يـابــوي لــيــه تــبــكي ...؟؟ قـصـيده مـؤثـره
 

الــسلامـ عــلــيــكم ورحــمــة الله وبـركـــااتــه


يابوي ليه تبكي كل ما شفتك وعينـك لـي
تخاف أموت يابوي ... وقبل الموت تبكيني

كفا يابوي لا تبكي وأنا موجود معاك وحـي
أجل بعد الرحيل أشلون في قبري توطينـي

يابوي لو تموت الناس ماتسوى دموعـك ذي
وأنا يابوي ميت قبل أموت وأنـت محيينـي

قسم بالله يابوي لجل عينـك شربـت الغـي
جرعت الهم والحرمان وبحر الويل يسقينـي

تحملت السنين اللي طوتني في عذابي طـي
وصار الجمر بكفوفي .. وتحت أقدام رجليني

يابوي ماعلى عمري حسافه ولا بقا بي شي
ولكـن بطلبـك يابـوي تكفـا لا تخلينـي

يابوي مابي غيـرك يغسـل جثتـي بالمـي
وتكفا قبل لا أتكفن .. يابوي فك لـي عينـي

بأمر الله يمكن ألمحك وأرحل في عيني ضي
وودع وجهك الطاهر مـع دنيـاي وسنينـي

وخل الناس تحملني وترفع راسـي ورجلـي
وتأخذني على قبري وتكسب أجرهـا فينـي

واذا جيت القبر يا بوي نزلني شوي شـوي
ووجهنـي لبيـت الله .. وقبلـه المصلينـي

وحط الطين وأدفني وعز اللي يعـزي فـيّ
ثلاث أيام يابـوي .. يواسـوك المعزينـي

ورابع يوم يا بوي تذكر .. ضحكتي وعنـي
تذكر وش كنت أقـول يـوم أنـك تنادينـي

تذكر يوم كنت أنام في ظل النخـل والفـي
تجي يمي تصب الما..على وجهي وتصحيني

تذكر جرة الموال وصوت في حبالـه كـي
تذكر يوم أغني لك قصيدي وانت توحينـي

تذكر ضحكتك لا قلتلك يابوي عشقـي هـي
تذكر كم قصيدة خافيـه مـا بينـك وبينـي

تذكر كل شي كان وأذكر.. يـوم انـا حـي
ولكـن أسالـك بالله يـابـوي لا تبكيـنـي

رد: يـابــوي لــيــه تــبــكي ...؟؟ قـصـيده مـؤثـره
 

[align=center]تحملت السنين اللي طوتني في عذابي طـي
وصار الجمر بكفوفي .. وتحت أقدام رجليني

يابوي ماعلى عمري حسافه ولا بقا بي شي
ولكـن بطلبـك يابـوي تكفـا لا تخلينـي [/align]

[align=center]مبدع دائما

صح لسان شاعرها


قصيدهـ مؤثره جدا


بيض الله وجهك



ننتظر المزيد من أبداعك أخوي فيصل



تقبل تحيااااتي[/align]

رد: يـابــوي لــيــه تــبــكي ...؟؟ قـصـيده مـؤثـره
 

[align=center]صح لسانك ولسان شاعرها

قصيده رائعه

تسلم على الاختيار الرائع


تحياتي لك[/align]

رد: يـابــوي لــيــه تــبــكي ...؟؟ قـصـيده مـؤثـره
 

[align=center]تذكر كل شي كان وأذكر.. يـوم انـا حـي
ولكـن أسالـك بالله يـابـوي لا تبكيـنـي


تسلم فيصل [/align]

رد: يـابــوي لــيــه تــبــكي ...؟؟ قـصـيده مـؤثـره