(( مشتهي كلمة أحبك,, واستحي وانطق ياخيه ))
 

[poem=font="Simplified Arabic,5,darkblue,bold,normal" bkcolor="sienna" bkimage="backgrounds/23.gif" border="double,7,darkblue" type=2 line=0 align=center use=ex num="0,black"]

جربي مره تقولي يا فتى حبك سكني =جربي مره تقولي ابشر بقلبي هديه

والله اني لا اتربع واوزن العود واغني =" هل رأي الحب سكارى مثلنا " يا اليعربيه

كم تمنيتك فديتك في شراييني تشني =معركة ذات المشاعر وانتصر فيها عليه

كم تمنيتك تشوفي مسرح العاشق وفني =وروحي من فوق المنصه تبدع بدور الضحيه!

كم تمنيتك تزيلي للأبد شكي وظني =دايم ظنوني تودي للأسف " لا منتي ليه "

كم تمنيتك تهيمي منتهى الوجدان مني =والخبر عندي بأنك تغرقي في شبر ميه

كم تمنيتك تعيدي ضحكة الحالم لسني =مصعبه ضحك المجامل والصدق انه خطيه

كم تمنيتك يتيمه وخافقي دار التبني =واطلبك واسمع جوابه " خلها تكبر شويه "

كم تمنيتك أسيره للغرام اللي سجني =واحبسك واطلق سراحك من عقب ما اطلق يديه

كم تمنيتك مدينه سورها عالي لأني =اعشق بقلبي ووجدي من قبل تعشق عينيه

كم تمنيتك وليتك تفهمي معنى التمني =ما تأخر من وصل لك لو على حوض المنيه

حيلة العاجز اماني لابسه ثوب التجني =ان حلم فيها تعذب وان غفى عنها أذيه

واعترف قلبي تمنى حضرتك يخرب مطني =لعنبو حضرة جنابه ما حفظ عهد الوصيه

قلت له من قبل اعرفك السلامه بالتأني =ويوم شافك تضحكي له قال بس هذي الصبيه

قلبي وداري بنبضه مشتعل من قلب جني =كان في عصر الملوح منجبر بالعامريه

ويوم الله ما قسمها لا استراح وهو يوني =ونةٍ ظلت بصدره من زمان الجاهليه

وبعد ما شافك غرامي ارتبك ثم(ن) حضني =وقال كلماتٍ كثيره نصفها بالفارسيه

ورحت اترجمها واشوفه وش حكى عنك وعني =وما لقيت الا الحقيقه " ان ما عشقتيني غبيه ! "

ذلك لأني مشاعر مابها زيف وتدني =ترتقي كل يوم مره لا عشره لا والله ميه

وذلك لأني قصايد لو ابطل يكتبني =من فرح او حزن فيني المهم تكتب اليه

وذلك لأني براءه والعذارى ينصفني =مشتهي كلمة احبك واستحي وانطق يا خيه !

وذلك لأني اسامح والسوالف طاولني =يمدحني في وجودي وان غبت شفت الرديه !!

وذلك لأني هدايا للقلوب اللي عطني =من كرمهم كل حاجه وما اطلبوا رد العطيه

يا ترى لو جيتك احبو به امل انك تحني؟=وتصبحي ملك ليميني واصبح لوجدك خويه؟

هقوتك انفع مليكك واعتلي عرشك وامني =نفسي انها تحتفل بك كل مسا عند العشيه!

هقوتك تستاهليني او انا يستاهلني =من يخليهم عشانك لعنبو حيك وحيه

هقوتك يم الهقاوي هن تفاكيري حدني!=ارتكب اكبر جريمه في تواريخ البريه؟

واعشقك من بد غيرك واوزن العود واغني =هل رأي الحب سكارى مثلنا " يا اليعربيه![/poem]
[poem=font="Simplified Arabic,6,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=0 line=0 align=center use=sp num="0,black"]
قصيدة أعجبتني ونقلتها لكم أتمنى تنال أعجابكم =[/poem]

رد: (( مشتهي كلمة أحبك,, واستحي وانطق ياخيه ))
 

رد: (( مشتهي كلمة أحبك,, واستحي وانطق ياخيه ))
 

رد: (( مشتهي كلمة أحبك,, واستحي وانطق ياخيه ))
 

[poem=font="Simplified Arabic,4,black,normal,normal" bkcolor="darkblue" bkimage="backgrounds/1.gif" border="none,4,gray" type=0 line=0 align=center use=ex num="0,black"]
والله اني لا اتربع واوزن العود واغني =" هل رأي الحب سكارى مثلنا " يا اليعربيه[/poem]


[align=center][align=center]الله اكبر الله اكبر والكبير لا يأتي الى بكبير

كل الشكر والتقدير لكي عمتي

وائل النمران [/align][/align]

رد: (( مشتهي كلمة أحبك,, واستحي وانطق ياخيه ))
 

رد: (( مشتهي كلمة أحبك,, واستحي وانطق ياخيه ))
 

[align=center]صح السانك يالغاليه

قصيدة رائعه كروعة وجودك

نقل كله ذوق ... في انتظار المزيد

كل الشكر لك ؛؛؛؛[/align]

رد: (( مشتهي كلمة أحبك,, واستحي وانطق ياخيه ))
 

بنت أبــــــــــــــــوها

كم تمنيتك وليتك تفهـــــــمي معنا ألتــــــــــــمني

ماتأ خر من وصل لك لو على حـــــــــوض ألمنيـــــــــــه






000 قصيــــــــــــــــــده رايعه صح ألسان قايلهــــــــا ونا قلــــــــــــــــــها )))))

رد: (( مشتهي كلمة أحبك,, واستحي وانطق ياخيه ))
 

رد: (( مشتهي كلمة أحبك,, واستحي وانطق ياخيه ))
 

رد: (( مشتهي كلمة أحبك,, واستحي وانطق ياخيه ))