في العجله الندامه
 

[align=center]في العجله الندامه


احيي الجميع واهديكم هذه القصة الشيقة وبطلها الشيخ ساجر الرفدي من قبيلة عنزه وهو غني عن التعريف والقصه تحث على الركاده وعدم التسرع في بعض الاشياء جاء شخص يسمى خليف ضيفا على الشيخ ساجروحكاله قصته وشكاله ان جماعته شدوا اي رحلوا وتركوني انا ووالدتي بس فقال له الشيخ ساجر رح جب والدتك وبيتك وتعال قاصرني اي انزل جار لي الله يحييك وابشر باللي تبي وهذه ليس غريبه لان اهل البادية دائما يتميزون بالكرم والنخوه المهم ان خليف جاب والدته وبيته وصار قصير للشيخ ساجر وفي يوم من الايام طلع الشيخ ساجر للقنص وطلب من صاحبنا خليف يخاويه للقنيص خاواه خليف للقنيص وكان مع الشيخ ساجرصقر اسمه حطاب وسلوقي اسمه خطاف وخلال مسيرهم طلعت قدامهم ارنب اطلقوا عليها السلوقي وصار يرددهاعليهم وصاحبنا خليف من عادته العجله ومقرود حاول يحذف الارنب ويرميها رمى السلوقي الا ميت قال الشيخ ساجر وش سويت ياخليف قال صار اللي صار مشوا بطريقهم وعرضت لهم ارنب ثانيه وهدوا عليها الطير وبدت الارنب تقرب منهم تخشش عن الطير خطف خليف البندق يبي يرميها ورمى الطير الاميت لحووووول قال الشيخ ساجر ياخليف وش سويت بنا ذبحت السلوقي وبعد ذبحت الطير قال خليف مافيه نصيب ياطويل العمرخلنا نرجع لاهلنا بس رجعوا لاهلهم ووقتهم كان في رمضان جلس الشيخ ساجر يصلح قهوتة ومكان فيه غير طبخه وحده من القهوه والهيل صلح القهوه وركدها على جنب النار وكان الشيخ ساجر يشرب سبيل التتن الي يحطونه بالعظم ايضا والاعنده غيره وينتظروقت الغروب صايم . خليف راح لبيته وسولف السالفه اللي حصلت معهة على امه .قالت امه مالك حق عقب كل اللي سويته مع الشيخ تخلي الشيخ بهذي المحنه لازم تروح وانا امك وتحب على خشم وراس الشيخ وتعتذر منه.جاك خليف يبي يحب راس الشيخ وداس العظم اللي هو السبيل وكسره قال الشيخ ياخليف ارجع وراك كسرت العظم وش سويت بنا لاحوووول ولا قوة الا باللة رجع خليف على وراه صفق الدله برجله وكبها وزاد الطين بله وكدر خاطر الشيخ قاله الشيخ ساجر ياخليف مادام هذي امورك خذ اللي تبيه واللي تحتاجه انت وامك واللة يعينني على اللي حصل..............وقصد هذة القصيده الشيخ ساحر.ز(البارحه بالليل ماتريد حالي ... قضيت انا ليلي حزين ومحتار)..(مصيبة ماشفتها باليالي ...ياتقل يوهج بالضماير لهب نار)...(مصايب جني من اول وتالي...اربع مصايب لوعني من الجار)...(الاوله حطاب يعادل عيالي...اشقر عديم ولابرق الريش نثار)...(والثانيه خطاف ماله مثالي ...شره غلى تيس الجميله لياثار)....(والثالثه سويت بصفر الدلالي...وقصرتها وفاحت على بن وبهار)...(والرابعه بالعظم تتن الشمالي...وافلست منهن حين حزات الافطار)...(ياليت جتني قوم وافنت حلاللي...واصبر على مر الليالي والاعزار)...(ماشفت مثل خليف قليل والي ...من خلقت البدوان مامثلها صار)

منقوله تحياتي لكم[/align]

رد: في العجله الندامه
 

رد: في العجله الندامه
 

[align=center]
تسلمين اختي بنت أبوها

تصدقين اني عندي عقدة من المواضيع المكرره ومن كثر ما احاول


اتجنبها قاعد اطيح فيها لا فيه موضوع لي بعد مكرر بس محد حس فيه ومر على خير

يمكن من كثر ما قمت ادعي الله استجاب لى

تحياتي وتقديري كل الشكر لك [/align]

رد: في العجله الندامه
 

مشكور اخوي المنفي على الموضوع ومادام هدفك الصالح العام لاضير حتى لو كرر






تقبل مروري