قصيدة فخريه
 

هذه القصيد للشاعر صالح الخمشي من ولد سليمان من عنزة
[poem=font="Simplified Arabic,5,white,normal,normal" bkcolor="blue" bkimage="" border="none,4,blue" type=0 line=0 align=center use=ex num="0,black"]
يابنت ابوها عـودي لاعاشـت ايـام الذليـل
الوقت فينا مطلب ينساب لـه دمـع أجـودي

حنا من خلقنا بدو ومن خلقت الدنيـا رحيـل
وإذا سمعتي بأصلنا يابنـت قومـي وإقعـدي

سمي وذبي برقعك ثم إخضعي تحت الشليـل
لولا الحرام بذمتي لأصل عنزه قلت إسجـدي

أصل عنزه شيمة وفاء لاقل مزبـان الدخيـل
بس الزمـن ياتايهـه عيـا الزمـن لايهتـدي

من طفلهم لين الكهل مابينهـم شخـص ذليـل
كلٍ شهد وقفاتهم وإنتـي بعـد هـم إشهـدي

من نجد ينبع صيتهم لما يجي هـاك المسيـل
ومن الشروق لغروبها يابنت ابوهـا وإنشـدي

لو تنشدين اكبر جبل باسم عنزه يمكـن يميـل
هذا بالارض وبالسماء بين الثريا والجـدي

يابنت انا مـن لابـة لادكـوا البيـداء تميـل
ارداهم اللي لياانتخى يشيـل سيفـه ويعـدي

حتى الجبال الراسيه شلنا الذي عجزت تشيـل
وإن ثارت الهوجاء يزوم واحدنا و يعـدي

بالذات لاثارالدخن ياما شعلوا راس الفتيـل
الله وكيلك ماانثنـوا لـو ينزلـون الجرهـدي

مثل السعف ميت ظمى لكنه برووس النخيـل
ماحد ثنى راسـه لاحـد الا لربـه مهتـدي

تدرين وش لك بالعنى وش لك بناس ماتميل
ناس تمـوت بموتهـا مايستهـان الا الـردي

ماللهوى يمي هوى وللعشـق قلبـي مايميـل
كلٍ خوي لعشقتـه وأنـا خـوي السرمـدي [/poem]

ارجو ان تنال على اعجابكم

مشاركة: قصيدة فخريه
 

والله رائعه
تمام ياليت نقدر انجمع كل قصيد الفخر بالقبيله

مشاركة: قصيدة فخريه
 

قصيده جميله جداً

ولكن هل لي بالسؤال عن مناسبة تلك القصيده

فقد لاحظت ذكر الشاعره بنت أبوها

مشاركة: قصيدة فخريه
 

مشاركة: قصيدة فخريه
 

صح لسانك وصح لسان الشاعر صالح الخمشي

مشاركة: قصيدة فخريه
 

رمضان العنزي هيوي الشمال عبدالعزيز عنتر فرحان الجولان
اشكركم على مروركم الكريم
صراحة لااعلم مناسبتها
لاكن اعتقد انها واضحه جدا

مشاركة: قصيدة فخريه
 

قويه بصراحه استغرب نشر مثل هذه القصائد الممتازه ولايكون هناك تجاوب من الأعضاء

مشاركة: قصيدة فخريه
 

صح لسان قايلها