|
مولوده ، وعشت ، وبموت ابدويه
[align=center]قصيده جميله لشاعره مجهوله ..
أحببت ان أنقل لكم القصيده متمنيه ان تحوز على اعجابكم .. لاخير بانسان رمى ثوب ماضيـه وبالتاليه يسعى لطمـس الهويّّه للشمس نور يحسب إنّه يغطيـه ما يدري كفوفـه بنـوره خفيّـه وأنا فدا الماضي ليا حل طاريـه أنسى الحياة المترفـه والشقيّـه طبع البداوه عشقي وميّتـه فيـه وكلي فخر لاقالـوا إنـي بدويّـه إيه ابدويّه آخذ الخيـر وأعطيـه وأبادل المعطي جزيـل العطّيـه إيه ابدويّه وأزرع الطيب وأجنيه الطيب زرعي ما زرعت الرديّـه إيه ابدويّه لو تزيـد المشاريـه ببقى على عهـد البـداوه وفيّّـه ماألاحق الموضه بسوق المسافيه اللي لهن كل يوم روحـه وجيّـه الله سترني ، ثوبهم ذاك ماابيـه لاصار تطريزه بسلـك الخطيّـه ماني من اللي أثبت العكس وأنفيه وبيني وبين العيب حوض المنيّه ومانيب دلّوعه ولا قلت : (أمبيه) ولالي على كثر الدلـع مقدريّـه رزينه وثقلي على الخـفّ أبديـه دام الثقـل زينـه لعقـل البنيّـه كرامتي نجم سطـع فـي لياليـه ولاذلّني مخلوق ما دمـت حيّـه لنفسي عليّه دين لاشـك أبوفيـه ولا دفعت لمقتـل الخـوف ديّـه وأقول للي جهل الأيـام معميـه مولوده ، وعشت ، وبموت ابدويه اتمنى اللي يعرف اشم الشاعرة يفيدنا [/align] |
رد: مولوده ، وعشت ، وبموت ابدويه
[align=center]الاخت ابدويه وفتخر انا اقول لك الفخر في بداوتك الاصيله
وسلمت يمينك يابنت العم ونقل جميل كاجمال ناقله ولاعرف من صاحبة القصيده[/align] |
رد: مولوده ، وعشت ، وبموت ابدويه
بدويه
صح لسانك ابيات جميله جزاله وابداع لاتحرمينا جديدك دمتي بود |
رد: مولوده ، وعشت ، وبموت ابدويه
[align=center]صح بدنك ولد العم نايف النمران
انا من يحق لها الفخر بكم صح بدنك شاعرنا ذعار الجمال والابداع في حضورك من القلب اشكركم على حضوركم تحية طيبة لكم[/align] |
رد: مولوده ، وعشت ، وبموت ابدويه
[align=center]صح لسانك ولسان الشاعره
والنعم فيك وبكل البدو تسلمين يالغاليه على هذه القصيدة الرائعه لاتحرمينا مثل هذه الروائع كل الشكر لك تقبلي تحياتي [/align] |
رد: مولوده ، وعشت ، وبموت ابدويه
[align=center] صح لسانك ولسان الشاعرة
وكلنا نفتخر بي بداوتنا وماضينا وحياتنا البسيطة ابيات فعلا جميلة والله يعطيك العافية تحياتي[/align] |
رد: مولوده ، وعشت ، وبموت ابدويه
[align=center]صح بدنك بنت ابوها
ماعليك زود يالغاليه صح بدنك اخوي سعد الله يعافيك ويحفظك ومثل ماقلت كلنا فخر ببداوتنا لاهنتو على حضوركم الطيب تحية طبة لكم[/align] |
رد: مولوده ، وعشت ، وبموت ابدويه
[align=center]صح لسانك والسان الشاعر
اختيارك قمة في الروعه يدل على ذوقك الرفيع كل الشكر لك حبيبتي [/align] |
رد: مولوده ، وعشت ، وبموت ابدويه
[align=center]صح لسانك ولسان الشاعره
اول موضوع لبدويه لازم نردعليه مشكووووور بارك الله فيك[/align] |
رد: مولوده ، وعشت ، وبموت ابدويه
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياما حلا الاسم وياحلو طاريه=وكل الفخر بابيات بنت ابدويه ودي انا يابنت شعرك اجاريه=لو كان مالي بالشعر مقدريه لاعاش اللي مايبي ذكر ماضيه =وتقبلي مني سلام وتحيه [/poem] |
| الساعة الآن 11:13 AM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.