قال الذي حده على بدع الالحان
 

[align=center]قال الذي حـــده على بدع الالحان
*** واشرف على بنات فكره وندبها

يذب صوته بين سجــات واذعـــان
*** على طواريق المعاني سحبـــها

يتل قلـــبه بالمعاليـــــق شريـــان
*** تلة يمين تلهــــــــا ثم كربـها

في ساعة فيها غفت كل الاذهان
*** ماحس فيها كود منهو حسبها

شوارد المعــنى ثقيـــلات الاوزان
*** يشدها هاجـــوس فكر سكبها

شاب الورق من ما بقلبه ولا لان
*** ارهى على الجزلات حتى كتـبها

في سولــته ياقل مافــيه ســـلوان
*** باسباب من قل السبب في سببها

الي تسبب لي بهجر من الاعيان
*** جعله وقود الـــنار واول حطبــها

ترف الصبا عذب اللما مطلق البان
*** ميــاس قد وكم قلـــوب عطــبها

سبحان من صور جماله وسبحان
*** ان اشهد ان الي عطـــاها وهبها

لاجيت اقارنها مع البيض شتان
*** شتان مابين النـــحاس وذهبها

واليا وقف رمح على راس مابان
*** واليا مشى درج القطى ماعجبها

ارواه ربه والبهـــى فيه ريـــــان
*** قام يتغطرس بالعـــيون وهدبها

فريد جنسه مانخلق مثله انسان
*** ياكبر حـــظ الي ولاها وكســــبــها

تبقى لها ذكرى على مر الازمان
*** بنت الرجـــال الي رفيع نسبــها

ادمنت حبه لين عديت الادمـــان
*** والارض ضاقت لو وســــــيع رحبها

قم يانديمي بالملازيم والشان
*** حملك ورق وانا علـيه تعــــبها

اركب على نتق مواريث الالمان
*** بالكاش مشراها مارجي طلبـــها

من وارد الناغي ماهي بحوش عمان
*** ياكم عيون لياتحلت رهبها

ان قلت صنعها ماهو باانس من جان
*** فوق المواتر صاغها ثم نصبها

ياكنها عذرى تماري بالاوجــان
*** بالمعلبه ماحولها من هزبها

من فوق فل اوبشــــــن بيلان
*** الرابح الي جابــــها من نجبـــها

تنزع من الباطن وتسري مسيان
*** وتقوي اللي للمسافه ركبها

بي ام سبعميه وخمسين حصان
*** بين المواتر ماذكـــــر من غلبـــها

من شيشة ابن سرور والا عبيلان
*** فول وقود النار واوزن حدبها

ثم تلها تلة شفوق وحدمـــــان
*** بالي هوا بـــــاله تنحى جنبــــــها

ياكنها دعجاء هوت بين عقبان
*** شيهانة من جـــا عشـــها مارعبها

اسرح مساريح القطى يم نجران
*** ديرة رجال فعلها ماحجــــبها

واضح محله مايبي وصف عنوان
*** تلفي علــــى الي ماتغره رتبها

قله ترا ذا الخط من يم سلطان
*** وانتم تحلون البلش من نشـــــبها

لا ياعوض ياصاحبي ياكحيلان
*** انته عوض نفس تزايد غضــبها

انته شبيه الذيب والذيب سرحان
*** عدى على روس الطوال ورقبها

تبذل يمينك ماتغاليت الاثمان
*** يمنى على فعل المــــراجل طربها

يمناك عدت بك ولك كم برهــان
*** ماجور ياعــــــود جذبك وجذبها

روسان ياجاهل عن افعال روسان
*** حموله ماغــاب عنها شـببها

اشكي عليك الحال من كاين كان
*** مسروجة وا شيب قلب رغبها

مانساه لو تنسى بني يام شيبان
*** ولو ينقل الباطن وعوجاه بابها

ولو ينتقل لدبي سنجار وأبان
*** وبرج العرب والعين عندي عزبها

ولو تنكر المطران عرفا وعوجان
*** والصلب والصمان واقصى هضبها

والشمري يزهق بحايل وبرزان
***ويترك معاميله عقب ماخضبها

ولو يطردون الضيف طلقين الايمان
*** والضيف مايلقى القره في عربها

ولو تنتقل وايل ورى ضلع شمران
*** ولو تنزل بعرعر ناس ماهي بشعبها

ولو يقطنون السيف صبيان قحطان
*** وتترك تهــلاهـــا وتنزع ودبها

ولو يتركون اهل الحسا كل بستان
*** ويجنـــــبون نخيلها مع رطبها

واهل البحر تنزح من السيف بدوان
*** وتارد على لينه وتملى قربها

مانساه دام الروح في وسط الابدان
*** مادام روحي ربها ماســـــلبها

اخيلها ماخـايلوا غر الامـــزان
*** واون ونـــــات تكــــسر عتبها

هذا ولك مني تحـــيه وعرفان
*** يامن فناجـــــيل المراجل شربها




الشاعر:سلطان بن عادي المطيري[/align]

رد: قال الذي حده على بدع الالحان
 

رد: قال الذي حده على بدع الالحان
 

رد: قال الذي حده على بدع الالحان
 

اخوي الغالي جدا جدا جدا مشعل النايسف

يعلم الله ان لك معزه خاصه عندي

وشرفني مرورك واطلاعك على القصيده والف شكر

رد: قال الذي حده على بدع الالحان
 

اخوي الكبير حسين الهوران

يكفيني انك بهالموضوع تعقيبك

ماأقدر اتكلم عنك يكفي قصايدك

الف شكر على مرورك

رد: قال الذي حده على بدع الالحان
 

رد: قال الذي حده على بدع الالحان
 

[align=center]صح لسانك ولسان شاعرها

تسلم اخوي سلطان على هذا الاختيار

لاتحرمنا جديدك

تحياتي لك[/align]

رد: قال الذي حده على بدع الالحان
 

[align=center]صح لسانك ولسان الشاعر

تسلم اخوي سلطان على النقل

لك تحياتي[/align]

رد: قال الذي حده على بدع الالحان
 

[align=center][all1=CCCCCC][align=center]الله يعطيكــ العافيه أخوي سلطان
وصح السانكــ والسان الشاعر
اختيار قمة في روعه والقادم اجمل ....
كل الشكر لك؛؛؛؛
[/align][/all1][/align]

رد: قال الذي حده على بدع الالحان