منتديات الويلان - ((قصائد في قمه الحزن))اللي يحب يدخل\\ والله يعينه\\

السلام عليكم ورحمة الله وبركاته

كيفورمز البداوه سيف وللكيف دله
محبوبتي صحراي في حبها همت
أعشق سهلها والرجوم المطله أنا بدوي وبعيشتي ماتنعمت

يكفي إني من البداوه تعلمت
إن الركوع لغير ربي مذله

----------------------------------------
جبتها عالجرح وكنك مادريت.....وانت قاصد ماهي عني واصدفت
والدليل انك تبسمت ومشيت.....وانا اناديلك ولا يمي التفت

هذا حظي من على الدنيا وعيت.....كل مااضوي شمعه في دربي طفت
مع جميع الناس ياربي وفيت.....ليه بس اللي معي الدمعه وفت

من عرفتك وانت تجرح ماكتفيت.....دني تي وهي دنيتي مني اكتفت
اقوى صدمات من ايدينك خذيت.....وهذي صدمه جديده و شرفت
-----------------------------------------------
وعذابي كان لي نفس صحيحه
خيرت مابين صدك والمنيه
أن نويت البعد ضاقت بي الفسيحه
وأن بغيت القرب خان القرب فيه
كيف بخفي الحب وجروحي صريحه
كيف أحجب الشمس ياخلي بيديه
كيف أداوي علة النفس الجريحه
وين أودي دمعة العين الشقيه
-------------------------------------------------
من مواني الليل لعيونك سريت
ودمعتي تحلف علي أهلها
كم بكيت بداخلي لو مابكيت
كبرت همومي وقلبي شلها
كم تناسيتك ولكن مانسيت
لو تغيب الشمس يبقى ظلها
بأنتهي بك مثل مافيك أبتديت
وماسوت عزة زماني وذلها
-------------------------------------------
من يوم ماذوقتني حر فرقاك
واليأس والحزن في حياتي غرسته
شريت لي ثوب على شان لقياك
والثوب راحت موضته ما لبسته
وشريت عطر مازهاني بلياك
أربع سنين بعلبته ما لمسته
-----------------------------------------
غربة عمر منها المشاعر عطيبات
ولجل الرجاء جربت كل الطرايق
ورد الامل في زحمة اليأس مامات
يحيه دمعن به رموشي غرايق
بصوتي أجاوب صرخة العمر بآهات
مدام حظي من عناء الوجد عايق
-----------------------------------------
من دون ماأقصد ياهوى البال مريت
قدام بابك وأنجبرت أشتكيله
ياباب قله في عذابي تماديت
ومرت على فراقه سنين طويله
شوقي فضحني في عيوني وصديت
الدمع مايرحم وماقويت أشيله
---------------------------------------
خانت الأيام شخص مايخون
ولاهقيت أنه كذا طبع الزمن
كيف أصبر وأعيش مغبون
كيف اداف طالما الحظ أندفن
بس ليه أشكي وأحسب للظنون
وراس مالي تالي الدنيا كفن
ذي بداية والنهاية وش تكون
هو يزول الهم عني ما أظن
-------------------------------------
سافر حبيبي مابقى غير تذكار
تذكار عين للمحبة سهيره
سافر وقلبي من عنا البعد صبار
مبعد من عيوني وقلبي يديره
أجامل الضحكة وقلبي على نار
والجمر في جوفي تزايد س***ه
-----------------------------------
ولعتني يانور عيني وصديت
وخليتني من طول هجرك أعاني
مدري جفاء مدري علينا تغليت
ولا دخل في جوكم شخص ثاني
وأنت الذي في وسط عيني تعليت
وليا ذكرتك داعي الشعر جاني
ماطاب لي زاد ولا مقعد البيت
حتى لذيذ النوم راح وجفاني
---------------------------------
مايبعدك عني ولا أي مخلوق
وإن غبت يبقى في غيابك خطوره
مثل الشجر مهما رفع هامته فوق
يبقى مصيره مرتبط في جذوره
حنا تخاوينا على سلم وطروق
ياحلو خوة طيبين المشوره
------------------------------
لاتسأليني عن سبب كتم الآحزان
بس اسأليني عن غيابي وحضوري
لاتسأليني عن سبب دمع الآعيان
بس أسأليني عن دواعي سروري
لاتسأليني عن تصاريف الأزمــان
أجامل أحبابي وربعي والأخـــوان
جبر الخواطر صار معنى حضوري
أعطيهم الفرحه وأنا وسط الآحزان
وأجبر كسور الغير وأهمل كسوري
-------------------------------------
لا تشتكي من جور الايام للناس
وادفن همومك في ثرى الصمت كله
اسرار عمرك خلها تحت الانفاس
لاصار هرج القفا فاطنن له
هذاك يفرح لالمس جرح الاحساس
وهذا مناه لالقا فيك عله
جو الربيع بعجة الصيف ينحاس
لا جا هرج في غير محله
------------------------------------
مني رسالة حبرها طيب وأعطار
تجمع زهور الفل من كل ديرة
الغيث يسعد في الربا غصن الاشجار
كالصاحب اللي بالوفا زاد سيرة
لو الغلا مسموح في بث الاخبار
لأعلن غلاكم في قناة الجزيرة
الحال إن شاء الله دوم بخير ؟