سالت عنك
سألت عنك من كثر ماتحريت ،، محدن درى وش صاب عين (النداوي) ؟! . بنت الرجال اللي لها فالوغا صيت ،، أحبها حبن عفيفن رهاوي . لو إنها بتروح الأنفس ماذليت ،، أقدم على صوت الفشق والعزاوي . إن فزت.. فزت بشوفها من هل البيت ،، و إن مت لجل عيونها.. وش يساوي ؟! . طبعي كذا عن حاجتي ماتخليت ،، دام الهوى يلعب براس الهواوي . ياا صااحبي.. ياا منووتي.. ليه صديت ؟! هذا جزاة اللي خفوقه رجاوي !! . هذا جزاتي يوم أنا لك تعنيت ؟! جيتك عقب طول المسافات ضاوي . هذا جزاتي يوم حبيت وأغليت ؟! جرحتني !! وأنا أحسب إنك مداوي . " الله واكبر " لابعدت وتغانيت ،، و أنا رفيقك فوق كل الهقاوي . إن كاني زليت.. باقول: زليت ،، و إن كان مازليت.. ويش أنت ناوي ؟! . إما رئفت بحال خلك و رديت ،، ولا _ دخيلك _ رد قلب الشقاوي |
رد: سالت عنك
ياا صااحبي.. ياا منووتي..
ليه صديت ؟! هذا جزاة اللي خفوقه رجاوي !! . روعة بكل معاني الجمال |
رد: سالت عنك
.
إن فزت.. فزت بشوفها من هل البيت ،، و إن مت لجل عيونها.. وش يساوي ؟! . كلمات جميلة .. وابيات رائعه صح لسانكـ .. دمت كما عهدناك تشكراتي |
رد: سالت عنك
سامي التويجري ...انا
التميز مروركم الغالي ويسعدكم واين كانتم |
رد: سالت عنك
صح لساانك ولساان الشااعر
اختيار رائع كروعة حضورك ماشاء الله عليك اختياراتك كلها روعه الله لايحرمنا من هالذوق الرفيع دمت متميز ومتألق .. |
رد: سالت عنك
الم الزمن
صح بدنك والله لا يحرمني من مرورك الغالي لكي جزيل الشكر على التعليق الجميل |
الساعة الآن 08:51 PM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.