منتديات الويلان - قصة العنزي والشمري (مـــــعــــبره)

هذي القصه من روائع الضيافه عند البدو سردها الاديب الكبير عبدالله بن عبار في كتابه

قطوف الازهار

كان عوده بن زله من المصاعب من اصقور سافر لطلب الرزق وكانت الموصلات قليله وكانت الناس فقر ذابحه الجوع والقحط في ذلك الوقت سافر عوده الصقري من منطقة الخور في ضواحي طريف الى القيصومه طلبًًََ للرزق وعندما وصل الى القيصومه في حفر الباطن اصيب بمرض مفاجئ اقعده عن الحركه هو ما يعرف احد اجنبي عن الديار ولا يستطيع المسير فوقع في احد الشعاب في ضواحي القيصومه وقد شاءت قدرة الله وعنايته ان يمر بالقرب منه رجل من اهل الخير فمسع انينه واسعفه الى المستوصف وعالجه واخذه معاه الى البيته واستضافه واكرمه وسهر على عانيته طول اليل وقدم له العشا والقهوه ما قصر معاه ابد وبعد ان زالت وعكة عوده واستعاد قواه سئله الرجل من انت يا فلان قال انا عوده بن زله الصقري قال ونعم ورحب فيه وسئله عوده منو انت يا وجه الخير عملت معاي معروف وجبتني لبيتك واكرمتني وسهرت طول اليل على راحتي وداويتني قال انا راشد الرويحلي من الجعفر من عبدة من شمر فقال ونعم بك يا الشمري معروفك مراح انساه واسمحلي اسمعك القصيده يا الشمري قاله اسلم

[poem=font="Arial,5,silver,bold,italic" bkcolor="transparent" bkimage="backgrounds/38.gif" border="groove,4,red" type=0 line=1 align=left use=ex num="0,black"]
شرقت انا من طريف واهلي بالخور = الله رماني بالحفر ياظنينـي

الله يسوق العبد العدب مامور= واللي كـتب لـه يكتبـه بالجبينـي

ازحف على الرجلين عجزت لا اثور= ملك الموت بكل حزه يجيني

الله خلق الموت والدرب ماثـور=واجدودنـا مـن قبلنـا فايتينـي

انشد وانا مرضان ماحولنا اصقور= ترا القرايب عزوتي منتحينـي

مرباعهم مابين عرعر وابا القور= ومقيضهم البريت وكت القطيني

اظلم على الليل والناس بقصور= وانا غريـبً وطايـح بالبطينـي

ولامن صديقً يزعجن يم دكتور= تكفون يا الاجواد يـا المسلمينـي

اليما لفاني كاسب الطيب منعور= الشمري بالليـل جابـه ونيينـي

با الجعفري جعلك عن النار ماجور=حلفت انا منساك طول السنيني

يوم اتقلب واشتكي وانت ناطور= نوب على يسراي ونوبن يمينـي

من نجمة المغرب الى طلعت النور= تحضني حضن الابو للجنينـي

اكتب بياض مع اهل الهجن منشور= لراشد زبون الحرد علمه يبيني

من لابة لا عزلوا كل صابور= شمر هل الردات حبـس الكمينـي

ياما وقع بنحورهم كل مسطور=وعادتهم للضيف ذبـح السمينـي [/poem]

اتمنا القصه تحوز على رضاكم

تقبلو اروع تحياتي ابناخيكم حصبان بن نواف الحصبان