محسن الهزاني يرثي مسلط الرعوجي
 

رثاء

هذه القصيده هي رثاء بمسلط الرعوجي وقصتها ان الرعوجي قال لمحسن الهزاني اكيد لو علمت بوفاتي تبي تقصد قصيدة رثاء فقال اكيد فطلب الرعوجي سماعها قبل فقال الهزاني هذه القصيده الرثائيه بصديقه قبل وفاته
[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] يا راكب من فوق مثل السبرتاة =حمرا فتاة عن لقاح معفات
تنصا الكواعب من بنات العمارات= يبكن أخو نوضا على راس ما طال
يبكن بدم ليس بدمع يخلط =على عقاب العندليات مصلط
حلفت ما مثله على الجمع يقلط= ولا انقلن الخيل مثله رجال
يا البيض كنى الحلى والعشارق= وابكن اخو نوضا امروى المطارق
خيالها وان جللوها المعارق= لحمق الوسيق ورد الاول على التال
وان زرفل المسيوق وارخوا الاعنه =والجيش هربد والرمك يشعفنه
واهوى على ركن من الخيل كنه =( جلمود صخر حطه السيل من عال )
وان زرفل المظهور وقفا مع الريع= ولحقن باهلهن عالجات المصاريع
ومن العير مالت وجيه المداريع =فلا بوجهه يعلم الله بميال
لا واعشيرى مصلط حامى القود= راقى ذرا العليا جاء كل مظهود
لين انتدب من فوق ما يقحم العود= عيا على تالى الظعن زين الاذلال
لا واعشيرى ليتنى ما بكيته= لو ان معى حل وعقد شريته
وبكل ماتملك يمينى فديته= بالخيل والغرس المظاليل والمال
مرحوم يا ما قد حمى من مرنه =واعلق اسنان العود بقطيهبنه
ياليت غضاة الصبا ما بكنه =ولا عليه اتراب جرف الجبل هال
حللت يا ريف الهيافا ويا ريف= ألخيل في ميدانها كالخواطيف
يوم البوادى تشعف البوش تشعيف= عيا عليها مصلط ماضى الافعال
مرحوم يامروى حدود الهوارى= يامن بوجهه للمروه موارى
يمينه اكرم من هبوب الذوارى= أثقل من ايش عند روعات الاذهال
حللت يا ما ضيف ليل قريته =وكم عود زان في الملاقا سقيته
وكم أبلج حلف السبايا رميته =عليه شقن العماهيج الاطوال
اليوم لى موفى ثلاثة عشر يوم =لا لذ لى زاد ولا طاب لى نوم
ساعت لفانى عن حجا كل مضيوم= زبن المجنا مصلط ذرب الافعال
يفداه من لبس السراويل والبيض= كبدى كن ابها وهج لاهب القيض
على الذى ملا اقلوب العدى غيض= ليت المنايا تندفع عنه بالمال
من عقب مصلط ياهل الخيل تكفون= لا من اعنوز ولا بعد من ذوى عون
كم سربة مهيوبة في ضحا الكون= بدد شعبها والغبا عنه ينجال
وان قرطبوها بالعياد الكراديس= وتزعزعت حمر النضا بالملابيس
وآزا بلطم الطاس ضرب العبابيس= أنهل وعل السيف من دم الابطال[/poem]

رد: محسن الهزاني يرثي مسلط الرعوجي
 

مشكووور ابو وايل على النقل الراااائع

ومحسن شاعر عظيم اتمنى لو ان الله يرزقني بنصف ماوهبه لمحسن

ومسلط الرعووجي فارس وخيااال عظيم

رحمهما الله جميعا


تحياتي وودي لك

رد: محسن الهزاني يرثي مسلط الرعوجي
 

رد: محسن الهزاني يرثي مسلط الرعوجي
 

رد: محسن الهزاني يرثي مسلط الرعوجي
 

رد: محسن الهزاني يرثي مسلط الرعوجي
 

رد: محسن الهزاني يرثي مسلط الرعوجي
 

رد: محسن الهزاني يرثي مسلط الرعوجي
 

كل الشكر اخوي ابو وائل على جمال ماطرحته

ماننحرم من تألقك المعتاد

تقديري لك

رد: محسن الهزاني يرثي مسلط الرعوجي
 

الله يرحمهم جميعاً

مشكور اخوي ابو وائل على النقل

الله يعطيك العافية