منتديات الويلان

سلملم

بحكم خبررتي في الحياه وهتاااف الجميع لي يا ثورررر.. كبر رأسي تسألوني ليش؟ اقولكم ليش.. كنت ومازلت احسب انهم يقولون لي ثور عشاني قوووي وكبير !!.. وظل هذا الفكررر عندي فترررة من الزمن..
7
7
7
ذااات ليلة وفي الظلام الداامس والنهااار الحامس والوجه اللي ملياان طامس والتعشيقه بالخامس بينما كنت قاعدن في بيتنا الصغير المتوااضع .. راودتني افكااار تسبح في مخيلتي..<<<مخك مويه وتطامر كالاطفال الصغار.. (ليه انا فرحااان عشانهم يقولون لي يا الثورعشاني قوي صح؟؟بس ليه اذا قلت لابوي ثورر صمخني بالزبيريه علي وجهي!! وانا في نيتي اقوله انك قوي!!)
فكرت بهذا الموقف ملياً وتكرارا الين ماوصلت الى نتيجه اجاوب فيها اسئلتي لنتيجه هي ولا شيء !

مرت الايااام وانا اسأل نفسي ولا اعرف الجوااب

في يوم من الايام جاء ابوووي وقالي ترى بنروح استراحة واحد من اخوياااي وابغاااك تروح..
قلتله انت تأمر واحنا نطامر
جاء اليووم الموعوود كان الووقت ظهرا..

مشينا من البيت واحنا في الطريق وقف ابوي فجأه عند البقاله<<<يلعن ام ثاره..
نزل ابوووي ولحقته..راح يشتري له حليب السعوديه..وانا اشتريت لي علك ابو طقعه
جينا نحاسب صاار الحسااب ريال ونص حليب وعلك
قال ابوي وش اللي الحساب بريال ونص شل النص وخذ الريال<<< لاتشرهون متقاعد ويحافظ على القرش
قال الهندي: انتا يبقا الك (علك) وهليب (حليب) لازم يزيب (تجيب) ريال ونس (ريال ونص)
قال ابوي لا و الف لا واباخذها بريال واذا ماهوعاجبك طق راسك في الجدار<<<مشكلته انه قوي
قلت لابوي ادفع انا؟؟؟
قال كل تبن يا ثور.. استانست انا ابوي يقولي ياثور (الله اكبر)
قال الهندي:كلاص (خلاص) رزء (رجع) قام ابوي والهندي يتلاعنون الين ماصااار كلام ملعوون ابو جد يعني مشفر
وفي نص المعركه والناس تناظر وتضحك راح ابوي وجاب عصا مكنسه ولحمها في رأس الهندي<<<يلعن ام الارهاب
7
7
7

المهم من بعد مافلق ابوي الهندي اخذ الحليب والعلك ولادفع ريال واحد..
وانا في دنيا ثااانيه ليه؟ لان ابوي قالي يا ثور

رحنا للسياره وانا مبسوووووووط وابوي قاافله معه..
قلت لابوي والله انك ثور
ابوووي وش بيسوووي في هالحاااله ابد الله يسلمكم طلع من خشمه دخان ولسانه يولع نار<<<صار تنين يانصااب
طّلع رأسي من الدريشه وصك عليه وهو يقول انا ثور يابن الثور
وانا صووووتي لوتسمعه تقول فقمه اواوبواواوبييييي كل هذا عشان اقول ابووووي
بغى ينقطع رأسي لو الله ماهداه وفتح الدريشه
قال اسمع ياثور (استانست)
لا عاد اسمعك تقول هالكلمه مره ثانيه لاالعن ابو خامس اللي جابك<<<يعني هو
قلتله وانا صوتي مخنوق طيب يا...(بغيت اقول يا ثور عشان اللي سواه فيني من شجاعه ) بس قلتله يابوي..

وصلنا الاستراحه وابوووي مازال معصب من السالفه المذكوره اعلاه وانا فرحااااااااان بعد عشان الكلمه المذكوره اعلاه
سلمت على اخويا ابوي وعيالهم شربنا قهوه وشاهي وزنجبيل ونعناع وغجر وحلبه<<<سوالف الشياب
الين جا المغرب نادوني الشباااب وقالوا بنلعب كوره تلعب معنا؟
انا ماصدقت خبر.. فيه كورره!! وارفع الصروال واخذ الكوره والعب لحالي,,<<<من زود الحماس
قالولي هد اعصابك بنلعب سواء..قلت طيب
وهم قاعدين يفرقون خلوووني مع واحد زلابه مايعرف يلعب
جيت اعترض قالوا لي يارجال تراها لعبه لا تتحمس زياده.
امري لله..
بدأ اللعب والزلابه مسووي زحمه الى ابعد الحدوود لين عصبت منه واعطيه ذيك الشوته اللي خلت امعائه تتطلع من وراء
جو العيال يشوفون وش فيه قلتلهم السالفه..
جاء اخو اللي طقيته يبغى يحارشني..وصار اللي في باله
تلاعنت انا وياااه الين صفقني. وصلت السالفه للشّياب وجو يصالحونا مع بعض..
عاد انا مسوي زعلان بعد التصفيق اللي جاني..قال ابوي تصالح مع الرجال..سمعت كلام ابوي..
لانه صار في عيني بطل لانه ثور
تصالحت انا والولد.. بعدين جاني يقول لاعاد اشوفك تمد يدك على اخوي طيب؟
قلت ابشر من عيوني..قلتله تصدق انك قوي..يا ثور
عصب اخووونا في الله وصفقني مره ثانيه<<<تستاهل يا ثور
قعدت لحااالي في الاستراحه وانا حيرااان
ليه يعصبون عشان هالكلمه وانا استأنس؟؟ ..
جاني واحد من الشباااب شكله حبيب قالي ياصاااحبي وش فيك قاعد لحالك<<< راشد الماجد على غفله
قلتله اللي صااار معي من طأ طأ للسلام عليكم<<<شو بدك خيوو
قالي تصدق انت حالتك مثل حاالتي بس بيننا فررق.!!
قلت وشو قال صح انت ثور قلت ايه قال انا حمار
التم المتعوس على خايب الرجاء
قلتله واللي يرحم والديك انقلع <<< شانت الاخلاق
الحين الساعه الواحده بتوقيت ام القرى يعني لازم نمشي.ناداني ابوي ومشينا...

واحنا في الطريق.. شفنا حادث..يارب سترك..وقفنا نشوف وش السالفه <<<والله من اللقافه
شفنا اللي تصادمو يهاوشون بعض:
ياغبي انت ماتشوف والله انك ثور جاء الثاني زعل وقعد يسبه..
وانا في حيره من امري لـــيــش زعل لما قاله ثور ...
** ومرت الثواني والدقايق والساعات والايام والشهور والسنين والدهور والقرون<< قرون غزال ولا ثور
وكثير من المواقف تحصلي ونفس السؤال الذي باطحن نفسه..
ليه انا ثور وانتم لا

سلخير