|
العبد الضعيف.......نواف العنزي
[poem=font="simplified arabic,5,darkblue,bold,normal" bkcolor="transparent" bkimage="" border="double,6,red" type=0 line=0 align=center use=ex num="0,black"]
يا إله الكون يارب السماوات=ياعالمن فالسر والي نجهره ما يخفاك خافي عالم النيات=وكلن علومه فالكتاب مسطره ياسامع دبيب الدود فوق إحصوات=سود والليل والأسود موحش منظره يامحيي رميم العظم عقب الفتات=يوم كلن يجي عندك تحشره لا إاله إلا أنت موحي الأيات=للنبي الذي وعدت إبتنصره يرب ثبتني على خمس الصلاوات=واغفر ذنوب ٍ مثل الجبال مزبره وادمح الزله يا دامح الزلات=وذنب ٍ ما دروبه خلقك تستره رحماك رحماك يا فارج الضيقات=طالبك طالبك يالله المغفره يالله رحماك لا قيل نواف مات=يوم يرموني وحيدٍ وسط المقبره اجعل قبري روضه من الجنات=وجلدي ماهوي حمل نار مسعره وارزقني من الحور زين البنات=وابشرب من خمر الاخره واسكره انهاروفواكه اقطوفٍ دانيات=شي ٍ فوق التعابير صعب اصوره ماتوجس امراض واهات ومعانات=والمريض ابو سكر يحذف دفتره فالجنه ماتبي وصف الطبيبات=ماغير تحمد الله عالنعيم وتشكره[/poem] |
رد: العبد الضعيف.......نواف العنزي
[align=center]لا إاله إلا أنت موحي الأيات ** للنبي الذي وعدت إبتنصره
يرب ثبتني على خمس الصلاوات ** واغفر ذنوب ٍ مثل الجبال مزبره اللهم آآآآمين صح لسانك اخوي نواف الله يعطيك العافيه على هذه القصيده دمت ودام تواجدك تحياتي وودي لك [/align] |
رد: العبد الضعيف.......نواف العنزي
صح بدنك والله يعافيك اختي الريم شاكرك من القلب
|
رد: العبد الضعيف.......نواف العنزي
صح لسانك ....... لكن لو تحاول تجيب شئ جديد من حيث المعنى والوصف والصور الشعرية .. حتى لاتكون القصيدة مجرد تجميع كلام ... وتقبل وافر الود والإحترام . |
رد: العبد الضعيف.......نواف العنزي
[align=center]أخوي نواف
اولا نرحب بك في منتداك مندى الويلان واسعدنا وجودك بيننا وانت من اهل الدار متمنين لك التوفيق وان تفيد وتستفيد ومشكور على هذه القصيدة والتي تعد دعاء و مناجاه بين العبد وربه نسأل الله تعالى ان يستجيب وان يرحمنا جميعا برحمته ولا نقول الا جزاك الله خير فقد ابدعت وننتظر المزيد من العطاء فلا تبخل علينا بذلك اخوك/ابو وائل[/align] |
رد: العبد الضعيف.......نواف العنزي
[align=center]صح لسانك أخوي نواف
لاهنت على هذه القصيدة كل الشكر لك تقبل تحياتي وتقديري [/align] |
رد: العبد الضعيف.......نواف العنزي
[align=center]يرب ثبتني على خمس الصـلاوات - واغفر ذنوب ٍ مثل الجبال مزبـره
وادمح الزلـه يـا دامـح الـزلات - وذنب ٍ ما دروبـه خلقـك تستـره رحماك رحماك يا فارج الضيقـات- طالبـك طالـبـك يالله المغـفـره [/align] [align=center]امين يارب اغفرلي واغفر لكل مسلم طلب رجواك[/align] [align=center]صح السانك اخوي نواف دمت على هذا الطرح تقبل مروري[/align] |
رد: العبد الضعيف.......نواف العنزي
[align=center]اهلا بك اولا ومليون هلا بك يالغلا
منور المنتدى بوجودك وصح لسانك على القصيدة وبيض الله وجهك تقلد أحترامي [/align] |
رد: العبد الضعيف.......نواف العنزي
وادمح الزله يادامح الزلات== وذنبٍ مادروبه خلقك تستره
. , اللهم امين ولجميع المسلمين . صح لسانك يا ابوهيسان .. واللي يقول مجرد كلام خله يعيد النظر بالقصيده الله يهدي بعض الناس يحسبون الشعر فقط لغرض الغــــــــــــزل ! وصـــــح لسانك يانواف . |
رد: العبد الضعيف.......نواف العنزي
ابو وايل جزاك الله خير يابناخي
واخوي مشعل النمران وبرنس الويلان يا عساكم على القوه يا عيال العم والاخ الفاضل عبدالاله هلا ومرحبا وصح بدنك يالغالي وشكرا لحسن ضنك يالذيب واخوي ابو خالد ابشر بالجديد والصور الشعريه لكن القصيده هذي وانا اخوك اشبه بالدعاء والمناجاه مثل ماقال اخوي ابو وايل لا عدمناه والعبد اذا ناجى ربه ما يحتاج صوروخيال وكلام فاضي الله ما بيننا وبينه ترجمان وانا اخوك....شاكرلكم اجمعين اخوكم نواف العنزي |
| الساعة الآن 06:17 PM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.