منتديات الويلان - حياة العشق..

أخذت من سم الدهرماكفاني
واشقيت نفسي بالعنا والتحاسيف
وعفت الزمان اللي ينزل مكاني
وعيت تبهر دلتي ياأهل الكيف
وخيمت من باب الحزن والمعاني
وابديت طاروقي بكل المحاريف
دمعه على خده وقلبه يباني
وعيت تصفالي قلوب المواليف
كني غريب عاش بين المباني
يسكن على الوحده وحكم التصاريف
هاذي حياة العشق في آخر زماني
عقب الربيع هبت رماااال وعواصيف
الصدر ضايق والجروح ماتداني
والقلب خدعة والخلائق مصاديف
الله عن دروب الحبايب عمانينا
رحمة الله صرت في دنيتي ضعيف
درب السراب بعيد وانت زماني
شوف الزمن خاين ولا له معاريف
المزج مايرسى بليا مواني
والحب مايسقيه خدعه وتزييف
ياهم ياللي ساكن بالمحاني
عمرك سمعت ان الهوا يكرم الضيف
جفا حبيب الروح ماعاد يبغاني
حسبي عالعذال وهرج الملاقيف
واليوم خلّي راح عني ونساني
كني سجين ينتظر لحظة السيف
ياما من أجلك حاسبين الثواني
وأهواك لو حتى الشتاء ينقلب صيف
عزاي لمن يسهر ومثلي يعاني
ويرمي بنفسه للعنا والتحاسيف