|
الشاعر تركي حمدان000؟
[align=center]قد لايعلم البعض منا ان الشاعر والكاتب الكبير تركي حمدان
هواحد ابناء وشعراء قبيلة عنزه فقد استطاع هذا الشاعر خلال فترة قصيرة بانه يكون من افضل شعراء الخليج حاليا واستطاع من خلال كتابته في مجلة فواصل حاليا من انه كذلك من الكتاب الكبار فقد استحق ان يكون شاعر عنزة [/align] |
مشاركة: الشاعر تركي حمدان000؟
[align=center]ومن قصائد
قصيدة المقناص ياعـل بـرق ٍ مـثـل عـقـد ٍ عـلـى جـيـد فـوق "الطبيـق" يـهـل سبـحـة مـزونـه يمطر على غربي "فجر" مرتع الصيد هـاك الشعيـب اللـي طوينـا ردونــه ! ويـــلان واقبـلـنـا بـكـيــد الـحـواسـيـد ويــلان : عــدوان الخـطـا والمهـونـه في جيب ٍ احمر .. حمـرة الـدم بالقيـد لاهـــازه الـســواق جــنــت جـنـونــه يامـا نهـش جلـد الثـرى وازعـج البيـد ويـامـا عـلـى المـرقـاب دارن عيـونـه اثـــر الـمـواتـر جـودهــا لـلاجـاويــد والــدون يلـقـاهـا بـالافـعـال دونـــه ! فـي كــف ابــو خـالـد ولابــه تناشـيـد مـسـاعــد الــلــي كـلـكــم تـعـرفـونـه بـارودتــه مـاهـيـب مـثــل الـبـواريــد كـنـه معـاهـد رمـيـهـا .. مايـخـونـه ! جاب العشـا .. طرايـد ٍ خمـس تحديـد ثـم ارتكـى واهــل القـنَـص ينشـدونـه سيـد ٍ ولــد سـيـد ٍ وسـيـد ٍ ولــد سـيـد وعـــز ٍ الــيــن آدم تـشـيــد ركــونــه حـولـه جلسـنـا نـاخــذ الـعـلـم ونـفـيـد فـي ليلـة ٍ .. حتـى القـمـر زان لـونـه حيـاة ٍ اجـمـل مــن رفـيـف المواعـيـد وزمـان ٍ احلـى مـن حـديـث الحنـونـه [/align] |
مشاركة: الشاعر تركي حمدان000؟
[align=center]وايل
يعطيك العافية وصح الله لسان الشاعر تحياتي الك[/align] |
مشاركة: الشاعر تركي حمدان000؟
[align=center]رغم قيـدٍ من نحاس ،
.. ورغم ريـح ٍ من مقابر لايزال العم " صابر " ... يبتسم للياس ! لـكنّ الرطوبة .. تجرح احساس الوسايد ، والمح الحراس .. في صدر الجرايد .. يطحنون الوقت ، كان الوقت داكن والأماكن تخنق الأنفاس .. في عنبر ثمان المزدحم بالناس : " يا ابراهيم غنّ ، ارجوك غنّ ... وخذ سجارة ! غنّ تكفى لين ميعاد الزيارة .. لين ما ندفى وينسانا الحنين لحدّ ما نسمع رنين حجول ساره "! لكن السجن الهدير ، الموغل بـْصمت ٍ صراخ السجن هذا المستدير الرطب .. يرفـض لانوى الطاغوت ينفض عنـّه الأوساخ !! سجن بسبعة ارجل .. سود تعبث في السفرجل .. عود .. عود السجن ذا تابوت .. ناحل بطن حوت ولا حصل ساحل لو ابراهيم ، قبل نموت .. غنـّى خله الراحل ، يموت الموت .. أو يرجع حبيب ٍ وافي ٍ راحل ( وفي عشرين \ 5 : انتبهت لعش عصفور ٍ على الشباك ، راودت القصايد .. عيـّت الأسلاك . في عشرين \ 5 : ما تعاركنا . وفي عشرين : عكـّرنا الفضا ، واليوم : فضّـينا العراك . اشتقت للجمر الغضى ، للشارع امشي فيه، للأشواك تعلق في خيوط الصوف ، للهاتف يرن ّ وتهتف بلا خوف : يسعد لي مساك ! ) وأآه ياعنبر ثمان الممتلي خوف وجسارة نكهـةٍ تشبه لـ سارة سـارة ٍ تشبه لـ حزن وكل ما في السجن .. سجن اليوم الاول والرجولة ضحكة الجندي على الشاعر ، ذهوله حيرته ثم انكساره والسجين اللي هنا حطت به الأسفار ، حطت به هنا ماادري متى الأسفار حطت به ؟! ، سألته .. قال انا شفت الوطن تلعب فـ عبه نار ، قلت امـا أنا شفت الوطن والنار تلعبه !! ضحكنا ضحكة النفس السويّـة وارتبكنا .. ما احد ٍ يعرف خويّـه ؟ راودتنا الهاوية لين اجتمعنا ليه تمنعنا الهوية ؟! والرماد اللي تكدس ... حول منفضة السجاير هو درى باللي تمرس ... في اليقين وبات حاير ؟! أو جهَـل ؟ والسجن : شرفة والسجين اعمى ، ولا لي ذاكرة ! والسجن : ضيق ٍ ما يعرف ان الفضا موجود .. سقف ٍ ما يحس ان السما خلفه وانا اللي كنت احس ان الوطن محدود .. شفت البارحة .. كل الوطن غرفة !! .. وتغمرها الظنون اللي تناسل في العيون ، وشاعر ٍ ملعون تغمره السلاسل ! واتسأل .. .. عن أناشيد القساة اللي بنوا هذا الجدار وكيف هانوا في عيون افعالهم ؟! من كان .. فيهم ، يملك القدرة على هدم الجدار وكيف كانوا يحضنون اطفالهم ؟! كيف اجمعوا بين القيود وضحكة الأطفال .. ؟ تـنقصني إجابة كان ينقصها سؤال !! وكل ما في السجن سجن وكل ما حوله فنا والبارحة : علقم ، حصى .. تـُنطق أصح : قيد وعصى . والبارحة : ... باب ٍ من النار انفتح ، والموت بالمجان ، .. والمدفن دنى . حتى وانا في السجن عاجز لا اكره السجان ؟! سحقـا ً يا أنا ! والبارحة صلصال ، ... أو نفث فـ عقد رجال .. يبحث عن بلد .. خالي من الأغلال لكـن ّ العنابر .. تخنق السوسن تحاصرني مقابر لو سجدت احسن ! سجدت .. وعدت من دون السحابة ، عـُدت .. كان العم صابر يشتم الجدران كان الليل .. ساكن ، والأماكن تخنق الأنفاس .. في عنبر ثمان المختنق بالناس ..[/align] |
مشاركة: الشاعر تركي حمدان000؟
[align=center]قلب الحديد
اشهـد ان الجمـس .. وحــده .. جـديـرٍ بالثـقـه .....صـاحـبٍ .. دون الآوادم .. نخيـتـه واسـتـجـاب يــوم خانـوبـي .. لـقـيـت الـعــزاوي بشْـنـقـه .....ماقسى قلب الحديد .. وقسى قلب التـراب ! يـاسـقــى الله كــــل دربٍ مـشـيـنـاه رْفــقــه .....بيـن سجـات الصحـاري .. وهقـوات الهـضـاب صاحـبـي للبـعـد صـاحـب .. فـتـنّـي منـطـقـه .....بـــارعٍ مـايــوم جــنــب مـداهـيــل الــصــواب جمـسٍ احمـر .. كــن ربٍ خـلـق مــي خْلـقـه .....صاغهـا مـن نهـر فضـه .. وصاغـه مـن عـذاب احـمــرٍ حـمــرة خـــدود الـهـنـوف الـمـطـرقـه .....مـيــر فـعـلـه فـعــل قـــرمٍ عـصــيٍّ مـايـهـاب فـي سكـونـه قـلـبٍ ابـيـض وعـيـن مْغـورقـه .....وفـجنـونـه طـيـشٍ اورق عـلـى دمـــعٍ يـبــاب مقـبـلٍ كـنـه .. مــن الـــدم .. قـطــره بْـورقــه .....مدبـرٍ كنـه .. علـى الظـن .. دلـوٍ فـي سـراب سـاطــعٍ.. كــــن الــبــروق بْـنـحــره مـعـلـقـه .....هـــادرٍ كـنــه.. يــزايــم مــراويــح الـسـحــاب والله انـــي لاهـمـزتـه.. وجـــت لـــه رقـرقــه .....خـلـت .. بـقـزوزه .. عبـيـدٍ تـرامـى بـالـحـراب وان نخيتـه.. فـزّ واقبـل.. تقـل.. فـيـه شْفـقـه .....مــدركٍ لـيـه انتخيـتـه عـلــى عـــوي الـذيــاب كل ماشافـت.. عيونـي.. لهـا.. شـيّ.. فْهقـه .....لين صرت احسب عيوني .. دعاوي بالذهاب ! مـنـدفــع كــنــه .. يــفــج الـحـمــاد ويـرتـقــه .....طايشٍ.. كم تاب.. واخطا.. ولا اخطا.. ثم تـاب كــن الارض اوحــت شياطينـهـا.. المتسلـقـه ..... للسمـا.. والجمـس كنـه تداركهـا.. شْـهـاب كـم سريـتـه .. والهـجـوس بْحـشـاي مْوثـقـه .....كـــم تنـادمـنـا.. ولا اذكــــر تـنـادمـنـا عــتــاب ان لمـحـنـا الـظـلـع.. قـلـنـا: جـبــاهٍ مـشـرقـه .....والشـجـر.. لاهـتـز.. قلـنـا: تـسـاقـط يـاكْـتـاب مااختلفـنـا.. حـيـن شفـنـا الـسـمـا متـفـرقـه .....يوم.. نصف البدر بيّن.. ونصف الشمـس غـاب كـــن هـــاك الـبــدر.. طـفــلٍ تـبـلــل بْـعـرقــه .....حين شـاف.. الشمـس بنـتٍ .. تنـام بْـلا ثيـاب لـحـظـة.. تـســوى ثمـانـيـن رجـــل بْـبـنـدقـه .....لحظـةٍ.. يـامـا دفنـهـا.. عــن عيـونـي.. تــراب عشتـهـا مــن دون صـاحـب ولا خل..اعشـقـه .....وانقضـت ويّـا ســرابٍ .. نخيـتـه.. واستـجـاب [/align] |
مشاركة: الشاعر تركي حمدان000؟
[align=center]لاتـحـايــد .. لاتـحـايــد .. ولــــو هـــــي بـالـعـنــاد
الــعــنــاد ارحــــــم ولا الــوقــفــة الـمـسـتـنـكــرة الــــف درب ٍ تـسـتـفــزك .. ولااظــنـــك جــمـــاد والله ان بــعــض الـجــمــاد يـتـخـيّــر مـكــســرة ! والـشـجــر إنــســان .. لـكـنــه اوغــــل بـالـحـيــاد قــل مـعـي : ملـعـون شـخـص ٍ تشـبّـه بـشـجــرة ! كيـف عقـب الطيـش والعيـش فــي جــرح وضـمـاد ....... يصبـح الـلـي لارمــوه بحـجـر طــش ثـمـره عاد وان قلت: " الشجر جاد ".. ، قلنا: كيف جاد ؟! .. دون أن يمـلـك عـلــى مـنــع جـــوده مـقــدرة !؟ مـن عـجـز عــن بـخـل .. مــا للـكـرم فـيـه امـتـداد مـثـل مــا الـقـدرة عـلــى الـثــار ســـاس المـغـفـرة يارفـيـقـي واسـتـمـع لـــي .. وخـــذ عـلــم ٍ وكـــاد لايـــغـــرك مـايـقـولــونــه اهـــــــل الــبــربـــرة ! انـتـهـى الـمـاضـي وجـيـنـا مـــع عــلــوم ٍ جــــداد تـنــتــمــي لـلــعــقــل مـاتـنــتــمــي لـلـمــقــبــرة ! الــكــرم لــــو كــــان بـــــذل الـنـفـايــس لـلـعـبــاد كـــان مـــا ســــت الـصـبـايـا تـسـمــى الـجـوهــرة الـكـرم أن تـرخـص الشـمـع فـــي عـــز ّ الـســواد الـكــرم أن تـمـنــع الــدمــع عــــن وجــنــة مــــرة والكـريـم : الـلـي عـطـى الـنــوم لـعـيـون الـسـهـاد والشـجـيـع : الـلــي غـفــى مـــا تــذكــر خـنـجــره والله ان الــلـــي يـحــســب الـشـجـاعــة بـالــزنــاد مـثــل مـــن يـحـسـب حـــلاة الـحـديــث الـثـرثــرة وانــت تــدري قـلـة الـهــرج مـــن كـثــر الـرشــاد غـيـر شِـعـري لــو كـثــر .. بـالـرشـاد استـكـثـره ! إيــه شـاعـر واطـلـب الصـفـح عــن ذنــب الـمــداد فــي بـــلاد ٍ ســـاوت الـشـعـر بـاكــواز الـــذرة !! والله انــي مــا حـرثـت الــورق وارجــي حـصــاد مـيـر شـفـت الارض تــرزح تـحـت ثـقـل صـخـرة واذكـــر انـــي شـفــت قـلـبـي وعـشـقــه بــازديــاد واذكـــر انـــي لــيــن هـالـحـيـن فــكــري بـعـثــرة لــجـــل هـــــذا أكــتـــب الـشــعــر واذم الـحــيــاد ولـجـل هــذا قـلـت هالشـطـر " لـيـتـك تـذكــره " : " الـشـجـر: انـســان .. لـكـنـه اوغــــل بـالـحـيـاد " قــل مـعـي : ملـعـون شـخـص ٍ تـشـبـه بـشـجـرة ! [/align] |
مشاركة: الشاعر تركي حمدان000؟
شكرا أخي وايل على الموضوع القيم ......
|
مشاركة: الشاعر تركي حمدان000؟
[align=center]الاخ طير شلوى اشكرك [/align]
|
مشاركة: الشاعر تركي حمدان000؟
صح لسان الشاعر ومشكور على النقل الرائع ولكن يااخ وايل تقول انه شاعر عنزه من الذي اعطاه هذا اللقب وهل انت على اطلاع على نتاج شعراء القبيلة لكي تستطيع التقييم مع احترامي الكبير للشاعر ولكن الحكم في هكذا اموور صعب جدا
|
مشاركة: الشاعر تركي حمدان000؟
[align=center]الاخ القناص شكرا لك [/align]
|
| الساعة الآن 10:33 AM. |
Powered by vBulletin® Version 3.8.8
Copyright ©2000 - 2024, vBulletin Solutions, Inc.