|
قصه حقيقيه ( غيره المرأه )
غيرة المرأة على لسان البنت اللي شافت الموقف تقول : وأنا أصلي بالحرم الا بذيك الحرمه الكبيره بالسن اللي تصلي وتبكي تصلي وتبكي وتدعي وتبكي انا استغربت منها وقلت اكيد لها سالفه وكان كل مابين فتره يجيها ولد شاب يكلمها ويروح ويشوف وش تبي انا اخذني الفضول بصراحه وجلست بجنبها وسألتها ليش تبكين عسى ماشر قالتلي مافي شي , أنا أصريت وسألتها مره ثانيه سكتت شوي بعدين قالت والله من العذاب اللي فيني ليش؟ وش السالفه؟؟!! قالتلي اقولك قصتي وبعدين احكمي كنت متزوجه من زوج ونعم الازواج يحبني ويحترمني ويعزني بس كان فيني عيب اني ما اجيب عيال وانا حاولت بس الله مارزقني فشرت عليه انه يتزوج ثانيه هو مارضى فالبدايه بس انا قعدت احن واحن الين وافق فدورتله على الزوجه وخطبتها له وتم الزواج بس بعد ما تزوجها شبت نار الغيره بقلبي لانه اخذ يميل لها و فتره بسيطه الا والمره حامل زادت غيرتي المهم جابت له ولد الزوج استانس وفرح وقعدت انا افكر بنفسي كيف انا اللي شرت عليه في يوم جاني زوجي وقالي بسافر مع مرتي الثانيه وبنخلي الولد عندك ووافقت طبعا لانه مافي احد يمسك الولد غيري سافروا وخلو الولد عندي وكان الوقت شتا وكنت شابة الجمر والولد عمره تقريبا سنه وكم شهر وهو يلعب ويطامر قدامي وانا بقلبي نار تشتعل مثل الجمر وشلون ياخذها ويسافر ولا !! ويخلي الولد عندي ومن هالكلام وفجاءه الا الولد يمد يده بيلعب بالجمر ومن ناري وغيرتي مسكت يدينه وحطيتها اكثر بالجمر اليين ذابت يده وهنا شلتها بعدها مايحتاج اقولك اشلون صارت يد الولد وكذا حسيت ان ناري طفت اشوي نمنا ذيك الليله الا ويجينا خبر وفاة زوجي مع زوجته وهم في طريق العوده بحادث وظليت بروحي عايشه مالي احد غير ربي ومن ثم الولد اللي تشوفينه وصار اكثر من ولدي واعز ويدور راحتي ويرعاني ومالي ظل غيره هو اللي يشوف طلباتي وطلبات البيت ومو مقصر معاي بشي بس انا كل ماشفت يده يتقطع قلبي على اللي سويته فيه وهو يناديني يمه بس الى الان ماقلتله اني انا اللي شوهت يده ولازلت اعاني من العذاب وتانيب الضمير وادعي ربي يغفرلي ذنبي سبحان الله وشلون حكمة ربك انه صار خير لي لولا هالولد كان انا حالتي حاله ويرد يجيها الولد وهو مخبي يده ويحب راسها ويسألها هـــــــــــــــــــــــــــــــــــــــــايالغالي ه نروح الحين (وعسى ان تكرهوا شيئا وهو خير لكم) وربي ادمعت عيني على هالمسكين .. يالله كم احنا تافهين .... والله والله والله لو عرفنا كيف ربي يصرف الامور ماتجرأنا حتى نتأفف... الله المستعان و ر99 |
رد: قصه حقيقيه ( غيره المرأه )
قصه تقشعر لها الابدان كل شي حكمه من رب العالمين سبحان الله اذا كانت هالقصة فعلا صحيحة ... بس الله يختبر نفوس الناس ليميز الخبيث من الطيب مشكوووورة اختي همس الوجدان |
رد: قصه حقيقيه ( غيره المرأه )
ليه البنت هذي بعد ماسمعت سالفتها ماعلمت الولد قالت له هذي ترى الي احرقت يدك
قصدي بس علشان يصير للقصه تكمله هع |
رد: قصه حقيقيه ( غيره المرأه )
قصه تقشعر لها الابدان
كل شي حكمه من رب العالمين |
رد: قصه حقيقيه ( غيره المرأه )
اقتباس:
المشاركة الأصلية كتبت بواسطة smsm http://www.al-welan.com/vb/images/al...s/viewpost.gif ليه البنت هذي بعد ماسمعت سالفتها ماعلمت الولد قالت له هذي ترى الي احرقت يدك قصدي بس علشان يصير للقصه تكمله هع [align=center] هههههههههههههههههههه و*465و*465 مشكوره غاليتي همس على هذه القصه دمتي بخير [/align] |
رد: قصه حقيقيه ( غيره المرأه )
ان كيدهُن عظيم
الله يعطيك العافيه همس تحياتي |
رد: قصه حقيقيه ( غيره المرأه )
قصة رائعه تو حي لنا ان الخيرة يعلم بها الله سبحانه وتعالي ((تعاونوا على البر والتقوى ولاتعاونوا على الاثم والعدوان
وان من عمل الخير لايندم حتى لو تجاهله الانسان فأن الله يحفظه(ومن عمل مثقال ذرة خيراً يره ومن عمل متقال ذرة شراً يره ومن عمل سوء ان المتضرر هو نفسه من عمله مثل تلك المرأة احرقت يد هذا الابن الذي احتواها ببره لها وعطفه عليها ورعايتها الله اكبر سبحان الله خيتي همس انتي مميزه ورائعه بمواضيعك وبحضورك للأمانه بدون مجامله لك كل الشكر والتقدير على هذا الطرح الرائع وهو بمثابة رسالة معبره |
رد: قصه حقيقيه ( غيره المرأه )
سبحان الله العظيم
كل الود على القصه |
رد: قصه حقيقيه ( غيره المرأه )
ان كيدهُن عظيم
الله يعطيك العافيه همس تحياتي |
| الساعة الآن 03:49 PM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.