منتديات الويلان - قصائد لسعدون العواجي من عنزه رحمه الله

السلام عليكم ورحمة الله وبركاته
هذي قصيدتين لسعدون العواجي رحمه الله وهو شيخ غني عن التعريف من عنزه
القصة والقصيدة الأولى
سعدون العواجي من مشاهير قبايل عنزة الي في الشمال
كان له أمارة و تزوج من الشام (سوريا) وجاه عيال واحد عقاب والثاني حجاب
ترك عياله ورجع لقبيلته مرت السنين وشيب سعدون وطمعوا فيه عيال عمه واخذو أمارته وهدموا بيته
وحس سعدون أنه أنذل وكتب قصيدة لعياله الي في سوريا
يقول سعدون!

يا راكـبٍ مـن عندنـا فـوق مهـذاب
مامـون قطـاع الفيافـي الـى نويـت
عنـد الفضيلـة عـد يوميـن بحسـاب
أول قراهـم قـول ياضيـف حيـيـت
حـرٍ صغيـر وتومـا شـق لـه نـاب
وعقب القرا ودع رجـال لهـم صيـت
وليـا ركبتـه ضربـه خـل الاجنـاب
وانحر لنجم الجـدي وإن كـان مديـت
واسلم وسلم لي على عقـاب وحجـاب
سلم على مضنون عينـي إلـى الفيـت
بالحال خص عقـاب فكـاك الانشـاب
ينجيك كان انـك عـن الحـق عديـت
قل له ترى شامخ شمخ عقـب ماشـاب
وياعـقـاب والله ذللـونـي وذلـيـت
وياعقاب حدوني على غير مـا طـاب
وقالوا تودر مـن ورى المـا وتعديـت
من عقب ماني سترهم عنـد الاجنـاب
وليابلتـهـم قـالـة مــا تتـقـيـت
مـادام شامـخ مالـك جـرد الأرقـاب
لوزيـن الفنجـال لــى ماتقهـويـت
ياعقاب حـط بثومـة القلـب مخـلاب
من العام فـي نـوم العـرب ماتهنيـت
الجفـن عـن نـوم المـلا فيـه نتـاب
وعـد الطعـام مـدوس بـه حلاتيـت
عقب المعزة صرت ياعقـاب مرعـاب
والنـاس حييـن وأنـا عقبكـم مـيـت
من الضيم ياعقاب السرب عارضي شاب
واذويت مـن كثـر العنـا واستخفيـت
فاتـن ثـلاث سنيـن والنـوم ماطـاب
وشكواي من صدري عبـار وتناهيـت
البيـت مايبنـى بـلا عمـد واطنـاب
متي يجينـا عقـاب يبنـي لنـا البيـت
مالي جـدا إلا عضـة البهـم بالنـاب
وراعيت كثر الحيف بالعين واغضيـت
ارجي بشير الخيـر مـع كـل هبـاب
ومتي يجونا اخوان نمشة على الصيـت

ووصلة القصيدة لعقاب وحجاب وركبو خيولهم وجوا وكان شامخ جاي بعصاه بطق الصبي
يوم شاف عقاب تغير وجهه وكان يسمعبه ون له شنبات وعرف أن هذا عقاب وطب بلقليب
وكان عقاب سال سيفه قالة أطلع قال مانب طالع ان قبري في القليب
قال أطلع قال تحطني في وجهك كلا في وجه أبوي سعدون أن عفا عنك ولا ماعندك لي ألا القبر
وعفا عنه سعدون ورجع سعدون لمكانتة ورجعله بيته
والقصيدة الثانية

يـا ونـة ونيتهـا تسـع ونــات
مع تسع مع تسعين مع عشرالوفـي
مع كثرهن باقصى الحشا مستكنات
عداد خلـق الله كثيـر الوصوفـي
ونة طريح طاح والخيـل عجـلات
كسره حدا الساقين غـاد سعوفـي
علـى سيـوف بالملاقـي مهمـات
سيفين أغلى ما غدا مـن سيوفـي
وعلى محـوص بالمـوارد قويـات
أسقى بهـن لـو القبايـل صفوفـي
احشم بحشمتهن ولو هـن بعيـدات
وانام لـو ان الضـواري تحوفـي
خليتني يا عقاب ما بـه مـراوات
عيالك صغارٍ والدهر بـه جنوفـي
من عقبكم ما نبكي الحي لو مـات
ولاني على الدنيا كثيـر الحسوفـي
ويا طول ماجريت بالصدر ونـات
علـى فـراق معطريـن السيوفـي
ويا عقاب عقبك شفت بالوقت ميلات
واوجست انا من ضيم بقعا حفوفـي
مرحوم يا نطاح وجيـه المغيـرات
إن جن كراديس السبايـا صفوفـي
مرحوم يا مشبع سبـاع مجيعـات
وعز الله انـه عقبكـم زاد خوفـي
الخيل تدري بك نهـار المثـارات
ياللي على كل المـلا فيـك نوفـي
والخيل تقفي من فعولـك معيفـات
تاطا شخانيب الرضم مـا تشوفـي
للأمانه القصائد منقوله