معايد الجريتين
 

[align=center]بسم الله الرحمن الرحيم

اخوني اخواتي

السلام عليكم ورحمة الله وبركاته


القصه عن الفارس المعروف خلف الاذن كان مع جماعته يبحثون عن مكان فيه ربيع ومرعا لحلالهم

وكانت الدنيا محل وضاقت بهم الارض وقرر خلف ان يأخذ جماعته ويروح عند الرشيد وشاورهم وفعلن

رحلو الى ابن رشيد ووجدو عنده ما يبحثون عنه من مراعي خصبه وخيرات كثيره وابن رشيد فرح بقدوم

خلف وجماعته وكان نعم المعزب طول فترت اقامتهم المهم بعد شهرين او اكثر قررو جماعت خلف ان

يرحلو وذهب خلف الى ابن رشيد وقال له جزاك الله خير وما قصرت ونبي منك ان تسمح لنا بالرحيل

ورد ابن رشيد على خلف وقال رحيل مافي ياخلف واذا جماعتك مصرين على الرحيل خلهم يرحلون

بس انت ماتروح ابيك تجلس عندي معزز مكرم وبعد اصرار شديد وافق خلف على البقاء عند ابن رشيد

وجماعته رحلو المهم كان فيه شخص يعمل عند ابن رشيد اسمه زامل وكان مايحب خلف ولايحب وجوده

وحاول اكثر من مره ان يزعج خلف حتى يخليه يرحل وفي يوم جاء رجل عابر سبيل ومحتاج يطلب

المساعده من ابن رشيد وقال زامل للرجل المحتاج انا اعطيك اللى تبي بس بشرط ان تقول اي قصيدة

في مجلس ابن رشيد ووافق الرجل وذهب مع زامل الى مجلس ابن رشيد ووجدو في المجلس ابن رشيد

وخلف جالسين وقال زامل الى ابن رشيد ياطويل العمر جبت لك شاعر وابيك تسمع قصيده منه وقصيده

من خلف وتشوف اي قصيده احلا طبعن خلف حس ان زامل قاعد يهينه يوم يساويه بهذا الرجل المسكين

المهم ان خلف الاذن قال يازامل انا موافق على فكرتك بس بشرط انا اللى ابدء في القصيده وقال خلف

القصيده وكانت كارثه لزامل


زامــل يـنشدني وانا ويـن ويـني=هــبـيـت ياهــرجـن بلـيـا لـبـاقــه
الشين شين وماكـر الشين شيني=عــدو جــد ولا بـقـلـبـك صـداقـه
الله يـخـونك كـان ماتـشـتـهـيـني=لـو تحـكي اللـى بلـعـلوم الـدقـاقـه
فنجال طين ولنت فنجال صيني=تبرك مباريك الجمل وانت ناقـه
اصبحت مـثل معايد الجـريتيني=لا شـفت خير ولا تبعت الرفاقـه[/align]

رد: معايد الجريتين
 

رد: معايد الجريتين
 

[align=center][all1=CCCCCC][align=center]الله يعطيكــ العافيه أخوي
وصح السانكــ والسان الشاعر
كل الشكر لكــ
[/align][/all1][/align]

رد: معايد الجريتين
 

رد: معايد الجريتين
 

رد: معايد الجريتين
 

[align=center]اصبحت مـثل معايد الجـريتيني= لا شـفت خير ولا تبعت الرفاقـه

اخيرا عرفت سالفة معايد القريتين

تسلم ولاهنت اخوي المنفي

مشكور على القصه

ودي واحترامي لك[/align]

رد: معايد الجريتين
 

[align=center]الله يعافيك اخوي المنفي وابي اكمل القصيده

[poem=font="Simplified Arabic,4,black,bold,italic" bkcolor="transparent" bkimage="backgrounds/27.gif" border="ridge,6,darkblue" type=2 line=0 align=center use=sp num="0,black"]
زامل ينشدني وانا وين وينـى = هبيت ياهـرج بليـا لبـا قـة

الشين شين وماكر الشين شينى =عدو جـد ولابقلبـك صداقـة

الله يخونك كان مـا تشتهيني = لو كان تحكي بالعلوم الدقاقـة

غديت مثـل معايـد القريتينـي = لاجبت خير ولاتبعـت الرفاقـة

انا بلايه مـن صديـق بطينـي = وبقعا تصفقني على غير فاقـه

فنجال طين ولانت فنجال صيني = تبرك مباريك الجمل وانت ناقة

ارخصلنا وارسل السمحه تجيني = افراق عبداً مشتهينن افراقه[/poem]
وله اخرى.

يالله يالمطلوب ياعادل الصاع

============ أن كان عندك للاجاويد ثابه




. إنك تمشينا علي درب الأسناع

============= ياللي لداعي الخير ماصك بابه





. الضرس يعباله عن السهر مقلاع

============= حتي تنام العين ماهي طلابه





. ياطراد صلوا بك مواريث هزاع

============= عايدت قوم وعايدوك الذيابه




. صغيرهم لوهو علي الدير رضاع

============== سنه شطير ويكسر العظم نابه





. ياطراد راحت بك طويلات الأبواع

================ والشيب حل بسيرتك والتهي به





. وردوا هل العليا كما ورد الإقطاع

=============== علي غديرٍ ما كفاهم شرابه




. يبون جل إبكارنا شقح الأنواع

================ وشرهوا علي هاك البيوت المهابه




. وصحنا عليهم صيحةٍ تبر الاوجاع

================= وصارت قلايعهم بالأيدي نهابه[/align]

رد: معايد الجريتين
 

[align=center][frame="7 10"]زامــل يـنشدني وانا ويـن ويـني=هــبـيـت ياهــرجـن بلـيـا لـبـاقــه
الشين شين وماكـر الشين شيني=عــدو جــد ولا بـقـلـبـك صـداقـه
الله يـخـونك كـان ماتـشـتـهـيـني=لـو تحـكي اللـى بلـعـلوم الـدقـاقـه
فنجال طين ولنت فنجال صيني=تبرك مباريك الجمل وانت ناقـه
اصبحت مـثل معايد الجـريتيني=لا شـفت خير ولا تبعت الرفاقـه


المنفي

تسلم ولاهنت على القصه والقصيده

ماقصرت يعطيك العافيه[/frame][/align]

رد: معايد الجريتين
 

رد: معايد الجريتين