|
يمه...!؟
إلى أمي ...حفظ الله لكم أمهاتك ..
يمه... عندي سؤال أضناني .. جوابه وقف بالشرق.. ودونه ملحمة وأنا ديلامنشا .. و فقدت بغيبتك وجهاتي ورمح وعتاد .. يوصلني .. بليا حصان جوابه .. ماعمري خشيته ولاهبته ولو أستبدل علامة الإستفهام... بجمجمة وعظمين يرفرف بها الموت الأسود .. ينبهني يغير أسماء أصابع أقدامي بطريق خطاي .. حافة... ووادي .. و...هلاك .. وسقوط .. وآخر إصبع كني سمعته يناديله ... محال يمه...هذي أصابع خطوتي خمسه .. وطريقي عثرة ورصيفة زلال يمه.. منهو مثلي يستجدي شوفك سكب دنياه بأحضانك خيال يبكي قهر .. ودمعه .. دايم قصر ماطفى حسراته وهمه يمه.. منهو مثلي .. يحفر صحاري غيبتك بأظافره معول لللآمال يستمد الأيام .. لو من آثار لأقدامك على تراب يشمه يمه.. منهو مثلي.. يكذب عيونه ويغمضها ويمني بلمسته الأوصال يستبد بكل شي في طريقه كنه أعمى يصطدم فيه ويضمه يمه.. منهو مثلي... عجز يخدع شفاهه بالضحك المزيف .. ماسرق من فطرة الضحكة جمال يستصغر شفاه كل من يضحك دون أمه لمس بسمتك إعجاز ملئ كوني وضمه يمه.. منهو مثلي.. يشوف الناس من قبره وهو ميت من غيابك ولازال يرتجي ظلام اللحد .. لجل يعيش عمره بغيبتك ليل وإنتي نوره و حلمه يمه... منهو مثلي.. صفى جوفه كهف والجسد من غيبتك كنه جبال تزئر ..آلامي .. و إبتساماته الأخيره تحتضر ..تنزفك وأنتي زمرة أفراحي ودمه يمه... منهو مثلي... عكس البشر دوم وجهاته يعاندهم وهو متأكد بلانقاش و إحتمال كان كبير وبدى يصغر طفولته تنبض بك وشريانه هي أذرعتك وقلبه حضنك يحتويه ويلمه يمه .. منهو مثلي. من شوقه راح يعيد ويقلد كل طيحاته وخطواته كنه في عمر الأطفال ودي أمش قبل مأحبي .. لجل ألخبط بداياتي ..وأعيد كل ماأخطيت وتبقين ياأمي يمه يمه ... منهو مثلي..رفض فكرة خزانه ملابسه تكون مرتبه .. بغيبتك لاخزانه ولاترتيب بلاجدال يحوس كل قمصانه وصفت تفهم ثيابه عليه.... تركض في زوايا الكركبه خوفها ماتكون معفسه قبل ترتديه يمه.. منهو مثلي .. نثر في جيبه المشقوق مكعبات حروف بدى مثل الأبجديه ولاخالف الترتيب أوعنه مال لجل .. يرسم أثر دربه بألف وميم وياء .. عسى .. يلقاك .. ولو تبعثر سطابه موت.. تدلك مكعباته به مع الأيام لوصدفه تجيه يمه .. وصاتي .. لو أتعب أعزومي وذيك النوايا تابوتي ..و موتي وحملتني وجيه أغراب وسواد أزوال ردي لو سمعتي زفرتي جتك .. ضمي بقايايي وبلهفة دموعك نعشي والرفات أغسليه وأحتويه يمه... لاتلوميني ...لو قصرت وتستخسري دمعتك فيا وأنا محروم مضى عمره وعاش من دونك كماتمثال رجيتك .. ليت أحضانك هي أكفاني .. وتاطين بخطوتك رمال تحتها رقد بسرور جثماني يمه ... وقتها .. منهومثلي .. حتى في موته باقي يحس أنه طفل ضربوه وعوروه أعيال وجى يشتكي لمه .. وضمته في قبره لجل ينام وبيديها كسته رمال عطي من حنانك بدفى لمستك الرمال يمه ... نعست .. أرجوك .. بغيت أنام .. لجل أشوفك .. قبل ينقفل قبري .. غيابك .. وحده مأخرني ..وأنا ماكني بغيبتك عايش ولاميت لجل أشوفك بتأبيني وأفز وترد الروح ووارجع طفل ماشبت ولاأنحنى ظهري |
رد: يمه...!؟
[align=center]أوعديني يمه تسمعيني
يمه تكفين لو لحظه ........ ودي أشكيلك همومي ودي أغفي على صدرك ..... وأبدأ أشرحلك عذابي ودي أحكي عن دموعي ،،، عن شقى ليلي ونهاري ،،، عن همومي وعن سري الدفيني ،،، بس قبل هذا أوعديني ..... يمه أنك تسمعيني وعن سكوتي تعذريني ... أبي قلبك قفص يحضني ،،، من هموماً عشتها سنيني ،،، أبي عطفك يحتويني ..... لأني ذقت أنا الحرمان ..... وحزن صار يكسيني ..... يمه ليـــــــــــــــــــــــــــــــه تركتيني ،،، وحيده والهموم كثااااااااااااااااااااار ،،، يمه من يوم رحتي ..... تاهت بعدك الأقكار يمه ليه وأنا لجلك تحديت الزمن باصرار وكم كانت عيوني لجلك ... يمــــه ... تموت وتحترق بالنار تعبت وطول المشوار تعبت أخفي بقلبي عذاب وفي داخلي كثير أســــرار وين أروح يايمه ،،، بعد ماغبتي يايمه ،،، باقيه جروحي فقلبي بقاياها آلم تذكار ،،، تعبت ومابقى بي حيل يايمه غير الدمع بعيوني وبقاااااايا جسم منهار ؟؟ آآآآآه يايمـــــه شكثر هالزمن غدار ... يمــــــــــه نفسي يمه لحظه يمه تسمعيني وأسمع صوتك تناديني .. وبعدها أموووووووووووووت ولاأبي من يعزيني ،،،،،، و*17 لندن تحترق كاتب مبدع بكل ماتعنيه الكلمة وقلم يجبرنا على الأحترام ويجعلنا في حيره دائمه في حالة الرد هناك كتابات عاديه والرد عليها يكون عادي وبدون تكلف وهناك كتابات وجدانيه كتبت بحروف ذهبيه تجعل القارىء يستمتع بقراءتها ومن الأجحاف أن تقرأ وتنصرف عبارات المدح والثناء ليست بكافيه ، والأبداع والتألق ليس بجديد على لندن تحترق لكن في هذه الخاطره الأكثر من رائعه لاأستطيع إلا أن أقف وأنحني لك أحتراماً وتقديراً وأعتراف بأنك صاحب الأنامل الذهبية دون منازع والله ليست مجامله أو محاباه بقدر ماهو أعجاب بهذا النص المتألق لقد أبدعت وأتحفتنا بما كتبت لاتحرمنا من هذه الجواهر ولاحرمنا الله من حضورك المميز تقبل تحياتي وتقديري [/align] |
رد: يمه...!؟
[align=center]الام قدرها عظيم
وهي اساس الحياة ولا لذة ولا طعم من دونها هي الحنان هي الرحمة هي نور الدنيا هي نبراس الحياة ومهما كتبنا اول سطرنا لا نوفي حقها يعطيك العافية لندن تحترق ولك مني كل الشكر والتقدير دمت بود وسعادة[/align] |
رد: يمه...!؟
بنت أبوها
قلتي نص .. كان نصاً فما كتبته قوض بنيان حروفي وهمش صفحتي .. لدرجة التلاشي ولاإضمحلال شكرااااا وماجزاء الإحسان إلا الإحسان فهاأنا .. وحروفي ننحني تقديراً.. لك ياصاحبة المرور المميز كعادتك دمتي متميزة |
رد: يمه...!؟
أشكرك أخي العزيز
والصديق الغالي طلال بن محمد حماك الله وأطال عمرك مرور .. أحترمه بكل أمانه |
رد: يمه...!؟
|
رد: يمه...!؟
أختي العزيزة الريم
فل .. تقبلي بمنحي شرف .. تسميتك بزهرة الربيع مانحته هناااااااااااااا هو الإبداااااااااااااااااع الذي يفقد حروفي قيمتهااااااا شكرااا دومتي ... يانعه.. مرتويه حماك الله .. من نوائب الدنيا.. وغدر البشر.. دمتي متفتحته كأزهاااااااااااار الربيع |
رد: يمه...!؟
مهما كتبنا (عن الام ) نعجز نوفيها حقها .. ومايشعر بحراره فقدان الام الى الى جربه اخي لندن تحترق لاهنت على نثر هالكلمات الاكثر من ارئعة الله يرحم والدتك ويسكنها الجنه تقبل مروري |
| الساعة الآن 12:54 PM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.