منتديات الويلان - وصورت ملكنا علجوها على الجيب

[align=center] بسم الله الرحمن الرحيم

دنولي اللي للسهال العباعيب *** نبي نسج الجيب مع منطقتنا

وصورة ملكنا علقوها على الجيب *** صقر العروبه صورته شوقتنا

اغليه وغلي صورته مركز الطيب *** غلاه والله داخلاً ذاكرتنا

محبتاً ماهي محبت مطاليب *** مكارمه في وقتها كرمتنا

هذا بو متعب هو زمام المواجيب *** مواقفه من طيبها شرفتنا

ياسيدي مافيك شكاً ولا ريب *** يالعاهل اللي مالكن مملكتنا

لشعب غيث وللمعادي عواقيب *** ياسيدي يمناك ياما عطتنا

ياظلنا عن شمس حام الواهيب *** يافخرنا ياذخرنا ياحدتنا

اتعيش ياستر البنات الرعابيب *** ونجد العذيه عزها يانختنا

ليثٍ ليامنه كسر يرعب الذيب *** ويرد هجمات العدا ياغزتنا

ولولا المراجل والسيوف المحاديب *** مبطي ترى شهب الذيابه اكلتنا

ياسيدي صفيت كل المشاريب *** عقب التعب تريحت باديتنا

مثل الزلالي مايجيبك عذاريب *** دوحة ذرا في ظلها ظللتنا

وأن ما وفينا عيب وأكبر من العيب *** ولا خير في قصيدنا وسالفتنا

وصلو على المختار سيد لأصاحيب *** محبته عن كل شك احتوتنا

الشاعر/ بشير سماح الجعفري العنزي [/align]