اهداء الى مجموعة سيف الجوود القابضه " قصيده بالاسهم لعام 1427 "
 

[align=center]http://www.lahdah.net/uploads/a70b0af809.gif


السلام عليكم ورحمة الله وبركاته .


أخواني الكرااااااااااااااااااام .

لنا أخ كريم يجود علينا دائما بمداخلات رائعه ونكن له من الاحترام والمحبه ما يعلمه الله.

لقد سبق ان اهدى الي قصيده عن الاسهم وقد عنون قصيدته باهداء الى طالب العرجان واخوانه

كاسم شركه في السووووووق.

وانا هنا اهديه هذا الاسم مجموعة سيف الجوود القابضه


وهذه القصيده المنقوووووووله وليست لي :







قال الذي في سوق الاسهم تغربل 00 إندق حالـه قبـل مالـه يدبَّـل 00 شاروا عليّه ناسِ غشْمٍ مهبّـل
دبّـل قروشـك عـام سبعـه وعشريـن

قلت اصبرو قدمت قرضٍ على البنك 00 أُما شرولي رزّ ولاشرو زنك 00 والله يسهّلها على اللي شكا الضنك
دبّل قروشك عـام سبعـه وعشريـن

لكن أخاف السوق ياخذ خشوعي 00 ما غير افكّر بالسهم في ركوعي 00 هذا نزل نسبه وذا في طلوعي
دبّـل قروشـك عـام سبعـه وعشريـن

حتى المجالس هرجة الناس الاسهم 00 ضاعت حلاة الكيف والكل مهتم 00 أحدٍ تشوف السن وأحدٍ مغلـدم
دبّـل قروشـك عـام سبعـه وعشريـن

واحترت مدري ويش اباخذ واخلي 00 سهم ٍمعلي بس الاخـر مدلـي 00 محدن يجيب العلم محدن يدلـي
دبّـل قروشـك عـام سبعـه وعشريـن

قلت المشوره قالو السهم سابك 00 إمية سهم فالمحفظه من حسابـك 00 هذي عروس السوق حظك رسابك
دبّل قروشك عـام سبعـه وعشريـن

ولاّ المصافي ياعريب الجدودي 00 سَهْمَ الملوك وكـلِّ يـومٍ يـزودي 00 لكن حذرا عن سهمْها تنـودي
دبّـل قروشـك عـام سبعـه وعشريـن

وش رايكم في سافكو ياجماعه 00 قالو بنيّة سابـك مـن الرضاعـه 00 إغرف مادام ان السهم وسْط قاعه
دبّل قروشك عـام سبعـه وعشريـن

قلت الخزف مافيه شكٍّ ولاريب 00 والعالم اِني صرت في صيدته ذيب 00 قالو موفّق والخزف يخْلِف اِبطيب
دبّل قروشـك عـام سبعـه وعشريـن

قلت اُم عشْرينٍ وخمسين رمزه 00 بنتٍ تعلّق قلب من شـاف غمْـزه 00 الدرّه اللي مـا تغشّـاه همْـزه
دبّـل قروشـك عـام سبعـه وعشريـن

قلت اِبو عشرينٍ وستين طيّـب 00 قالـو مضاربهـا كريـمٍ حبيّـب 00 قلت الهدف قالو هدفها قريّـب
دبّـل قروشـك عـام سبعـه وعشريـن

قلت الدوائيّه عساها تعيضي 00 تشفي حظيـظٍٍ لـه زمـانٍ مريضـي 00 قالو لي ابشر سَهْمها ما يغيضي
دبّل قروشـك عـام سبعـه وعشريـن

قلت النصيحه وش تقولون بالغاز 00 قالو مصيبٍ فيه وابرك من القاز 00 ياما تخفّى في عباته من الغـاز
دبّـل قروشـك عـام سبعـه وعشريـن

والجبس قالو سهْم خمسة نجومي 00 باكر تشوفه فوق الالفينِ يومـي 00 ياسِعْدِ من يمسك عليه ويصومي
دبّل قروشـك عـام سبعـه وعشريـن

قلت الغذائيـه وقالـو شِريْكـه 00 إنتاجهـا بالسـوق خُبـزٍ وكيكـه 00 قلت احسبنّه بالصناعي مَليكـه دبّـل
قروشـك عـام سبعـه وعشريـن

قلت اِِبو ألفينٍ وميّه وعَشْـرَه 00 قالـو كلبشـاتٍ تضـرّك بِقِشْـرَه 00 واِنْ كان تدعي قول ربي تحشره
دبّل قروشـك عـام سبعـه وعشريـن

قلت اُمِّ ألفينٍ وميّه وعشرين 00 قالو لقينـا النـاس عنهـا مِقفّيـن 00 قلت البلا ؛ قالو تبِذّ المساكيـن
دبّـل قروشـك عـام سبعـه وعشريـن

قلت اشْتري صدْقٍ وقالو تركّد00 نخاف بكـره مـن خبرهـا تنكّـد 00 اصبر يجيك العلم عنها موكّـد
دبّـل قروشـك عـام سبعـه وعشريـن

قلت الحسا ياناس ولاّ زجاجي00 قالو علامك كـنِّ فيـك ارتجاجـي 00 الحر الاشقر ما يعوّد دجاجـي
دبّـل قروشـك عـام سبعـه وعشريـن

قلت اُم ألفينٍ وميّه وستين 00 قالـو مضاربهـا يجيـب الطواعيـن 00 ذا له سنه تطلع وتنزل ريالين
دبّـل قروشـك عـام سبعـه وعشريـن

قلت اللجين وسيسكو ودّي اقحش 00 كلٍّ يوصّي قالو اُوصاتنا اِنحـش 00 من طبِّ فيهن حشّو اِرْجِيْلِته حش
دبّل قروشـك عـام سبعـه وعشريـن

قلت المشوره ياجماعه بفيبكو 00 الظاهـر اِنّـه ماتقـادي لسيسكـو 00 قالو لي اِنشد عن نَتَاجه سدفكو
دبّـل قروشـك عـام سبعـه وعشريـن

قلت الحقيقه جايزن لي أنابيب 00 مدري خطا ياناس ولاّاِنِّي اِمصيـب 00 ولاّ نما ، قالو ترى لهْ طلاليب
دبّـل قروشـك عـام سبعـه وعشريـن

والمعدنيّه ، قالو اُمَّ المسامير 00 جنِّب عنَه ما مـن وراهـا تباشيـر 00 ياما لِحقْنا مِن سَهَمْها مخاسير
دبّـل قروشـك عـام سبعـه وعشريـن

شاوَرْتُهُم بالكيمو اُمَّ الدناميت 00 امضاربه لا هـوب حـيٍّ ولا مِيـت 00 واللي شراها دبّل من التناهيت
دبّـل قروشـك عـام سبعـه وعشريـن

والزامل ومِن بعده اللي تسمّـى 00 مجموعـةٍ واللغـز فيهـا مِعمّـى 00 من فاز فيهن راس ماله تنمّـى
دبّـل قروشـك عـام سبعـه وعشريـن

قلت آخذ الصحرا و قالو ترفّق 00 لاتخدعك بالسـوق نـاسٍ تطفّـق 00 ما كـل رجـالٍ يحلّـل يوفّـق
دبّـل قروشـك عـام سبعـه وعشريـن

قلت المراعي له دعايه وراعي 00 آخِر سَهَمْ لي بالمجـال الصناعـي 00 ما قيل رجلٍ طبِّ فيها وجاعـي
دبّـل قروشـك عـام سبعـه وعشريـن

قلت السِمنت وقيل حاز العلامه 00 واللي عطاك العلـم حشّـم مقامـه 00 لاشك نجمـه لامـعٍ باليمامـه
دبّـل قروشـك عـام سبعـه وعشريـن

قلت الفنادق قيل مثـل البنـادق 00 قلـت العقاريـه وقالـو خنـادق 00 قلت آخذ البحري وقالو صنادق
دبّـل قروشـك عـام سبعـه وعشريـن

قلت اِبشرو بالحج جاك الجماعي 00 بين المشاعر ياهل العرف ساعي 00 ويزور ساسكو بنت عمّه رضاعي
دبّل قروشك عـام سبعـه وعشريـن

قلت الضحيه والضحيه مواشي 00 قالـو توقّـع لاتجـي للخشاشـي 00 قلت الله اكبر فيهِن الرزق ماشي
دبّل قروشـك عـام سبعـه وعشريـن

مكه وطيبه مع عسيرُ وتهامه 00 كلٍّ عليهن عـضّ بِسْـرة اِبهامـه 00 الرابح اللي حطِّهِن في حزامـه
دبّـل قروشـك عـام سبعـه وعشريـن

قالو مبرّد يالسنافي تكسِّـب 00 والصـادرات الهقـوه اِنّـه تنسِّـب 00 وابعد عن التعمير باكر تِحسِّب
دبّـل قروشـك عـام سبعـه وعشريـن

قلت آخذ الباحه وشمس وثماري 00 ولاّفتيحي مـع جريـر التجـاري 00 حيث اِن له فضل على كل قاري
دبّل قروشـك عـام سبعـه وعشريـن

قالو وعدهن عقب عيد الضحيّه 00 اِن كان لك رُوحٍ مع الناس حيّـه 00 قلت السنه هذي علينا رِخيّـه
دبّـل قروشـك عـام سبعـه وعشريـن

قلت آخذ الكهرب وقالو عقارب 00 شطّر عنه كنّك عن الداب هـارب 00 الناس تدري وين عذب المشارب
دبّل قروشـك عـام سبعـه وعشريـن

قلت الزراعه وش تقولون فيها 00 قيل الصراحه كـل عيـنٍ عليهـا 00 واخصِهن بيشه ونـادك تليهـا
دبّـل قروشـك عـام سبعـه وعشريـن

والباقيات الخير فيهِن تبَيَّن 00 وان طعت شوري في سهمهِـن تليَّـن 00 حقَّ النظر فيهن شويُّ وتعيَّـن
دبّـل قروشـك عـام سبعـه وعشريـن

والاتِّي الثنتينِ فيهن وصايا 00 واشوف بعض الناس عنهـن قِصايـا 00 والله لاصبر لين احقق رِجايـا
دبّـل قروشـك عـام سبعـه وعشريـن

قلت البنوك وقيل عنهن حرامي 00 غير البلاد اللي تـورَّع وشامـي 00 والراجحي قبله رفيع المقامـي
دبّـل قروشـك عـام سبعـه وعشريـن

ما باقي الاّ وحدةٍ ما ذكرته وسمه 00 عليها بس انـا احرقـت كرتـه 00 واللي شرح لي عن نشاطه شكرته
دبّل قروشك عـام سبعـه وعشريـن

هذي معاناتي على طول الايام 00 واقول ما حصّلت يا كـود الاوهـام 00 ليتي مشطِّر عن غرابيل الاسهام
دبّل قروشـك عـام سبعـه وعشريـن

ومن قبل اختم القاف عندي نصيحه 00 واخص به كل الوجيه الفليحه 00 المال عند الناس مثل المنيحـه
دبّـل قروشـك عـام سبعـه وعشريـن

زك وتصدّق لاتطوِّف زكاتك 00 ما تدري ان الموت بطْـرف عباتـك 00 ما قيل مالٍ زخرفو به حصاتك
دبّـل قروشـك عـام سبعـه وعشريـن

والخاتمه صلّو على سيد الابرار 00 ما غرّد القمري وما طايـرٍ طـار 00 واعداد ما يلفي على البيت زوار
دبَل صلاتك قبل عرض الموازين


وسلامتكم







http://www.lahdah.net/uploads/63fa275de7.gif[/align]

مشاركة: اهداء الى مجموعة سيف الجوود القابضه " قصيده بالاسهم لعام 1427 "
 

مشاركة: اهداء الى مجموعة سيف الجوود القابضه " قصيده بالاسهم لعام 1427 "
 

مشاركة: اهداء الى مجموعة سيف الجوود القابضه " قصيده بالاسهم لعام 1427 "
 

اخي طالب الرجاء قبول اهدائي المتواضع لك وهي صورة لطير سنجاري نادر
وسبب الاهداء هو الشبة الكبير ياطالب بين موصفات هذا الطير ومواصفاتك وليس بغريب عليك التميز لانك حر ولد حر موقعك بالمعالي منازل وصيداتكم دايم سمينة محبتي لك امتداد لمحبة والدك الله يحفظة حيث انني اكن لهذة الشخصية كل محبة وتقدير وعلى امتداد التاريخ والجفرافيا لا يوجد بين العائلتين الا المواقف المشرفة ولو دخلت في هذة المواقف لا افنيت الصفحات اتمنى من الله سبحانة ان تدووم تحياتي لك http://members.lycos.co.uk/qatarucom...pic/12wew2.jpg

مشاركة: اهداء الى مجموعة سيف الجوود القابضه " قصيده بالاسهم لعام 1427 "
 

طالب وينك ياخلفهم