قصه للشيخ (ساجر الرفدي)
 

--------------------------------------------------------------------------------
بسم الله الرحمن الرحيم

السلام عليكم ورحمة الله وبركاته

أهديكم هذه القصة الشيقة و بطلها الشيخ ساجر الرفدي القصة تحث على الركادة وعدم التسرع في بعض الأشياء...
الشيخ ساجر الرفدي غني عن التعريف جاه ضيف اسمه خليف وحكالة قصته قال: أنا شدوا عني جماعتي وجلست أنا ووالدتي لحالنا وخلوني...
قاله الشيخ ساجر: رح جب والدتك وشد وتعال اسكن عندي ربي يحييك والي تبيه من كل خير يحصلك انشاءالله..
راح وجاب والدته وبيته وجاور الشيخ ساجر وأكرمه وفي يوم من الايام نوى الشيخ يقنص وقال لـ خليف أبيك تخاويني فرد عليه أبشر ياشيخ...
راحوا يقنصون وكان مع الشيخ ساجر طير اسمه حطاب وسلوقي اسمه خطاف.... وهم يقنصون طلعت قدامهم ارنب نزلوا السلوقي عليها وصار يرددها عليهم وخليف من عادته العجلة والطفاقة .. ومقرود.
حاول خليف انه يحذف الارنب ويرميها ورمى السلوقي الا ميت......
قال الشيخ: وش سويت ياخليييييييييف؟؟
جاوبه: صار الي صار ياشيخ / مشوا بطريقهم وعرضت عليهم ارنب ثانية وهدوا الطير عليها وبدت الارنب تقرب منهم وتخشش وتبي المزبن....
قام خليف وخطف البندق يبي يرميها ورمى الطير..........................
لحووووووووووول قال الشيخ.. ياخليف وش سويت بنا ذبحت السلوقي والطير..
قال خليف: مابه نصيب يا طويل العمر خلنا نرجع لاهلنا بس رجعوا لبيوتهم ووقتهم في رمضان جاء الشيخ يصلح قهوه الا مافيه غير طبخة وحدة من القهوة والهيل صلح القهوة واركاها على طرف الضو (النار) وكان الشيخ يشرب سبيل التتن الي يحطونة بالعظم سوى له سبيل وحطة ينتظر الغروب حتى يشربه..
خليف راح لوالدته وحكى لها القصة الي صارت له مع الشيخ..
قالت امه: مالك حق تخلي الشيخ بهذي المحنة والي صار... رح وانا امك وحبه على خشمة وواسه مما حدث وجرى...
جااااااك خليف يبي يحب خشم الشيخ وداس على العظم الي هو السبيل وكسرة..
قال الشيخ: يا خليف ارجع وراك وش سويت بنا لاحول ولا قوة الا بالله ارجع وراك..
رجع خليف على ورا الا الدلة كزها برجلة وانتثرت وزاد الطين بلة...
وتكدر الشيخ وقال ياخليف مادام هذي امورك خذ الي تبيه من خير والي تحتاجه انت وامك وانا الله يعيني على اللي حصل راح خليف المقرود بعد متكدر من اللي حصل..............[/align]

وقصد هذي القصيدة الشيخ ساجر (أتمنى أن تنال اعجابكم)





البارحة بالليل ما تريد حالي
قضيت أنا ليلي حزين ومحتار
مصيبة ما شفتها بالليالي
يا تقل يوهج بالضماير لهب نار
مصايب جني من اول وتالي
اربع مصايب لوعني من الجار
الأوله حطاب يعادل عيالي
اشقر عديم ولأبرق الريش نثار
والثانية خطاف ما له مثالي
شره على تيس الجميلة اليا ثار
والرابعة سويت بصغر الدلالي
وقصرتها وفاحت على بن وبهار
والرابعة بالعظم تتن الشمالي
وافلست منهن حين حزات الافطار
ياليت جتني قوم وافنت حلالي
واصبر على مر الليالي والاعزار
ما شفت مثل خليف قليل وآلي
من خلقت البدوان ما مثلها صار



................

رد: قصه للشيخ (ساجر الرفدي)
 

أبن العم (وايلي من قطر)

سلمت يمينك عالقصه والقصيده

للشيخ ساجر الرفدي .....

لاعــدمــنــا قــلــمــك الــمــعــطــاء

أخوك
فارس عنزة

رد: قصه للشيخ (ساجر الرفدي)
 

اللي شرفني مرورك الغالي اخوي فارس تقبل تحياتي..

رد: قصه للشيخ (ساجر الرفدي)
 

[align=center]يعطيك العافية أخوي وايلي من قطر على هذه المشاركة الطيبة [/align].

رد: قصه للشيخ (ساجر الرفدي)
 

الله يعافيك يالذيب ..
مشكور عالمرور الطيب..تقبل تحياتي..

رد: قصه للشيخ (ساجر الرفدي)
 

مشكر على القصه

وايلي من قطر لاهنت

رد: قصه للشيخ (ساجر الرفدي)
 

العفو اخوي نايف ..
مشكور على مرورك العطر..تقبل تحياتي..

رد: قصه للشيخ (ساجر الرفدي)
 

رد: قصه للشيخ (ساجر الرفدي)
 

البارحة بالليل ما تريد حالي
قضيت أنا ليلي حزين ومحتار
مصيبة ما شفتها بالليالي
يا تقل يوهج بالضماير لهب نار
مصايب جني من اول وتالي
اربع مصايب لوعني من الجار
الأوله حطاب يعادل عيالي
اشقر عديم ولأبرق الريش نثار
والثانية خطاف ما له مثالي
شره على تيس الجميلة اليا ثار
والرابعة سويت بصغر الدلالي
وقصرتها وفاحت على بن وبهار
والرابعة بالعظم تتن الشمالي
وافلست منهن حين حزات الافطار
ياليت جتني قوم وافنت حلالي
واصبر على مر الليالي والاعزار
ما شفت مثل خليف قليل وآلي
من خلقت البدوان ما مثلها صار



الاخ وايلي قطر صححح الله لساااااااااااانك ولاهنت على ورد قصه الشيخ ساجر الرفدي
ودمت بعزه

رد: قصه للشيخ (ساجر الرفدي)
 

اخي المرعوش..ويبارك فيك انشالله.
اخي مليون درجه ..صح ابدنك يالغالي
ومشكورين عالمرور تقبلوا تحياتي..