منتديات الويلان - من روائع العملاق مطلق النومسي....

منتديات الويلان (http://www.al-welan.com/vb/index.php)

- منتدى الشعر المنقول (http://www.al-welan.com/vb/forumdisplay.php?f=42)

- - من روائع العملاق مطلق النومسي.... (http://www.al-welan.com/vb/showthread.php?t=6965)

من روائع العملاق مطلق النومسي....

هذه القصيدة من روائع الشاعر مطلق النومسي

اتمنى ان تنال اعجابكم

[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=3 line=0 align=center use=sp num="0,black"]
خذني غلا يا أصدق غلا بالوقت الأول والأخير
........................... أبغاك تدرس حالتي أول وأنا أدرس حالتك

حنا نفس واحد .. وروح .. وقلب .. وعيون .. وضمير
........................... عدالتي ظلمك .. وظلمي منتهى عدالتك

يا بدري الطلــّــة ويا طلــّــتك يا البدر المنير
........................... ترى خسوف القمر .. بشارة وصول إطلالتك

وإطلالتك عندي أنا .. تعني لي الشي الكثير
.......................... لا صارت .. عيوني على خــدّك سحآآآآب .. وسالتك

أوقف .. وأسميــك الملك .. وشوي أسمــّيك .. الأمير
............................. أخاف من سطوة سمــوّك ... وأحترم جلالتك

حبــك كبير ... وبالمقابل .. قدرك بقلبي كبير
............................ إحساسي بــ محبتك ... وإحساسي .. بــ زمالتك

لا يضيق لك خاطر .. فديتك .. لو يصير اللي يصير
........................... إن كان ما شالتك الأرض .. رموش عيني شالتك

يا أترف مشاعر بالبشر ... يا أرق من لمس الحرير
.......................... ساعة زمن ... ممشاك من غرفتك .. حتي صالتك

دلعك يثقل خطوتك .. وأحيان .. يمنعك المسير
......................... وأحيان أشك إن الدلــع ... سلالته .. سلالتك

يومك تعــض .. شفيفتــك .. وإصبعك لــ عيوني .. يشير
......................... وتقول هذي مالتي ؟؟ ... وأقول طبعا مالتك

تقولهااا .. وأعيش نشوتها .. وأحس الموووت أخيــر
........................... لا شفت موتي بين عقرب صدرك .. وسلسااالتك

تدري ؟؟؟ لا شفت بيالتك .. بأطراف ثغرك .. تستدير
............................أضرب على صدري .. وأقول الحظ .. حظ بيالتك

مدام أبوك الناي .. وأمك ضحكة الطفل الغرير
.............................. وتصير عمــّــتك الشطانة .. والشقاوة خآآآآلتك ؟؟

لازم عليك آغير من نفسك .. وحتي منك آغير
............................. عشان لو تطاولك كل البشر ... ما طالتك

ما طالتك .. يالأسمر الجذآآآآب .. يالملح المثير
............................ ياللي سمـــارك .. جامعِِ .. سكر وملح أصالتك

فتنتني .. بعيونك الخدرات .. والزول القصير
............................ وحببتني في طيشك ... وحببتني .. جهالتك

ماعاد لي .. سلطة على حالي .. وأنا بــيديك أسير
............................. ولا عاد لي حيــلِِ يساعدني .. على حيالتك

يا علــّــني فدوتك من راســك .. إلى إصبعك الصغير
.............................. يا كبر بختي .. يوم ناولتك يــدي .. ونآآآآآلتك

يا أصدق غلالا .. وأعذب غلالالا .. بالوقت الأول .. والاخير
.............................. هذي خلاصة حالتي .. عطني خلاصة حالتك[/poem]