|
مقاطع من جوالي استوقفتني
سبحان الله يا إخواني ..
قبل أمس ماسك جوالي وأناظر مقاطع عائليه وذكريات وأشياء مسجلها لها فترة بجوالي .. وأناظرها .. وأقول .. ياااه , بعض الأشياء صارت وماكأنها صارت .. نسيناها .. كلامنا .. ضحكنا .. سوالفنا .. كلها مسجله بالفيديو , أشياء فيها معاصي لنا .. مانقدر نجحدها .. مثبته بالصوت والصورة .. أحياناً ممكن نشوف مقاطع فيديو .. فيها بنات يرقصون .. أو شباب يسوون حاجات غلط .. ونجي لهم بعد سنه او سنتين نوريهم .. تلقاهم ناسينها .. وما يذكرونها بس ما يقدرون يجحدونها .. عاد أقول .. كيف سبحان الله .. يوم البعث ويوم الحساب .. لمن يسألنا الله سبحانه وتعالى عما اقترفت أيدينا .. ونجحد .. ونقول لم نفعل , كيف .. وكل شيء مسجل علينا .. أيدينا وأرجلنا وأبصارنا .. كلها بتشهد علينا .. وتثبت علينا .. و نصير بموقف حرج أمام رب العالمين .. العين .. تبي تشهد على النظر المحرم .. القدم .. تبي تشهد على ارتياد الأماكن المحرمة .. واللي فيها فسوق وفجور .. كل الأعضاء .. تشهد عليك .. لو أحد منا .. تُسجل عليه بالفيديو معصية .. ثم يشوفها بعد ما تطفى شهوته .. يبي يستحي من نفسه .. ويخجل .. وماوده أن احد من الناس يشوفها , فكيف والملائكة تشهد ورب العالمين يشهد .. وحتى جوارحنا تبي تشهد .. ماخلاني اكتب هالكلمتين .. إلا تذكير لنفسي ولكم .. أن كل شيء مسجل علينا وكل شيء سنحاسب عليه .. استغفر الله لي ولكم ولسائر المسلمين من كل ذنب عظيم أو صغير .. والسلام عليكم ورحمة الله .. وعلى الخير لنا لقاء سيف الجوود |
مشاركة: مقاطع من جوالي استوقفتني
الله يعطيك العافية أخوي سيف الجود على هذا التذكير الطيب والله أنك كما قلت هذا هو واقع كثير من الناس ، والله أناّ هذه النصيحة تشترى بماء الذهب لمن كان له قلب وعقل لبيب .
وأقول : أن اللذة ذهبت وبقى الذنب وسوف نحاسب عليه . أخي سيف أعجبتني هذه النصيحة وكذلك أعجبني توقيعك الذي يحمل كلمة التوحيد على خلاف بعض الاخوان هداهم الله الذي يضع في توقيعه صور النساء والموسيقى المحرمات بإجماع علماء المسلمين وعندما تناقشه بإن هذا التوقيع فيه مخالفة شرعية نأمل تغييرها ، يقول لا هذا مافيه شيء ، وكأنه يحل ماحرم الله برأيه هو بأن صور النساء والموسيقى غير حرام . أو يأتيك منه كلام يغضبك ، نأمل من جميع أخوننا مرتدي هذه المنتديات أن يحذون حذوك . |
مشاركة: مقاطع من جوالي استوقفتني
[align=center][a7la1=#CCFF00]نعم جزاك الله كل خير
أخوي سيف الجود على هذا التذكير الطيب مثل مقال ابو طلال (((أناّ هذه النصيحة تشترى بماء الذهب لمن كان له قلب وعقل لبيب .))) لك كل الشكر والتقدير من اختك شموووووووخ[/a7la1][/align] |
مشاركة: مقاطع من جوالي استوقفتني
والله أناّ هذه النصيحة تشترى بماء الذهب لمن كان له قلب وعقل لبيب
انا أيضا معكم وجزاكم الله خير |
مشاركة: مقاطع من جوالي استوقفتني
الله يوجة لكم الخير كلكم كل ( ن ) في اسمة
اسئل الله تعالى ان يجعلنا من اللذين يستمعون للقول ويتبعون احسنة اخي في الله ابو طلال منذ طفولتي وانا افتخر فيك واقول ياليت عندنا مثلك كثير يمكن انت ماتعرفني نظرا لصغر سني ولكن انا اعرفك تمام المعرفة . واللي مايعرف محمد الهدبان ابو طلال (( جاهل )) واتمنى من جميع الاعضاء تلبية لطلب ابو طلال ان ينتظرو التواقيع الاسلامية التي سوف اقوم بحول الله في تنزيلها للعموم واتمنى منهم الدعاء لانني في امس الحاجة للدعاء من الطيبين والله الهادي الى سواء السبيل ...وعلى الخير لنا لقاء بناخيكم واخيكم الصغير والفقير الى الله سيف الجوود |
| الساعة الآن 09:48 PM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.