منتديات الويلان - قبلان تكفى حنا بالدين إخوان * تكفى لايلقى بليس فينا سبيله

منتديات الويلان (http://www.al-welan.com/vb/index.php)

- منتدى قصــائد الأعضــاء (http://www.al-welan.com/vb/forumdisplay.php?f=64)

قبلان تكفى حنا بالدين إخوان * تكفى لايلقى بليس فينا سبيله

بسم الله الرحمن الرحيم
صلو على محمد صلى الله عليه وسلم
أقل ماأقدمه
وأرجو من الله العلي القدير ان يلين قلب قبلان ويعفو
عن بدهان الشمري

(( وأرجو من الأخوه المشرفين التثبيت ))

.
بديت بأسم اللي ليامن بغـى كـان
.
الواحـد اللـي كلنـا نلتجيـلـه
.
ومن بعد ذكره بادي بنظـم قيفـان
.
جزايـل القيفـان ماهـي هزيلـه
.
أخايل غيومي على بيـت قبـلان
.
ومزون شعري وقفت يوم أخيلـه
.
قبلان تكفى حنـا بالديـن إخـوان
.
تكفى لايلقى بليـس فينـا سبيلـه
.
إبليس يجري مثل مالـدم بإنسـان
.
ويزين أفعـال الـردى والرذيلـه
.
بدل وساويسـه بعفو(ن)وإحسـان
.
وإغنم رضا ربك وترقى الطويلـه
.
لالاتـردد أعتـق اليـوم بدهـان
.
حزم ضلوعك بشـر بيـه يجيلـه
.
عادات ربعك مابهـم أي نقصـان
.
عادات ربعـك كاسبيـن النفيلـه
.
أبذكر اللي منكـم جـاه ضيفـان
.
روس الزمل للقدر حطـه تشيلـه
.
ابن دعيجا نذكـره كـل ماحـان
.
فعيلتـه ياطيبهـا مــن فعيـلـه
.
أنخاك ينخونك هلا العز والشـان
.
حكام مع شعب(ن)مع أهل الفضيله
.
وحايل نخت معها أعيرف وبرزان
.
وأجبال حايل كلهـا بـك دخيلـه
.
سلمى بحيا تكفى وتكفى ياقبـلان
.
وأجا نخى من فوق راس الرعيله
.
تكفى مدين وأنـت ياشيـخ ديـان
.
واللي فعل طيب(ن)فلاأنسى جميله
.
وإبنك عسى ربي يحفـه بغفـران
.
ويجزاه ربي فـي جنان(ن)ظليلـه
.
دنيا وكل اللي عليها تـرى فـان
.
ولكل واحد يـوم يعلـن رحيلـه
.
يوم(ن)كتبه الله على كـل إنسـان
.
يومك ترى يومك ولالـك بديلـه
.
أقدارمافيهـا لـنـا أي سلـطـان
.
أقـدار ربـي مالنـا أي حيـلـه
.
جيتك وأنا كللي أمـل ياكحيـلان
.
والكفو مثللك أفتخر يـوم أجيلـه
.
تكفى عساهالك تسجـل بميـزان
.
يوم إن كل(ن)يفتخر في حصيلـه
.
والله يحفظك من صواديف الأزمان
.
وأدعي عسى ربي لهمـك يزيلـه
.
وختامهـا قبـلان قبـلان قبـلان
.
تكفى عساهالك رصيـد ووسيلـه
.
وصلاة ربي عد ماهلـت أمـزان
.
على الرسول اللي يوثـق دليلـه

اللهم لين قلب قبلان اللهم لين قلب قبلان اللهم لين قلب قبلان
اللهم آآآآآآآآآآآآآآآآآآآآآآآآآآآآآآآآآآآآآمين يارب العالمين
ياإخوان اللي منكم يعرف قبلان الله يجزاه خير يوصله القصيده
شاكرلكم ومقدر
أخيكم /ممدوح بن زايد بن سعد القدهي الأسلمي الشمري
[email protected]