منتديات الويلان - تعليلتنا مع زميلنا الدكتور مسافر

أيها الأحبة

افتقدناه لفترة

بحثنا عنه

سألنا عنه

تبين لنا الآتي :

طير شلوى :ألو : السلام عليكم يادكتور

الدكتورمسافر : هلا وعليكم السلام مين معاي

طير شلوى : ماعرفتني

الدكتورمسافر: هااااااااالا أنا آسف ياخوي طير شلوى والله اني مشغول

طير شلوى : عسى ماشر .

الدكتور مسافر يتكلم مع ناس عنده وبنبرة زعل أسمعه من خلال سماعة التلفون يقول

( شوف أبغى عاملين نظافة مايتحركون من عندي )

الدكتور مسافر : هلا أبو فيصل( يقول لي أنا آسف )

طير شلوى : يادكتور أبغاك تساعدني عندي حاله إنسانيه نبيك تكشف عليه .

الدكتور مسافر: ياأبو فيصل أنا بمكة وهذا السبب اللي يخليني مادخلت منتدى الويلان

طير شلوى : ماشاءالله والله فقدناك ياخي المهم وشلون تقدر تساعدنا

الدكتور مسافر : ماأدري والله لواني بالرياض شفت له صرفة

طير شلوى : وش رايك أرسل لك الحاله لمكه

الدكتور مسافر: من عيوني ياأبو فيصل خدمتك

طير شلوى : وبعد تفكير بس أخاف ما يوصلك الرجال إلا هو( قاضي )

الدكتور مسافر: ههههههههههه على راحتك ياابو فيصل

طير شلوى : تدري يادكتور الله يتقبل منك عملك النبيل في أطهربقاع الأرض .

الدكتور مسافر : جزاك الله خير ياابو فيصل

طير شلوى : أجل رأيك إنا نجيب له أمر من المعازيب وندخله أي مستشفى حكومي

الدكتور مسافر : ياليت اني بالرياض كان خدمتك ياابو فيصل

طير شلوى : ونعم يادكتور ماتقصر ياالله حبيبي ترجع لنا بالسلامه

الدكتور مسافر: الله يسلمك

طير شلوى : أقول دكتور لاتنسانا من ماء زمزم والمسابيح

دكتور مسافر : ههههههههه أبشر ياابو فيصل سلم على كل الشباب بمنتدى الويلان

طير شلوى : الله يسلمك مع السلامه

الدكتور مسافر : أبو فيصل سلم على جميع الزملاء بالمنتدى وعلى رأسهم الأخ رمضان العنزي

وعبدالعزيز عنتر ومحمد الهدبان والأخ بدوي والكابتن وكامل الخدلي وفارس عنزة والقناص وأدميرال

وتركي النومسي وأبو عمر وكل من يدخل منتدى الويلان

طير شلوى : يبلغ انشاءالله مع السلامه

الدكتور مسافر : مع السلامه