منتديات الويلان - كف على الخد هي الاجابة!!

[align=center]هذي قصة شاب كافر رفض الدخول لدين الاسلام الا اذا لقى احد يجاوبه على ثلاث اسئله :confused:

فسمع شايب مسلم عمره فوق 100 سنة بسالفة هالشاب.. والشايب هذا طبعاَ مسلم :)

المهم اصر انت يالشايب الا يقابل الشاب

بيومن من الايام تواجهوا وقال الشايب ليه منت راضي تدخل بدين الاسلام

الشاب: قال ما ادخل الا اذا لقيت من يجاوبني عن ثلاث اسئلة

الشايب: هات اسئلتك

الشاب: السؤال الاول/ هل الله موجود؟؟ واذا كان موجود ورنياه ابي اشوفه

السؤال الثاني/ هل القضاء والقدر موجودين ..؟ .. واذا كانوا موجودين اثبت لي هالشي؟؟

السؤال الثالث / الشيطان مخلوق من نار .. وشلون الله يعذبه بالنار وهو مخلوق من نار؟؟
:confused:

قام الشويب وهو يلسب (يضرب) الولد مخمس ( كف ) على كيفكم ... يعني خلى براطمه تهتز من قوة الضربه :D

المهم عصب الولد وقعد يصارخ ... قال ليش ضربتني

رد عليه الشايب : انا ماضربتك ..!! انا جاوبتك

الشاب بكل تعجب: وشلوووووون؟

الشايب: انا يوم ضربتك كف تعورت؟؟
الشاب : ايه
الشايب: حسيت بألم؟؟
الشاب: ايه
الشايب: يعني الألم موجود؟؟
الشاب: ايه
الشايب: تقدر توريني الألم؟؟
الشاب لا
الشايب: وهذا جواب اول سؤال من اسئلتك

الشايب: انت امس حلمت بالليل اني راح اجيك واعطيك كف اليوم؟؟
الشاب: لا
الشايب: فيه احد قالك اني راح اضربك كف اليوم؟
الشاب: لا
الشايب: يعني من كلامك ان ضربي لك كان قضاء وقدر
الشاب: صح
الشايب: وهذا جواب ثاني سؤال

الشايب: انا بوشو ضربتك كف؟؟
الشاب: بيدك طبعاً
الشايب: يدي من وشو مخلوقه؟؟
الشاب: طين
الشايب: وجهك من وشو مخلوق؟؟
الشاب: من طين
الشايب: حسيت بالألم؟؟
الشاب: ايه
الشايب: وهذا جواب السؤال الثالث

فأعلن الشاب اسلامه .. وعرف انه كان على باطل .. وقوي اسلامه

سبحان ربي يعطي الحكمة لمن يشاء ... كف كان سبب دخول هالشاب لدين الاسلام

اتمنى ان القصة تحوز على راضاكم وتفيدكم بدينكم ودنياكم

تحياتي للجميع :p [/align]