صوره خياليه
 

رياح الشوق هزتني ..وجاه الخاطر من أقصاه

.................................................. ..... نويت أرسم خياله .. من ورى الفكره بطبشوره

ورسمت من الغلا لوحه .. نزف فيها دم الفرشاه

.................................................. ..... أبيه يكون قدامي ... إذا تــــعذرني.. حضــــوره

رسمته .. بس ما جبته .. أو إنه هالورق أخطاه

.................................................. .... مهو زوله .. ولا حوله ...ولالمحـات من نوره ؟

علامه كلما أرسم يجي عكس اللذي اهواه

.................................................. ...علامه هالأســــى غير .. تصاويري .. بغندوره

مهو هذا شعرها .. لا أبد .. وين انتي يالممحاه

.................................................. ..شعر وحده أنا أذكرها .. بوسط بغداد ... مذعوره

بكت لين البكى مل الهوان .. وتاه فيه ابكاه

.................................................. .بكت تذكر ابو غريب ( الفضيحه ) بذل.. مكسوره

ولا هذي ملامح ..ثغرها.... يا ثغرها محلاه

.................................................. .. يذكرني بعجوز تــبكي بـ ( غزه ) ومـــوتـــوره

ذبح نذل اليهود وليدها .. في مرقده ..مثواه

.................................................. . قتل حلم كبير .. للعجـــــــــوز .. وهدم قصوره

ولا هذي عيونه .. لا ولا ..حتى نقول أشباه

.................................................. . رسم عين ٍ..تشوف الضــيم في كابول مخطوره

تخاف من الجبان اللي تربص ما حد(ن) ينهاه

.................................................. .عن العرض العفيف اللي يصونه وفق دستوره!

تغير بالملامح ..كل شي .. ولا عرفت القاه

................................................ أبد ما يحتوي رسمه .. ملامح حزن مـــمــروره

كئيبه حيل .. تنسفني .. وتنسف كل مـ اتمناه

.................................................. .. وتنسف ما بقى من دفتري ... وتشتت سطوره

كرهت أرسم ملامحها.. ورسمي كارهـ(ن) أتلاه

................................................وط ــاح من الغلا..( كله ).. وطاحت بعده الصوره

مشاركة: صوره خياليه
 

................................................وط ــاح من الغلا..( كله ).. وطاحت بعده الصوره


صح لسانك
بس هي لك

مشاركة: صوره خياليه
 

[align=center]ابن شنير

رائع أيها الرائع

صورة عندما قرأتها سلكت طريق بغداد ورأيت تلك

المدينة الخالدة وجمالها وأخذتني أيها العزيز إلى كابول

ومنها إلى فلسطين الغالية حررها الله وأخواتها من أيدي الطغاة

صح لسانك وماقصرت وننتظر مثل هذه الصور الجميلة[/align]