منتديات الويلان

منتديات الويلان (http://www.al-welan.com/vb/index.php)
-   المنتــدى العــــام (http://www.al-welan.com/vb/forumdisplay.php?f=2)
-   -   صديقي.... (http://www.al-welan.com/vb/showthread.php?t=8523)

مشعل النمران 08-02-2007 03:48 PM

صديقي....
 
[align=center]رفيقك اللي يلطم الخصم لي جار وبالمال والمهجه وبالروح يفديك

رفيقك اللي كل ما سرت به سار على الخطا والا القدا مايخليك


اشتر تبيع وراس مالك مايضيع وصداقة الأخيار تشرى ماتباع

ياصاحبي لابلي مخلوق بمصيبة لاتشمت الناس في تدبير مولاه


أنا رفيقي لو هجرني حشيمي طبع توصى به رجال مشاكيل

العمر لحظات من الوقت تمتاز عرف الرجال ابها يفوق الغنايم


تشوف من عسر المواقف وتهتال وتلقى صديق كم تذكرت قبله

ليا جهلت بمعرفة صاحبك طح شف يتركك والا يجيك ويشيلك


يا صاحبي مغليك عن باق الأصحاب مافيهم أحد ماتمنى غلاتك

انت الصديق اللي ليامن ذكرته اقول هذا ياعرب هو صديقي


انت الصديق اللي ليا ضقت اجي له أجيه في ضيقه واعود بفرحه

شفتك ولالي غير نظرة عيوني مات الأمل ياصاحبي والأمل فيك


ياصاحبي قلبي بنبضه يشاطرك حزنك فرحك وخوف قلبك وامانك

لو يصير الموت دونك يالرفيق موت طيب ولاحياة للردى


ياصاحبي لاغاب غيرك تركناه والا انت عارف وش يصير بغيابك

وضعك ترى يفرض علي احترامك ومقابلك يلزم علي استمع لك


عطني سبب واحد على شاني اسمعك مادام لا منصف ولا كنت وافي

مافيه شخص لانخيته يجاوبني غير انت ياللي للصعيبات حاسيه


انا خويك للأبد وين ماكنت سيفك بوقت اللازمه تنتخي به

من وين أبلقى صاحب يرفع الراس ان طحت قبلي طاح والا رفعني


رفيقك الداني ليا شفت حاله احمل عليك من المعاليق ماشال

ان كان عندك للموده قوانين عطني حقوق المعرفه والصداقه


إحشم خويك عن دروب الرزاله ترى الخوي عند الاجاويد له حال

مالي صديق الا انت يا صادق الراي منك عرفت شلون معنى الصداقة


أبسألك وابغى اجابة سريعة وشلون افرط فيك دامك صديقي

من له صديق بها الزمن مثلك بخير ماشال هم وماسأل عن قراده


انا افتخر في صاحب مثل شرواك يوم الرجال تقول من هو خويك
[/align]

الـــــريـــــم 08-02-2007 10:42 PM

رد: صديقي....
 
[align=center]_ كن صديق نفسك قبل أن تبحث عن صديق

_ إن لم تكن صديقا وفيا لن تجد لك صديقا وفيا

الله يديم الصداقه الصادقه يارب

تسلم اخوي مشعل على هذا الموضوع الجميل



تحياتي لك
[/align]

فــدا عنزه 08-02-2007 10:51 PM

رد: صديقي....
 
[align=center]اين الاصدقاء اليوم[/align]

أبـــ بنت ـــوهـا 08-03-2007 02:11 AM

رد: صديقي....
 
[align=center]من وين أبلقى صاحب يرفع الراس ** ان طحت قبلي طاح والا رفعني

تسلم أخوي مشعل
ابيات جميله تعبر عن الصداقه
تحتار عندما تختار من هذه الأبيات
كل الشكر لك أخوي

تقبل تحياتي وتقديري




[/align]

مشعل النمران 08-03-2007 02:33 PM

رد: صديقي....
 
[align=center]& الريم

& فداعنزه

& بنت ابوها

الف شكر لكما على المرور والتعليق
والصديق من اهم الامور بالنسبة لى
تقلدوا احترامي [/align]


الساعة الآن 05:13 AM.

Powered by vBulletin® Version 3.8.8
Copyright ©2000 - 2024, vBulletin Solutions, Inc.