بيضاء نثيل تجاوب صياح الاولاد@يوم الهنوف امست بلبس الحدادي
 

السلام عليكم ورحمة الله وبركاته
اخواني واخواتي رواد هذا الصرح الشامخ
اضع لكم ابياتي المتواضعه وهي رثاء بالشيخ صالح الامعط العواجي شيخ شمل ولد سليمان من عنزه(رحمة الله عليه الرحمه الواسعه)
[poem=font="simplified arabic,6,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
جاني خبر هز المعاليق من غاد=كما تهز الريح غصنٍ بوادي
البارحه مابين سرداد مرداد=احوم ليلي كن لي شي غادي
امرِ غريب بقلب ماهو بمعتاد=وقول ياقلبي ماهو شي عادي
واثر الخبر من دار فكاك الاعقاد=تبكي فراق الشيخ ذرب الايادي
بيضاء نثيل تجاوب صياح الاولاد=يوم الهنوف امست بلبس الحدادي
والحزن ضافي واحمر الجرح يزداد=بفراق ابو طلال والدمع زادي
وانا جروحي ياعرب جمع وافراد=تزايدن وقت العزاء بأمتدادي
من موت صالح شيخنا سيد الاسياد=شيخٍ على القالات شيخٍ سدادي
امرٍ جليل وحط للخلق ميعاد=امرٍ من المعبود رب العبادي
واستغفر الله كان زلاتي حداد=عن امر ربي يوم زل اعتمادي
امرٍ فجيع وياعرب يومٍ انكاد=صار اللحد لبو طلال الوسادي
كلن على فرقاه بالحزن مداد=ودقات قلبه مثل دق الوتادي
يابو طلال ارثيك ياسيف جلاد=يامزبن اللي ضف شمسه سوادي
ليلة رحيلك مأستلذيت بهجاد=والربع مثلي مأستلذوا هجادي
يابو طلال الوايليه لها ارعاد=ترعد حزن وسط الضلوع الشدادي
عليك يالمقدام تبكي ولاتهاد=الياذكرت رزتك قدم القعادي
لك هيبةٍ في كل ماقف ومقعاد=يازول حرٍ ناض وقت الهدادي
تبكي عليك من المعاميل بغداد=ويبكي عليك وجارها والزنادي
والنجر صاح وصيحته ترعد ارعاد=زعزع وطاء بيضاء نثايل ينادي
يالشيخ صالح جعل للخلد خلاد=ياعل مثواك الجنان الخلادي
ياعل مشروبك من الكوثر يعاد=تروى بها وانت بعزيز البرادي
يالشيخ صالح سيرتك كلها امجاد=سيرتك عز وللقبيله سيادي
لو باد كل الكون فالذكر ماباد=يبقى مع التاريخ سيرة قيادي
سيرة بطل ماناشها ذم وانقاد=محشومةٍ عن سوء هرج النقادي
واللي مخلفهم على طيبك اسياد=اسياد للعلياء بالامر الوكادي
اولادك اللي للمهمات رواد=يرثون طيبك ياعزيز المبادي[/poem]
تحياتي للجميع

رد: بيضاء نثيل تجاوب صياح الاولاد@يوم الهنوف امست بلبس الحدادي
 

شاعرنا الفاضل / سلطان سعد
.. بداية رحم الله ابو طلال وخلف عليه بالجنه

نص جميل برغم كمية الألم المختزنه بجوفه ..
صح لسانك وجعل الله لك من الصبر نصيبا ..

تقديري لك اخوي العزيز

رد: بيضاء نثيل تجاوب صياح الاولاد@يوم الهنوف امست بلبس الحدادي
 

رد: بيضاء نثيل تجاوب صياح الاولاد@يوم الهنوف امست بلبس الحدادي
 

صح السانك يابو وافي ورحم الله الشيخ صالح رحمتاً واسعه

بيض الله وجهك على المرثيه الرائعه

ولاهو غريب على شاعر بحجم الشاعر سلطان النومسي

رد: بيضاء نثيل تجاوب صياح الاولاد@يوم الهنوف امست بلبس الحدادي
 

رد: بيضاء نثيل تجاوب صياح الاولاد@يوم الهنوف امست بلبس الحدادي
 

رد: بيضاء نثيل تجاوب صياح الاولاد@يوم الهنوف امست بلبس الحدادي
 

رد: بيضاء نثيل تجاوب صياح الاولاد@يوم الهنوف امست بلبس الحدادي
 

رد: بيضاء نثيل تجاوب صياح الاولاد@يوم الهنوف امست بلبس الحدادي
 

رد: بيضاء نثيل تجاوب صياح الاولاد@يوم الهنوف امست بلبس الحدادي
 

ابو وافي صح لسانك ورحم الله الشيخ صالح واسكنه فسيح جناته