصف الفناجيـل النظايـف
زل عيدين وانا مـا شفـت خلـي...دونه الصمـان وخشـوم النوايـف
كور سمحه با لمخافة مزبـن لـي...واتزبن كورها وان صرت خايـف
الرديف من المحاصـر مـا يمـلي...جالـس كنـه علـى زل القطايـف
ناشرات من الحسا وقـت المصلـي...والعصير معشيـات بـا لحظايـف
طلحة المحواز ما عينت يـا اللـي...صاحبي حسن النبا زين الوصايـف

عـمــر بـــن تــويــم



فاطـري خبـي خبيـب بروجانـي...واعذابـك وان طـرا خلـي عليـه
ما معي كـود المشـوك والامانـي...الخوي اللـي يفـرج عـن خويـه
عل يفـدا فاطـري ولـد الهدانـي...عل يفدا فاطـري مزعـل خويـه
وان تردت فاطري والليـل جانـي...يا هلي حطوا علـى قبـري بنيـة
حالف ما انسى وليف مـا نسانـي...كود بدوان العـرب تنسـى النسيـه
او يروح الجـدي لسهيـل اليمانـي...او يحـدر ظلـم يــم الجندلـيـة
غصن موز ناعم بـارض طمـان...دونها الحيطـان وغـروس قويـه
من نشدني قلت ما نيـب دعجانـي...من يمش الوسم مـن خـد المطيـه
ما تعودت العطا وما احـد عطانـي...كود(ابن ماضي) ومعروفـه عليـه
واهنـي اللـي يسوقـون السوانـي...يشربون المـا وانـا كبـدي لظيـه
غازي بن غضيـب الدعجانـي


وين انت يـا اللـي تبـي ظهـران...تــرى الـوعـد راس تـنـوره
من فـوق مـا يصنـع النصـران...فـرت حـمـر سـاطـع نــوره
مليـت مـن مقـعـد الحـقـران...ينعـاف لـو مـا كلـى هــوره

فــهـــد الأزيــمـــع



يـا العيـن لـك بالهـوى لفـتـة...مـا انـت علـى ديـن الاخوانـي
هـو معجـبـك واحــد شفـتـه...عـوده مــن الـزيـن ريـانـي
شفـتـه وحـفـتـه ووالـفـتـه...قـفــا بقـلـبـي وخـلانــي
الاولـــه لـيــت ماشـفـتـه...والثانـيـة لـيـت مــا جـانـي
والثالـثـة يـــوم واجـهـتـه...جــذ المعـالـيـق وابـكـانـي
الكحـل بــا لعـيـن سايجـتـه...كـن الهـدب ريــش غربـانـي
والـقـرن الاشـقـر منسـفـتـه...يـاتـي محاقـيـب وبـطـانـي
والـثـوب بـالـزري ناقـشـتـه...كـنـه مسـاحـيـب ديـبـانـي
والــردف للـثـوب شايـلـتـه...الحـجـل بـالـسـاق رنـانــي
والنـهـد لـلـثـوب شايـلـتـه...كـنــه طـلالـيـع رمـانــي
يـا مـل قـلـب يـبـي عفـتـه...يــا مــا عذلـتـه وعيانــي
فـيـحــان الــرقـــاص

يا راكب اللي بعيـد الخـد يطونـه...حراير من ضرايب جيش ابن ثانـي
من الثميلـه لـدار الشـوق يمسنـه...لا روحن بالوصايف جول غزلاني
تكفون يا اهل النضا سجوا عليهنـه...سجوا ولجوا وصيور العمـر فانـي
لا بد من خرقة بيضا علـى السنـه...والموت من قبلنا ما عاف راكانـي

فـيـحــان الــرقـــاص



عديـت فــي مـرقـب عـالـي...تقصـر طيـور الهـوى دونــه
وانـوح مــن ضيـقـة الـبـالي...نـوح القميـري علـى غصـونـه
علـى عشـيـر بــرى حالـي...حـال القـدر دونــي ودونــه
الــى ذكـرتـه وانــا سـالـي...تـذكـر الـقـلـب مضـنـونـه

محمـد بـن عيـد الضويحـي



تلعـب بقلبـي وانــا اطيـعـك...وانـت سبـب كـل مـا جـانـي
انـا اللـي اشريـك مـا ابيـعـك...لـو كـثـروا فـيـك الاثمـانـي
صــارت لغـيـري منافيـعـك...عقـب الغـلا كـيـف تنسـانـي
لــولا قـبـالـك وتفـريـعـك...دخلـت فـي ديــن الاخـوانـي

محمـد الأحـمـد السـديـري



اثر ركب البكس في الـدار البعيـدة...عندي احسن من ركوب الموجفـاتي
لا حصل سـواق والعـدة جديـدة...والمكينـه صـاغ وا بعـد المبـاتي
كن رجـاف الرعـد رنـة حديـده...والمواتـر حــادره ومسـنـداتي
ينشرون الصبح من خشـم الفريـده...حقـة المكمـوم والممسـى مـراتي
يا جميل ارفـق عليـه ولا تزيـده...شـف علامـات الدفينـة بيـنـاتي
لو غدا دربيلكـم مـا هـو فقيـدة...الفقيـدة قـدم شهـر الحـج مـاتي

محمد بـن عبـدالله بـن بليهـد

يا اهـل الهجـن صابتنـي (هلـل)...واحسب الموت مـا يقـرب مـداه
قربـونـي خبيثـيـن الـعـمـل...ليـن شفـت البريـم فـي حشـاه
يـوم شـدوا لهـا فـوق الجـمـل...اشقـح اللـون سمـحـاة خـطـاه
وانشد الربـع قالـوا لـي (نـزل)...يـم (ماسـل) مقيـم فـوق مــاه
ليـت معطـان (ماسـل) بالسهـل...بيـن خشـم الحذنـي والـوطـاه

محمد بـن عبـدالله بـن بليهـد



هيض ابن حصيص في تالي نهـاره...الف قاف من ضميـره مدرجـاتي
يـا نديبـي فـوق منبـوذ الفقـاره...اركـي وحبـال كـوره كالـفـاتي
اركـى يرعـى نواويـر القفـارة...ما علاه الشد مـن عشـر سنـواتي
كن في عينه من الفرقـى شـراره...او مخاليـب الوحـوش الطايـراتي
بنـدور صاحبـي ظبـي الزبـارة...بو عيـون يـا حمـود مدعجـاتي
جعل ضلع طويق يا عايـض وداره...جعل يمحـل والوشـوم مربعـاتي
حيث ينزل عندنا مظعـون سـاره...واهتني بصويحبي عشـر سنـواتي
ولعتنـي بالهـوى والحـب سـاره...ولعتنـي عـن غناديـر البـنـاتي
ما خبر جار ذبـح بالحـب جـاره...بالمبيسـم والثنـايـا المرهـفـاتي
راس ساره ذيل شقر وسـط غـارة...والجدايـل بالرشـوش مـجـدلاتي
والثنايـا قحويـان فـي زبــارة...علها الوسمـي علـى حـد النبـاتي
ريق ساره مثل سّكر في غضـارة...او حليب بكـار عـرب مسمنـاتي
والنهيد زبيـدي فـي دعـب قـاره...في محير المـا القـراح مصلعـاتي
والمطوع لو يشوف خديـد سـاره...ضيع المكتوب وعجل بـالصـلاتي
يا وجـودي وجـد مكسورالجبـاره...ساهـر تسعيـن ليلـه مـا يبـاتي
او وجود اللي فضى الحاكم ديـاره...وخـذ مالـه والحريـم مسلـبـاتي
عقب ماهو تاجـر راعـي عمـارة...صـار صعلـوك علومـه هينـاتي
لا يمي يعطي حنيـش فـي خبـاره...سمها يشظـى العظـام الصالبـاتي
حالف ما اسلى ولا انسى حب ساره...كود اهل شقـرا يخلـون الصـلاتي
لا رمانـي لا يميـن ولا يـسـاره...مـار صوبنـي بحـد المرهفـاتي
حطني لا هل الهوى المجمول شارة...مثـل نيشـان المعاطيـب الرمـاتي

محمـد بـن فهيـد القحطانـي


العبد ماله عـن المولـى وتدبيـره...ينوي وربه يسـوي كـل ماكانـي
هذا (البكب) لا تحنه في محاديـره...عشق على واحد وغير لـه بثانـي
تـوه جديـد ولا غيـر مساميـره...مكينة صاغ من شغـل المريكانـي
قرب لنا ديـرة وبعـد لنـا ديـره...يا قرب ممساه من مدعوج الأعيـان

مهنـا بـن ابراهيـم المهـنـا


الخيـل تحمـس علينـا حـمـس...والهـجـن للـرمـي تـنـقـادي
يا البيض يـا مخضبـات الخمـس...شومـي لبرجـس وابـن هــادي
يـوم جـرى للنضـا قبـل امـس...فـي لبـة العـرق مـن غــادي
مهنـا بـن ابراهيـم المهـنـا

راكب اللي لا مشي مثـل السفينـة...وان عدا يسبق معاصيـر الهبايـب
موتـر وان حركـوا فيـه المكينـة...يا صل اللي من بطاه الراس شايـب
صاحبي في نجد وانـا بـا لمدينـة...دون خلي بركن عـوص النجايـب
كم هنـوف عنـد اهلنـا خابرينـه...ينثر العنبر علـى شقـر الذوايـب

مهنـا بـن ابراهيـم المهـنـا






[/poem]

مشاركة: تعــال .. نهيـجن ... ؟
 

تمام

ولكن يبيلها فزعه نفرق البيوت عن بعضها

مشاركة: تعــال .. نهيـجن ... ؟
 

فزعت لك رتبت اهجينيتين والباقي على الشباب

مشاركة: تعــال .. نهيـجن ... ؟
 

مشاركة: تعــال .. نهيـجن ... ؟
 

يابو طلال الله ايخليل لنا ان شاء الله تشوف الشباب يحاولون يساعدون القناص ويرتبون القصيد والمفروض يوم مريت مرتب لك قصيده


بعدين وين الرد على رسالتي الخاصه

مشاركة: تعــال .. نهيـجن ... ؟
 

هههههههههههههههههههههههههههههه

ابي اختبر قوة النظر عندك ياشيخ

مشاركة: تعــال .. نهيـجن ... ؟
 

بسم الله أولاً وأخراً ........

القنــــــــــاص .. بعد التحيــة ... والإخــــــلاص

لقد قدمت من الهجيني الي يطرب البال .

لكــــــــــــــــــــــــــــــــــــن ........... دامك تحفظ الهجيني وتجمعه من جميع الأصناف .

لاحظــــــــــــــــت أنك لم تورد أي هجينية لـ ( عـــــــنزة ) وين الهجيني من العنوز .

أتمنى أن أكون قد ذكرت .

مشاركة: تعــال .. نهيـجن ... ؟
 

هذا السؤال هو اختبار وإلا صحيح رسالة وإن كانها رسالة فهو ماوصلني منك شيء وإن كانه اختبار فإنا نجحت به .

مشاركة: تعــال .. نهيـجن ... ؟
 

عيني عليك بارده يابو طلال

هذا الأختبار الأخير ابيك اتعدل على هجينيات القناص وتضبط وضعهن

وبصراحه المركز اللي صلحلك الليزك المفروض تأخذ عليهم بدل دعايه ماشاء الله عليك - بس بالأمانه اللي قراها لك طلال والا ابو المصايب عزوز

مشاركة: تعــال .. نهيـجن ... ؟